Fan Bingbing បង្ហាញខ្លួនជាលើកដំបូងជាមួយគូដណ្ដឹងក្រោយរឿងអាស្រូវ
- 2018-12-18 04:46:37
- ចំនួនមតិ 0 | ចំនួនចែករំលែក 0
Fan Bingbing បង្ហាញខ្លួនជាលើកដំបូងជាមួយគូដណ្ដឹងក្រោយរឿងអាស្រូវ
ក្រោយមិនបង្ហាញមុខជាមួយគ្នាជិតកន្លះឆ្នាំដោយសាររឿងអាស្រូវនោះ នៅចុងបញ្ចប់ កំពូលតារាសម្ដែងស្រី Fan Bingbing ព្រមទាំងគូដណ្ដឹងរបស់ខ្លួន តារាសម្ដែងប្រុស Li Chen ក៏បង្ហាញវត្តមានរួមគ្នាជាលើកទី១ហើយ។
ក្នុងកំឡុងពេលជិត៦ខែកន្លងទៅនេះ អាចនិយាយបានថា តារាសម្ដែងស្រីជួរមុខចិន Fan Bingbing បានឆ្លងកាត់រឿងអាស្រូវដ៏ធំបំផុតក្នុងអាជីពសម្ដែងរបស់ខ្លួន ព្រោះរឿងអាស្រូវគេចពន្ធ ដោយត្រូវពិន័យឡើងដល់ជិត១៥០លានដុល្លារ។ ដោយសារតែរឿងនេះដែរ មិនត្រឹមតែកេរ្តិ៍ឈ្មោះរបស់ស្រីស្អាតវ័យ៣៧ឆ្នាំត្រូវប៉ះទង្គិចខ្លាំងនោះទេ សូម្បីតែរឿងមនោសញ្ចេតនារបស់នាងក៏ត្រូវបានគេទម្លាយថា នៅមិនស្ងប់ដូចគ្នា។ ប្រភពជាច្រើនបានឲ្យដឹងថា ដោយសារតែខ្លាចពាក់ព័ន្ធនឹងគេចពន្ធរបស់គូដណ្ដឹង តារាសម្ដែងប្រុស Li Chen បានសុំបែកគ្នានឹង តួរឿង “ព្រះនាងយេយេ” ហើយ។
យ៉ាងណាក្ដី ពាក្យចចាមអារ៉ាមនេះត្រូវបានពន្លត់ត្បិត កាលពីថ្ងៃទី១៦ ខែធ្នូកន្លងទៅនេះ តារាសម្ដែងល្បីឈ្មោះទាំង២រូបនេះ បានបង្ហាញខ្លួននៅភោជនីយដ្ឋានស៊ុបមួយ នៅក្នុងទីក្រុងប៉េកាំងដើម្បីទទួលទានអាហារល្ងាចជាមួយគ្នា។ មានវត្តមានជាមួយគូស្នេហ៍នេះ បុគ្គលិកក៏ដូចជាជំនួយការរបស់ពួកគេផងដែរ។ ក្រោយពេលញ៉ាំរួច Li Chen បានចេញមកវិញមុនគូដណ្ដឹង រីឯ Fan Bingbing មួយសន្ទុះក្រោយទើបចេញមកវិញ។ អ្នកគាំទ្ររបស់គូស្នេហ៍នេះ បានត្រេកអរជាខ្លាំងនៅពេលឃើញពួកគេនៅតែស្អិតរមួតនឹងគ្នា មិនដូចអ្វីដែលគេថា៕