ម្ដាយឪពុកចរិតយ៉ាប់ទាំង ៧ នេះ ធ្វើឲ្យកូនៗមានបញ្ហាស្មារតី ឬខ្សោយបញ្ហា

2018-12-12 00:00:00
ចំនួនមតិ 0 | ចំនួនចែករំលែក 0

ឪពុកម្ដាយខ្លះមិនត្រឹមតែបានប្រព្រឹត្តកំហុសប៉ុណ្ណោះទេ ថែមទាំងមានឥរិយាបថច្រងេងច្រងាងដែលប៉ះពាល់ដល់ការលូតលាស់ផ្លូវចិត្តរបស់កូនៗ។ តើនឹងមានអ្វីកើតឡើងនៅពេលម្ដាយឪពុកធ្វើរឿងទាំងនេះដាក់កូនតាំងពីនៅតូច? ចរិតយ៉ាប់របស់អាណាព្យាបាលទាំង ៦ នេះ អាចធ្វើឲ្យកូនៗឈឺចាប់ មានអារម្មណ៍មិនល្អ ខ្សោយបញ្ហា រហូតមានបញ្ហាស្មារតីទៀតផង។

១.និយាយស្ដីសម្លុតៗ

កូនតូចដែលត្រូវម្ដាយឪពុកនិយាយសម្ដីសម្លុត ពួកគេនឹងមានអារម្មណ៍ថាភ័យខ្លាចរហូតបាក់ស្បាតទាល់តែធំ។ ពេលឮសម្ដីនោះ ធ្វើឲ្យក្មេងៗញ័រទ្រូង ញ័រដៃជើង ហើយនរណាដែលប្រើសម្ដីបែបនោះ គឺពួកគេខ្លាចទាំងអស់។ ដូចនេះបើមិនចង់ឲ្យកូនមាននេះ គួរប្រើសម្ដីស្រទន់ និងពីរោះពិសាដាក់ពួកគេ។

រូបតំណាង

**២.វ៉ៃដំលើរាងកាយកូន**

ទម្លាប់បែបនេះ ធ្វើឲ្យកូនៗខ្លាចរអាមិនហ៊ានសូម្បីតែនៅជិត ហើយម្ដាយឪពុកណាធ្វើបែបនេះដាក់កូនៗ អ្នកនោះនឹងគ្មានកូនចង់ក្បែរឡើយ ព្រោះមិនអាចទ្រាំទ្របាន។ ក្មេងៗដែលទទួលរងអំពើហិង្សាតាំងពីក្មេង គ្មានបញ្ហាឆ្លាសវៃដូចក្មេងទូទៅឡើយ។

៣.គាបសង្កត់

កុមារដែលទទួលរងទង្វើនេះពីឪពុកម្ដាយ ពួកគេគ្មានគំនិតរីកចម្រើនឡើយ ព្រោះតែមិនធ្លាប់មានសេរីភាពដូចក្មេងដទៃ។ មិនតែប៉ុណ្ណោះកូននឹងរងសម្ពាធផ្លូវចិត្តធ្ងន់ធ្ងរ រហូតអ្នកខ្លះមិនហ៊ានបញ្ចេញគំនិតមកក្រៅ។

៤.បំបាក់ទឹកចិត្ត

ក្មេងប្រាកដជាមិនមែនការអភិវឌ្ឍខួរក្បាលទេ ព្រោះរាល់អ្វីដែលធ្វើបាន មិនត្រូវបានទទួលស្គាល់ពីអាណាព្យាបាល ហើយថែមទាំងបង្អាប់គ្នា រហូតលែងចង់ធ្វើអ្វីថ្មី។

រូបតំណាង

៥.មិនអនុញ្ញាតឲ្យកូនៗបញ្ចេញមតិ

ក្មេងៗនឹងធំឡើងដោយភាពមិនរស់រវើក និងមិនមានភាពស្វាហាប់ដូចកូនអ្នកដទៃ ព្រោះឪពុកម្ដាយមិនដែលឲ្យបញ្ចេញគំនិតខ្លួនឡើយ ដោយឲ្យស្ដាប់សម្ដី និងធ្វើតាមពួកគាត់ជានិច្ច។

៦.មិនខ្វល់ពីសុខភាពកូនៗ

កូនៗនឹងធំឡើងដោយមកជាមួយមេរោគជាច្រើន ព្រោះកាលពីនៅក្មេងៗម្ដាយឪពុកមិនដែលថែទាំសុខភាពឲ្យបានល្អ។ ក្មេងដែលមិនបានព្យាបាលជំងឺមួយចំនួនឲ្យបានជាដាច់កាលពីតូច ធំទៅនៅតែឈឺឥតឈប់ដដែល។

៧.មិនបានផ្ដល់ភាពកក់ក្ដៅ

កូនៗដែលខ្វះភាពកក់ក្ដៅតាំងពីតូចក្រូចឆ្មារ ធំឡើងនឹងទៅជាកោងកាច គ្មានមនោសញ្ចេតនាដូចអ្នកដទៃ៕