ពេលអ្នកគ្មានលុយ សូម្បីតែគ្រួសារអ្នកក៏មើលងាយអ្នកដែរ កុំថាឡើយអ្នកដទៃ

2018-10-30 02:17:58
ចំនួនមតិ 0 | ចំនួនចែករំលែក 0

ពេលគ្មានលុយ អ្នកដែលចំអកយើងមុនគេគឺសមាជិកក្នុងគ្រួសារ។ មតិនេះគឺជាក់ស្ដែងបំផុត។

រូបតំណាង

ទោះបីពិបាកស្ដាប់បន្តិចមែន តែប្រសិនជានៅក្នុងចំណោមបងប្អូនទាំងអស់ អ្នកជាមនុស្សក្រជាងគេ សូម្បីតែឪពុកម្ដាយ បងប្អូនក៏មើលយើងមិនសូវចូលភ្នែកដែរ។ នៅពេលដែលយើងអស់លុយមែនទែន ទើបដឹងថាអ្នកណាជាញាតិពិតប្រាកដ។

ពេលមានបាន មួយម៉ាត់ក៏បង ពីរម៉ាត់ក៏បង ទឹកមុខស្រស់បស់ សម្ដីទន់ភ្លន់ផ្អែមល្ហែម មានអ្វីឆ្ងាញ់ក៏ទុកឲ្យ ក៏ចាប់ឲ្យ។ ពេលគ្មានលុយវិញ កុំថាឡើយជួយ តែមុខមិនចង់មើលយើងផង។ មានតែខ្លួនទីពឹងខ្លួន ទើបអាចជួយអាត្មាបាន។ ក្រសែភ្នែករបស់គេ ពេលយើងមានលុយ និងគ្មានគឺខុសគ្នាប្រៀបដូចថ្ងៃ និងយប់។

១០ឆ្នាំមុន អ្នកជិតខាងដោយសារតែគោរពឪពុកម្ដាយអ្នក ទើបធ្វើល្អដាក់អ្នក។ ១០ឆ្នាំក្រោយ អ្នកជិតខាងដោយសារតែគោរពអ្នកទើបធ្វើល្អដាក់ឪពុកម្ដាយអ្នក។ នេះគឺជាច្បាប់ធម្មជាតិទៅហើយ។ សង្គមគឺបែបនេះ មិនថាអ្នកជាអ្នកណាឡើយ បើអ្នកមានទឹកប្រាក់ អ្នកនឹងនៅខាងលើ។ ទោះបីជាមិនចង់ ក៏យើងត្រូវខំប្រឹង ខំប្រឹងរកលុយដើម្បីកុំឲ្យគេមើលងាយ។

មានលុយនិយាយអ្វីក៏ត្រូវ ទឹកមាត់ក៏ប្រៃ សម្ដីក៏មានទម្ងន់។ កើតមកក្រមិនគួរឲ្យខ្លាច ខ្លាចតែក្រហើយ តែមិនចេះគិតវែងឆ្ងាយទៀតទើបគ្រោះថ្នាក់។ ដូចនេះបើក្រហើយ ត្រូវតែឧស្សាហ៍ កុំខ្ជិល ព្រោះម៉ែឪក៏នឹងស្រលាញ់អ្នកផ្សេងច្រើនជាងយើងដែរ បើយើងផ្គត់ផ្គង់គាត់មិនរួច ៕