១១ច្បាប់សម្រាប់មនុស្សមានមារយាទល្អ ថ្លៃថ្នូរក្នុងសង្គម

2018-12-31 08:50:00
ចំនួនមតិ 0 | ចំនួនចែករំលែក 0

ការធ្វើខ្លួនឲ្យសុភាពរាបសាគឺជាវិធីសាមញ្ញមួយដើម្បីក្លាយខ្លួនជាមនុស្សល្អម្នាក់ ដែលទទួលបានការសរសើរ និងចំណាប់អារម្មណ៍ល្អពីអ្នកដទៃ និងក្នុងសង្គមទាំងមូល ដូច្នេះហើយការមានមារយាទល្អគឺមិនមែនជាអ្វីដែលហួសសម័យនោះឡើយ តួយ៉ាងដូចជាការប្រើប្រាស់ពាក្យពេចន៍សមរម្យ ការរៀបចំខ្លួនឲ្យមានរបៀបរៀបរយ និងស្មារតីប្រុងប្រយ័ត្ន។ បើអ្នកចង់ក្លាយជាមនុស្សដែលមានមារយាទល្អគួរឲ្យរាប់អានក្នុងសង្គម គួរចាប់ផ្ដើម ឬបន្តប្រព្រឹត្តទង្វើ ១១យ៉ាងខាងក្រោមនេះ៖

១. កុំសម្លក់មុខអ្នកដទៃ និងកុំនិយាយ ឬសើចឮៗដោយមិនដឹងកាលៈទេសៈ។

២. ពេលចូលដល់បន្ទប់ធ្វើការ ឬកន្លែងជួបជុំណាមួយ អ្នកគួរសម្ដែងការគួរសមជាមួយមនុស្សគ្រប់គ្នាដោយមិនរើសអើងពីតំណែង ឋានៈ អាយុ ឬអាជីពអ្វីឡើយ។

៣. អ្នកមិនគួរបបួលនរណាដើរលេង ឬចេញក្រៅជាមួយឡើយ បើអ្នករវល់តែជាមួយទូរសព្ទ ឬថតរូបខ្លួនឯងលេងគ្រប់ពេល។

៤. នៅពេលមិត្តរួមការងារអ្នកជួបគ្នាចៃដន្យជាមួយមនុស្សដែលគេស្គាល់ និងមានការរាក់ទាក់ អ្នកក៏គួរបង្ហាញការរាក់ទាក់ ញញឹមញញែម ទៅអ្នកនោះដែរ បើទោះបីអ្នកមិនដែលស្គាល់គេក៏ដោយ។

៥. សុភាពបុរសពិតនឹងគោរពមនុស្សស្រីគ្រប់គ្នាស្មើៗគ្នា។

៦. បើអ្នកជាមនុស្សតែម្នាក់ដែលចូលចិត្តដេញម៉ូដ លេង Fashion ទោះបីអ្នកតែងខ្លួនឲ្យស្អាតយ៉ាងណា ក៏អ្នកនៅជុំវិញអាចនឹងមើលមកថាគួរឲ្យកំប្លែង។

៧. ត្រូវប្រុងប្រយ័ត្ន គោរពអ្នកដើរថ្មើជើងនៅលើផ្លូវ ខណៈដែលអ្នកកំពុងបើកបរ។

៨. អ្នកមិនគួរស្ងៀមស្ងាត់នៅពេលកំពុងនិយាយទូរសព្ទឡើយ ហើយបើសិនអ្នកកំពុងនៅជាមួយមិត្តភ័ក្ដិសូមលើកតែទូរសព្ទសំខាន់ៗបានហើយ។

៩. អ្នកដទៃក្នុងក្រុមហ៊ុននឹងគិតថាអ្នកមានអារម្មណ៍ធុញទ្រាន់ ឬសោះកក្រោះ បើសិនអ្នកគិតតែចុចទូរសព្ទខ្លួនឯង។ ដូច្នេះហើយសូមកុំលេងហ្វេសប៊ុកឬអ៊ិនស្តាក្រាម ហើយងាកមកយកចិត្តទុកដាក់ជាមួយមនុស្សម្នានៅចំពោះមុខអ្នកវិញ។

១០. ត្រូវពោលពាក្យ “អរគុណ” គ្រប់ពេលដែលមានអ្នកដទៃជួយអ្នក។

១១. មិនគួរជជីកសួរអ្នកដទៃពីរឿងទាំង ៩នេះ៖ អាយុ សាសនា បទពិសោធន៍គួរឲ្យខ្មាស មុខមាត់ រឿងសហាយស្មន់ ប្រាក់ខែ/ទ្រព្យសម្បត្តិ បញ្ហាសុខភាព អំណោយ និងបញ្ហាគ្រួសារ។

ការរក្សាមារយាទល្អជាមួយសង្គមបែបនេះ នឹងអាចឲ្យអ្នកកសាងទំនាក់ទំនងល្អ និងងាយស្រួលក្នុងការរស់នៅក្នុងសង្គមពិតប្រាកដ។ មិនត្រឹមតែសម្រាប់ខ្លួនឯង ប៉ុន្តែទង្វើទាំងនេះក៏នឹងជះឥទ្ធិពល និងការកែប្រែល្អៗដល់សង្គមដែលអ្នកកំពុងរស់នៅផងដែរ ៕

ចុចអានបន្ត៖