ត្រចៀកកាំ ស្អាតឥតទាស់ ពេលបណ្ដើរ ព្រះអង្គម្ចាស់ទី៥ ហើយថាមានគម្រោងថតរឿងថ្មីរួមគ្នា

2018-12-21 03:30:00
ចំនួនមតិ 0 | ចំនួនចែករំលែក 0

បង្ហាញខ្លួនជាមួយគ្នាក្នុងកម្មវិធីថ្មី កំពូលតារាសម្ដែងប្រុសស្រីចិន Zhao Wei និង Alec Su បានធ្វើឲ្យអ្នកគាំទ្រត្រេកអរយ៉ាងខ្លាំងពេលទម្លាយថាមានគម្រោងថតរឿងជាមួយគ្នា។

កាលពីព្រឹកថ្ងៃទី ១៧ ខែធ្នូមុននេះ តារាសម្ដែងស្រីជួរមុខចិន Zhao Wei ព្រមទាំងតារាសម្ដែងប្រុសជើងចាស់តៃវ៉ាន់ Alec Su បានបណ្ដើរគ្នាយ៉ាងត្រសងក្នុងកម្មវិធីមហោស្រពភាពយន្តមួយនាទីក្រុង Hunan ប្រទេសចិន។ អាចសង្កេតឃើញថា ទោះបីជាមានអាយុក្បែរសែប្ដាយអស់ហើយ តែស្រីស្រស់ប្រុសស្អាតមួយគូនេះ នៅតែមានសម្រស់គួរឲ្យច្រណែន។ ជាពិសេសគឺ ត្រចៀកកាំតែម្ដង។ ក្រោយពេលសម្រកទម្ងន់បានសម្រេច អ្នកម្ដាយរូបនោះមានរាងទាក់ទាយមិនចាញ់ក្រមុំឡើយ។

នៅលើកម្រាលព្រំក្រហម តួព្រះអង្គម្ចាស់ទី៥ រឿង “ព្រះនាងយេយេ” បង្ហើបថាខ្លួនកំពុងមានគម្រោងថតភាពយន្តថ្មី។ នៅពេលឮដូចនេះ Zhao Wei បានប្រញាប់និយាយថា សុំថតដែរ។ ភ្លាមៗនោះ ខាងប្រុសក៏អនុញ្ញាតដោយមិននិយាយច្រើន។ អ្នកគាំទ្រពេលឃើញសភាពបែបនេះ កំពុងទន្ទឹងមើលស្នាដៃរួមគ្នារបស់អ្នកទាំង២យ៉ាងខ្លាំង ត្បិតក្រោយរឿង “ព្រះនាងយេយេ” កាលពីឆ្នាំ១៩៩៨ គឺជាង២០ឆ្នាំហើយដែល តារាទាំង២មិនសម្ដែងរួមគ្នាក្នុងរឿងថ្មី៕

ចុចអាន៖Fan Bingbing បង្ហាញខ្លួនជាលើកដំបូងជាមួយគូដណ្ដឹងក្រោយរឿងអាស្រូវ

ប្រភព៖ Eva អត្ថបទ៖Caramel