ឃើញរូបភាពជុំគ្រួសារលើកចុងក្រោយ ធ្វើឲ្យគេអាណិតកូនស្រី Yang Mi-Harwick Lau ខ្លោចចិត្ត
- 2018-12-26 02:30:00
- ចំនួនមតិ 0 | ចំនួនចែករំលែក 0
ឃើញរូបភាពជុំគ្រួសារលើកចុងក្រោយ ធ្វើឲ្យគេអាណិតកូនស្រី Yang Mi-Harwick Lau ខ្លោចចិត្ត
រយៈពេលកម្រងរូបភាពនេះត្រូវបានផ្ដិតបាន គឺនៅពេលដែលតារាសម្ដែងប្រុស Hawwick Lau កំពុងជួបរឿងអាស្រូវចូលសណ្ឋគារជាមួយមិត្តរួមការងារ។ រូបភាពជួបជុំគ្រួសារទាំងមូលហាក់ដូចលុបអស់រាល់មន្ទិលសង្ស័យពាក់ព័ន្ធរឿងលោកលួចមានស្រីក្រៅ។
ខណៈមនុស្សគ្រប់គ្នាគិតថា ពីពេលនេះដល់ចុងឆ្នាំនឹងលែងមានរឿងអាស្រូវអ្វីកើតឡើងក្នុងរង្វង់សិល្បៈចិនទៀតនោះ ស្រាប់តែផ្ទុះរឿងប្ដីប្រពន្ធតារាសម្ដែងមានឥទ្ធិពល Yang Mi និង Harwick Lau លែងលះគ្នាក្រោយរួមរស់ជាមួយគ្នាបានត្រឹមតែ ៤ ឆ្នាំ។ ខុសពីគូស្នេហ៍ដទៃ ដែលក្រោយការថ្មីថ្មោង តែងតែផ្អែមល្ហែមស្អិតរមួតនឹងគ្នានោះ តារាជួរមុខទាំងពីរមានរូបភាពផ្អែមល្ហែមនឹងគ្នាតិចបំផុត។
រូបភាពជិតស្និទ្ធិដ៏កម្ររបស់ស្រីស្រស់ប្រុសស្អាតមួយគូនេះ ត្រូវគេផ្ដិតបាននោះគឺកាលពីខែមីនា ឆ្នាំ២០១៧ នៅពេលដែល Yang Mi ត្រលប់ទៅហុងកុងវិញ ដើម្បីទៅមើលកូន។ នេះគឺជាកម្រងរូបជួបជុំគ្រួសារតែមួយគត់របស់ អតីតប្ដីប្រពន្ធគូនេះ។ ពេលនោះក៏ជាពេលដែលខាងប្រុសជាប់រឿងអាស្រូវនាំមិត្តរួមអាជីពស្រីទៅអានប៉ារ៉ូលក្នុងសណ្ឋាគារផងដែរ។
ក្រោយពេលឃើញកម្រងរូបភាពនេះ អ្នកគាំទ្រជាច្រើនបានបង្ហាញក្ដីអាណិតដល់កូនស្រីរបស់តារាមួយគូនេះយ៉ាងខ្លាំង ត្បិតនៅពេលនេះម្ដាយឪពុករបស់ខ្លួនបានលែងលះគ្នាហើយ។ មិនដូចកូនគេដទៃ ដែលមានឪពុកម្ដាយនៅជាមួយគ្នាទៀតនោះទេ។ ជាមួយគ្នានេះដែរ ដោយសារតែត្រូវបានចិញ្ចឹមនៅហុងកុងជាមួយតាយាយខាងឪពុកនោះ Xiao Mi ក៏លែងបានជួបម្ដាយញឹកញាប់ដូចមុនទៀតដែរ ត្បិត Yang Mi រស់នៅទីក្រុងប៉េកាំងនៃចិនដីគោក៕
ចុចអាន៖«ស្នេហាមិនព្រាត់ ម៉ែឪពង្រាត់បែកដូចគ្នា» ជាមូលហេតុពិតធ្វើឲ្យ Yang Mi-Harwick លែងលះគ្នា