សញ្ញាបញ្ជាក់ថា អ្នកនិងមិត្តរបស់អ្នកមានចំណងមិត្តភាពដ៏រឹងមាំ

2018-10-31 02:13:56
ចំនួនមតិ 0 | ចំនួនចែករំលែក 0

ចំណងមិត្តភាពរវាងអ្នក និងមិត្តភ័ក្ដិអាចរឹងមាំ គង់វង្សយូរអង្វែងទៅបាន ទាល់តែអ្នកទាំងអស់គ្នាមានសញ្ញាទាំងនេះ។ រាប់អានមិត្ត ទាល់តែអ្នកមានភាពស៊ីចង្វាក់គ្នា ស្រលាញ់គ្នា យោគយល់គ្នាទៅវិញទៅមក ការពារគ្នា នោះទើបហៅថាមិត្តបាន។

១.ឆ្លើយតបសារភ្លាម

មិនថាអ្នកផ្ញើសារទៅក្រុមមិត្តភ័ក្ដិពេលណាទេ អ្នកទាំងនោះនឹងឆ្លើយតបមកអ្នកភ្លាមៗគ្មានរារែកឡើយ។ នោះហើយជាសញ្ញាដែលបង្ហាញមិត្តភ័ក្ដិយកចិត្តទុកដាក់នឹងអ្នក ហើយអ្នកក៏ត្រូវធ្វើបែបនោះទៅគេវិញដែរ។

២.មានផែនការក្នុងជីវិតប្រចាំថ្ងៃជាមួយគ្នា

ជារឿយៗអ្នកទាំងពីរត្រូវនិយាយជាមួយគ្នា ឬរកឃើញអ្វីដែលត្រូវញ៉ាំជាមួយគ្នា ហើយជារៀងរាល់ថ្ងៃអ្នកទាំងពីរមានកាលវិភាគ ដើម្បីធ្វើអ្វីមួយរួមគ្នា។

៣.គ្មានអ្វីសំខាន់ជាងមិត្តភ័ក្ដិ

ចំណុចមួយនេះ គឺជាអាទិភាពមួយដែលជួយឲ្យចំណងមិត្តភាពរឹងមាំ។ អ្នក និងមិត្តតែងមានពេលឲ្យគ្នាទៅវិញទៅមក ហើយចាត់ទុកគ្នាជាមនុស្សសំខាន់មិនអាចខ្វះបាន។ នោះមានន័យថា អ្នកថែរក្សាគ្នាទៅវិញទៅមក។

៤.ជួយគិតពីអនាគតគ្នា

នេះជារឿងដែលមិត្តល្អគួរតែធ្វើ។ ការជួយគិតគូរពីរឿងអនាគតមិត្តឲ្យមានភាពត្រចះត្រចង់ ពិតជាមិត្តល្អកម្ររកបាន។

៥.ពេលនៅជាមួយគ្នា មិនកាន់ទូរសព្ទ

អ្នកបានចំណាយពេលស្ដាប់ និងពិភាក្សាជាមួយដៃគូដោយយកចិត្តទុកដាក់បំផុត ហើយពេលនៅជាមួយគ្នាពួកអ្នកមិនបានផ្ដោតលើបណ្ដាញសង្គម។

៦.មានសេរីភាពពេលនៅក្បែរគ្នា

អ្នកមិនខ្វល់ពីការរៀបឫករៀបពាអ្វីឡើយពេលនៅជាមួយគ្នា ព្រោះនោះជាចរិតធម្មជាតិរបស់អ្នក៕

ចុចអាន៖១២មេរៀន "ពេលមាន&ពេលក្រ" ដែលគ្រប់គ្នាគួរអាន និងចាំទុកមួយជីវិត

ប្រភព៖ Orami ប្រែសម្រួល៖ ទ្រី រ៉ាវី