ស្បែកជ្រីវជ្រួញលែងជាបញ្ហាទៀតហើយ បើស្រីៗមានវិធីទប់ស្កាត់ប៉ុន្មាននេះ

2019-01-03 01:00:00
ចំនួនមតិ 0 | ចំនួនចែករំលែក 0

បញ្ហាស្បែកសម្រាប់មនុស្សស្រី នៅតែជាបញ្ហាសំខាន់មិនថាស្ថិតក្នុងវ័យណាក៏ដោយ ព្រោះមនុស្សស្រីនៅតែត្រូវការភាពស្រស់ស្អាត និងក្មេងជាងវ័យដោយគ្មានលក្ខខណ្ឌ។ អាយុកាលវិវត្តស្បែកក៏ចាប់ផ្ដើមជ្រួញ ធ្លាក់យារ តែបើមនុស្សស្រីមានវិធីទប់ស្កាត់នោះ ទោះអាយុច្រើនតែសម្រស់នៅតែគង់វង្ស៖

១. ចៀសវាងការត្រូវកម្ដៅថ្ងៃខ្លាំង

អ្នកគួរតែមានអីការពារ និងបិទបាំងពេលអ្នកចេញទៅក្រៅ ព្រោះពន្លឺព្រះអាទិត្យអាចបំផ្លាញកោសិកាស្បែកបានយ៉ាងលឿនបំផុត។ អ្នកគូរតែចៀសវាងការនៅក្រោមពន្លឺព្រះអាទិត្យឲ្យបានច្រើនតាមតែអាចធ្វើបាន។

២. គេងឲ្យបានគ្រប់គ្រាន់

ការគេងគឺសំខាន់ណាស់សម្រាប់សុខភាព និងសម្រស់។ អ្នកគួរតែគេងឲ្យបានគ្រប់គ្រាន់ពីចន្លោះ ៦ ទៅ ៨ម៉ោងក្នុងមួយថ្ងៃ។ ការដែលគេងតិច ឬច្រើនពេកអាចធ្វើឲ្យស្បែកលែងស្អាត និងចាស់ជាងមុន។

៣. ញ៉ាំត្រីឲ្យបានច្រើន

ការញ៉ាំសាច់ត្រីគឺល្អចំពោះសុខភាពណាស់ព្រោះវាសម្បូរទៅដោយប្រូតេអ៊ីន។ លើសពីនេះខ្លាញ់ត្រី គឺជួយឲ្យសម្រស់ក្មេងជាងវ័យ និងមានសភាពភ្លឺរលោង តឹងណែន។

៤. ញ៉ាំខូឡាចែនបន្ថែម

ការញ៉ាំខូឡាចេន(Collagen) គឺមានសារសំខាន់ណាស់ ព្រោះវាជួយទប់ស្កាត់ភាពចាស់ជ្រីវជ្រួញ និងជួយរារាំងស្នាមអុចខ្មៅ ភាពស្រអាប់ មិនឲ្យងាយកើតឡើង។ វាជម្រុះកោសិកាចាស់ៗ និងបណ្ដុះមកវិញនូវកោសិកាថ្មី។ មិនតែប៉ុណ្ណោះវាផ្ដល់នូវភាពស្រស់ស្រាយ អារម្មណ៍ល្អ ដែលជួយឲ្យមនុស្សស្រីមិនងាយចាស់ ហើយវាក៏ជួយប្រឆាំងភាពចាស់ជ្រីវជ្រួញ និងថែរក្សាភាពក្មេងជាងវ័យ៕