គន្លឹះរៀបចំជីវិតឲ្យកាន់តែប្រសើរក្រោយពេលជួបរឿងអាប់អួ
- 2018-12-05 08:30:00
- ចំនួនមតិ 0 | ចំនួនចែករំលែក 0
គន្លឹះរៀបចំជីវិតឲ្យកាន់តែប្រសើរក្រោយពេលជួបរឿងអាប់អួ
ក្រោយភាពជោគជ័យជាច្រើនមិនមែនសុទ្ធមានរសជាតិផ្អែមល្ហែមនោះទេ គឺតែងតែមានគ្រប់រសជាតិ។ បើអ្នកជួបរឿងមិនសមបំណងណាមួយ ឬគិតថាជីវិតខ្លួនឯងមិនភ្លឺស្វាងដូចគេ គួរតែចាប់ផ្ដើមរៀបចំតាមគន្លឹះខាងក្រោមនេះ ៖
១. សរសេរពីអ្វីដែលអ្នកចង់ធ្វើក្នុងបញ្ជីមួយ
កត់រឿងរ៉ាវដែលអ្នកចង់ធ្វើក្នុងបញ្ជីមួយ រួចធ្វើតាមគោលដៅដែលអ្នកមាន។ ត្រូវសរសេរអ្វីដែលអ្នកអាចធ្វើបានជាមុនសិន ព្រោះបើអ្នកចេះតែចង់ធ្វើរឿងដែលមិនអាចទៅរួចនោះវាកាន់តែឲ្យអ្នកបាក់ទឹកចិត្ត។ រៀនធ្វើការងារតូចៗដែលជាជណ្ដើរនាំអ្នកទៅកាន់ការងារធំដែលអ្នកស្រមៃនោះ។
**២. សរសេរអ្វីអ្វីដែលអ្នកត្រូវការក្នុងដំណើរការសម្រេចគោលដៅ**
បន្ទាប់ពីមានអ្វីដែលអ្នកចង់ធ្វើហើយ អ្នកត្រូវសរសេរអ្វីដែលអ្នកត្រូវការដើម្បីជំរុញការងារនោះ។ អ្នកត្រូវការអ្នកពិភាក្សា អ្នកត្រូវការលុយ អ្នកត្រូវការ ការជួយពីអ្នកណា ត្រូវសរសេរចូលរួចបន្តទៅរកអ្វីទាំងនោះ។
៣. ពិចារណាពីជីវិតដែលអ្នកចង់បាន
តើជីវិតដែលអ្នកប្រាថ្នានោះ វានៅឆ្ងាយខ្លាំងទេ? ហើយដើម្បីទៅដល់វាតើអ្នកត្រូវធ្វើរឿងមិនគប្បីណាទេ? ត្រូវធ្វើឲ្យនរណាម្នាក់ឈឺចាប់ដោយសារអ្នកទេ? ហើយត្រូវរៀបចំខ្លួនជាប្រភេទមនុស្សបែបណាទើបអាចសក្តិសមជាមួយជីវិតនោះ? អ្នកត្រូវគិតឲ្យគ្រប់ជ្រុងជ្រោយបំផុត មិនមែនគ្រាន់ទេវង់ធ្វើជាម្ចាស់ក្រុមហ៊ុនធំជាងគេនៅក្នុងប្រទេសមួយអ្នកត្រូវធ្វើរឿងខ្មៅងងឹត បៀតបៀនជីវិតគេឡើយ ព្រោះរឿងរ៉ាវទាំងនោះនឹងតាមលងអ្នកគ្រប់ពេល។
៤. រៀបចំផែនការមួយជំហានៗ
គ្មានអ្នកណាបោះមួយជំហានឡើយដល់មេឃនោះទេ ដូច្នេះអ្នកត្រូវដើរតាមជំហានៗ។ ត្រូវកំណត់គោលដៅរបស់អ្នកឲ្យបានច្បាស់ ថាអ្នកត្រូវចាប់ផ្ដើមពីណាទៅណា ហើយត្រូវបណ្ដុះខ្លួនជាមួយអ្វីដើម្បីឈោងទីជំហានបន្តបន្ទាប់ទៀត។
៥. មានភាពអំណត់ និងការតស៊ូ
កុំឆាប់ចុះចាញពេកបើអ្នកជួបបញ្ហា ឬក៏រឿងដែលមិនសមបំណង ព្រោះនេះជាជីវិត។ គ្មានការជោគជ័យឯណាមិនជួបការលំបាកឡើយ។ បើដួលត្រូវងើប ហើយកុំឲ្យដួលទៀត នោះទើបអ្នកអាចរកផ្លូវទៅកាន់ជោគជ័យឃើញ។
៦. ចាប់ផ្ដើមស្គាល់មនុស្សថ្មី ចាប់ឱកាសថ្មី
ការទំនាក់ទំនងនៅតែជារឿងសំខាន់ព្រោះវាអាចឲ្យអ្នករកឃើញឱកាសល្អៗជាច្រើនដែលពួកគេផ្ដល់ឲ្យអ្នក។ ចេះរាប់អានមនុស្សដែលមានប្រយោជន៍ ហើយត្រូវចេះឆក់យកឱកាសបើមាន ព្រោះពេលខ្លះវាជាចង្កៀងមួយដែលជួយបំភ្លឺផ្លូវយើង។
ពាក្យថាជីវិតគឺមានសប្បាយចិត្ត នឹងកើតទុក្ខមិនអាចខ្វះមួយណាទេ ដូច្នេះបើកើតទុក្ខអ្នកត្រូវចេះស្វែងរកសេចក្ដីសុខ៕
ចុចអាន៖ចង់ក្លាយជាមនុស្សស្រីដែលអ្នកផងឲ្យតម្លៃខ្ពស់ ត្រូវមានចំណុចទាំងនេះ