៧យ៉ាងស្រីៗត្រូវដឹង មុនធ្វើដំណើរកម្សាន្តក្រៅប្រទេសម្នាក់ឯង

2018-11-19 23:09:00
ចំនួនមតិ 0 | ចំនួនចែករំលែក 0

ដោយសារតែសព្វថ្ងៃនេះ មានមនុស្សជាច្រើនពិសេសយុវវ័យហ្នឹងតែម្តង ចង់សាកល្បងរសជាតិ នៃការធ្វើដំណើរកម្សាន្តក្រៅប្រទេសម្នាក់ឯង។ ទន្ទឹមគ្នានេះដែរ ដំណើរកម្សាន្តខ្លួនមួយដោយគ្មានគ្នីគ្នាទៅជាមួយ ជាបទពិសោធន៍ថ្មីសម្រាប់ជីវិត ប៉ុន្តែអ្នកក៏អាចជួបប្រទះហានិភ័យមួយចំនួនផងដែរ សំខាន់ត្រូវចេះប្រុងប្រយ័ត្ន ដឹងថាអ្វីត្រូវធ្វើ ទាំងមុនពេលចេញដំណើរនិងក្នុងអំឡុងពេលធ្វើដំណើរ។

១. រៀបចំផែនការ

ប្រសិនបើអ្នកចង់មានដំណើរកម្សាន្តដោយគ្មានផែនការអ្វីទាំងអស់ គូរគិតឡើងវិញ ព្រោះអ្នកនឹងខ្ជះខ្ជាយពេលវេលា ដើម្បីស្វែងរកពីព័ត៌មានលម្អិត ទាក់ទងនឹង កន្លែងទេសចរណ៍ កន្លែងស្នាក់នៅ ឬភោជនីយដ្ឋានជាដើម។

២. ប្រាប់ដំណឹងដល់ក្រុមគ្រួសារនិងមិត្តភ័ក្តិ ពេលទៅដល់កន្លែងផ្សេងៗ

កុំភ្លេចប្រាប់ណឹងដល់ក្រុមគ្រួសារនិងមិត្តភ័ក្ដិ ពេលទៅដល់កន្លែងណាមួយ ដើម្បីសុវត្ថិភាពផ្ទាស់ខ្លួន នៅពេលជួបបញ្ហាអ្វីមួយចៃដន្យ ទើបអ្នកផ្ទះអាចដឹងថាអ្នកកំពុងតែស្ថិតនៅក្នុងតំបន់ណា។

៣. រៀននិយាយកុហកខ្លះៗ

ចេញទៅដើរលេងក្រៅប្រទេសម្នាក់ឯង និយាយការពិតប្រាប់ទៅកាន់មនុស្សប្លែកមុខ មិនមែនសុទ្ធតែជារឿងត្រឹមត្រូវទាំងអស់ទេ ព្រោះអ្នកខ្លះមិនអាចទុកចិត្តបានឡើយ។ ប៉ះចំនរណាខូចហើយដឹងថាអ្នកមកដើរលេងតែម្នាក់ឯង គេអាចមានគំនិតមិនល្អ ដូចជាប្លន់យកទ្រព្យសម្បត្តិ ឬធ្វើអីផ្តេសផ្តាសក៏ថាបាន ដូច្នេះនិយាយកុហកគ្រានេះក៏មិនអីដែរ។

៤. អានសៀវភៅនិងកត់ត្រាទុក

ដើម្បីជៀសវាងពីភាពឯកា គួរយកសៀវភៅដែលអ្នកចូលចិត្តអាន ដាក់តាមខ្លូន និងកូនសៀវភៅតូចសម្រាប់កត់ត្រាទុក នូវទិដ្ឋភាពនិងការចងចាំល្អៗដែលកើតមាន ក្នុងអំឡុងពេលដំណើរកម្សាន្តមួយនេះ។

៥. ជៀសវាងដូរលុយផ្តេសផ្តាស

ការដូរលុយនៅគោលដៅដែលអ្នកបានទៅដល់ ពិតជារឿងគ្រោះថ្នាក់បំផុត។ អ្នកគួរប្រើ កាតធនាគារ (Credit Card) យល់ល្អគួរដូរទុកចាយសមល្មមឲ្យហើយ មុនចេញដំណើរ ទើបមានសុវត្ថិភាពខ្ពស់។

៦. យល់ពីទំនៀមទម្លាប់ពីកន្លែងដែលត្រូវទៅ

ដូចពាក្យស្លោកមួយឃ្លាពោលថា "ចូលស្ទឹងតាមបត់” នេះជាអ្វីដែលអ្នកត្រូវចងចាំទុក។ ឧទាហរណ៍ ប្រទេសខ្លះ ហាមមិនឲ្យស្លៀកពាក់សិចស៊ី ពេលចូលទៅលេងប្រាសាទ ឬកន្លែងសក្ការបូជា...។ ចេះបត់បែនតាមកាលៈទេសៈ ទើបគ្មានផលរំខាន។

៧. ត្រូវប្រុងប្រយ័ត្នគ្រប់ពេលវេលា

មិនត្រូវភ្លេចខ្លួនដាច់ខាត មិនថាកំពុងធ្វើអ្វីក៏ដោយ។ បើមានមនុស្សគួរឲ្យសង្ស័យ ព្យាយាមចូលមកជិតអ្នក ត្រូវស្ទុះស្ទាដើរសំដៅទៅកន្លែងមានមនុស្សច្រើន។

មនុស្សស្រីដើរលេងក្រៅប្រទេសម្នាក់ឯង មិនមែនជារឿងគួរឲ្យខ្លាចទៀតទេ ប៉ុន្តែត្រូវច្បាស់ថា អ្នកមានជំនឿទុកចិត្តខ្ពស់ ចេះការពារនិងប្រុងប្រយ័ត្នបានល្អ នោះដំណើរកម្សាន្តរបស់អ្នកនឹងពោរពេញទៅដោយភាពសប្បាយរីករាយឥតគណនា៕