រៀបការបាន៦ឆ្នាំ ចុងបញ្ចប់ Jun Ji Hyun ព្រមបញ្ចេញរូបភាពរៀបការហើយ

2019-01-02 03:00:00
ចំនួនមតិ 0 | ចំនួនចែករំលែក 0

អ្នកគាំទ្រជាច្រើនបានលាន់មាត់ថា កំពូលតារាសម្ដែងស្រីកូរ៉េ Jun Ji Hyun គឺជាកូនក្រមុំដ៏ស្អាតបំផុត ក្រោយពេលរូបភាពមង្គលការរបស់នាងត្រូវបានបញ្ចេញ ក្រោយពេលលាក់ទុកជាច្រើនឆ្នាំ។

តារាសម្ដែងស្រីជួរមុខកូរ៉េ Jun Ji Hyun បានចូលរោងការជាមួយមិត្តប្រុសយូរឆ្នាំតាំងពីឆ្នាំ ២០១២ មកម្ល៉េះ ពោលបើគិតមកទល់ពេលនេះ គឺមានរយៈពេល៦ឆ្នាំមកហើយ។ តែរូបភាពមង្គលការរបស់តួរឿង “សង្សារខ្ញុំមកពីភពផ្កាយ” មិនដែលត្រូវបានទម្លាយជាសាធារណៈឡើយ។ យ៉ាងណាក្ដី កាលពីថ្ងៃទី៣១ ខែធ្នូកន្លងមកនេះ កម្រងរូបភាពអាពាហ៍ពិពាហ៍របស់ស្រីស្អាតវ័យ៣៧ឆ្នាំ ត្រូវបានចុះផ្សាយដោយបណ្ដាញព័ត៌មាន The Qoo ធ្វើឲ្យទស្សនិកជនឡើងស្រឡាំងកាំង។

នៅក្នុងកម្រងរូបភាពនេះ ស្រីស្អាតកើតឆ្នាំ ១៩៨១ ស្អាតប្រៀបដូចព្រះនាងក្នុងរឿងនិទាន។ គួរឲ្យសោកស្ដាយ ដូចសព្វមួយដងដែរ នោះគឺរូបភាពកូនកំលោះ ប្ដីរបស់ Jun Ji Hyun មិនត្រូវបានគេទម្លាយឡើយ៕

ចុចអាន៖ស្មានមិនដល់សោះថា តារាប្រុសកូរ៉េទាំងនេះ ពេលចូលជួរទ័ព រឹតតែស្អាតជាងមុនទៅវិញ

ប្រភព៖ Kenh14 អត្ថបទ៖Caramel