Fan Bingbing ខ្ទាតចេញពីបញ្ជីឈ្មោះតារាដែលមានតម្លៃពាណិជ្ជកម្មខ្ពស់បំផុត
- 2018-12-27 02:10:18
- ចំនួនមតិ 0 | ចំនួនចែករំលែក 0
Fan Bingbing ខ្ទាតចេញពីបញ្ជីឈ្មោះតារាដែលមានតម្លៃពាណិជ្ជកម្មខ្ពស់បំផុត
តារាសម្ដែងជួរមុខជាច្រើនរបស់ចិនដូចជា Yang Mi Dilraba និង Yang Yang សុទ្ធតែឈរលំដាប់ខ្ពស់ក្នុងតារាងតារាដែលមានតម្លៃពាណិជ្ជកម្មខ្ពស់បំផុត ហើយនេះក៏ជាលើកទីមួយផងដែរ សម្រាប់កំពូលតារាសម្ដែង Fan Bingbing គ្មានវត្តមានក្នុងបញ្ជីមួយនេះ។
កាលពីថ្ងៃទី ២៤ ខែ ធ្នូ កន្លងទៅនេះ កាសែតហិរញ្ញវត្ថុ និងសេដ្ឋកិច្ចចិនបានទម្លាយពីតារាងសិល្បករ ១០០ នាក់ដែលមានតម្លៃពាណិជ្ជកម្មខ្ពស់បំផុតក្នុងឆ្នាំ ២០១៨។ តារាងនេះគឺគិតពិន្ទុផ្អែកលើ ភាពជះឥទ្ធិពលរបស់តារា និងភាពល្បីឈ្មោះរបស់ខ្លួន។ ឈរលើលំដាប់នៃតារាងនេះ គឺតារាសម្ដែងស្រី លំដាប់ A Yang Mi។ ដោយស្រីស្អាតវ័យ ៣២ ឆ្នាំទទួលបាន ៣២ ពិន្ទុ។
តាមជាប់ពីក្រោយ Yang Mi គឺស្រីស្រស់ប្រុសស្អាតកំពុងឡើងកូដដូចជា Yang Yang និង Dilraba។ អ្វីដែលគួរឲ្យកត់សម្គាល់នៅឆ្នាំនេះនោះគឺ កំពូលតារាសម្ដែងស្រី Fan Bingbing ដែលមិនដែលអវត្តមានក្នុងតារាងនេះនោះ ក៏ត្រូវបាត់ខ្លួននៅឆ្នាំនេះ ដោយសារតែរឿងអាស្រូវគេចពន្ធ១៥០លានដុល្លារ កាលពីពាក់កណ្ដាលឆ្នាំនេះ៕
ចុចអាន៖ឃើញរូបភាពជុំគ្រួសារលើកចុងក្រោយ ធ្វើឲ្យគេអាណិតកូនស្រី Yang Mi-Harwick Lau ខ្លោចចិត្ត