ជីវិតនឹងមិនស្មុគស្មាញ បើអ្នកសាកល្បងធ្វើរឿងមានប្រយោជន៍ទាំងនេះពេលទំនេរ

2018-10-25 05:50:00
ចំនួនមតិ 0 | ចំនួនចែករំលែក 0

វាជាភាពរីករាយមួយនិងជាបទពិសោធន៍ដ៏ល្អពេលអ្នកបានសាកល្បងធ្វើអ្វីថ្មីៗ ដែលមិនធ្លាប់ធ្វើពីមុនមក។ បើអ្នកទាល់គំនិត មិនដឹងថាត្រូវធ្វើអ្វីឲ្យប្លែក នៅថ្ងៃចុងសប្ដាហ៍ ឬពេលទំនេរនោះទេ គួរក្រឡេកមកមើលរឿងមានប្រយោជន៍២១យ៉ាង ដែលអ្នកអាចជ្រើសរើសធ្វើមួយណាមុនក៏បាន ដើម្បីឲ្យជីវិតមានភាពរីកចម្រើន មិនស្មុគស្មាញច្រើន។

១. ដើរលេងនៅជាយក្រុងដែលអ្នកមិនធ្លាប់ទៅទាល់តែសោះ ឬកន្លែងណាដែលមិនទាន់ស្គាល់ច្បាស់។

២. ព្យាយាមរៀនភាសាបរទេសថ្មីៗ ដូចជាចិន ជប៉ុន អេស្ប៉ាញ... យ៉ាងហោចណាស់៥-១០ឃ្លា។

៣. ស្តាប់បទចម្រៀងសម័យដើម ឬបទប្រពៃណីជាតិ ដើម្បីផ្លាស់ប្តូរចំណីអារម្មណ៍។

៤. មានពេលវេលាបណ្តើរសត្វចិញ្ចឹម នៅតាមសួនច្បារជាមួយមិត្តភក្តិ។

៥. មានសៀវភៅកត់ត្រាប្រចាំថ្ងៃ ទុកសម្រាប់សរសេរអ្វីដែលអ្នកបានគិតនិងចង់ធ្វើ។

៦. សាកល្បងញ៉ាំម្ហូបថ្មីៗ ដូចជាម្ហូបកូរ៉េ ម្ហូបឥណ្ឌា ម្ហូបអឺរ៉ុបជាដើម។

៧. ទៅបណ្ណាល័យ រកមើលសៀវភៅដែលខ្លួនចូលចិត្ត ហើយអាចខ្ចីមកផ្ទះទុកអានពេលទំនេរចុងសប្តាហ៍។

៨. បង្កើតសួនច្បារមួយនៅផ្ទះ សម្រាប់ដាំដើមផ្កា ឬដើមឈើតូចៗ ហើយកុំភ្លេចដាំក្នុងផ្ទះខ្លះៗផង។

៩. ទៅលេងសារមន្ទីរ កន្លែងគំនូរ និងការដាក់តាំងពិព័រណ៍ថ្មីៗ។

១០. រៀនចំណេះជំនាញថ្មីៗដូចជា ការងារជាង ជួសជុលសម្ភារក្នុងផ្ទះតិចតួច ធ្វើម្ហូប បង្អែម...។

១១. និយាយលេង ឬញញឹមដាក់អ្នកជិតខាង ដែលមិនធ្លាប់សូវបាននិយាយសំណេះសំណាលគ្នាពីមុនមក។

១២. សិក្សាស្រាវជ្រាវបន្ថែមនៅលើអ៊ីនធឺណិត ពីវប្បធម៌ខុសប្លែកគ្នា រវាងប្រទេសមួយទៅប្រទេសមួយ។

១៣. ដើរកម្សាន្តអារម្មណ៍ឬជិះកង់លំហែលេង នៅបរិវេណជិតៗផ្ទះ។

១៤.មើលរឿងភាគល្អៗនៅផ្ទះ ឬចេញទៅរោងកុនជាមួយមនុស្សដែលអ្នកចូលចិត្ត។

១៥. ចងក្រងរូបថតពេលធ្វើដំណើរកម្សាន្តទុកក្នុងស៊ុមឬសៀវភៅរូបថត ព្រោះវាជាអនុស្សាវរីយ៍មិនអាចបំភ្លេចបានក្នុងជីវិត។

១៦. ធ្វើដំណើរចេញពីទីក្រុង អាចទៅលេងនៅមាត់សមុទ្រ តំបន់ភ្នំ និងតាមខេត្ត មើលទេសភាពស្រុកស្រែ។

១៧. ធ្វើកាដូដោយដៃក្នុងឱកាសខួបកំណើតមិត្តភ័ក្តិ ព្រោះវាមានន័យជាងកាដូទិញនៅហាងទៅទៀត។

១៨. ធ្វើជាអ្នកទេសចរណ៍មួយរូប ក្នុងទីក្រុងដែលខ្លួនកំពុងតែរស់នៅ ទៅកន្លែងពេញនិយមសម្រាប់ភ្ញៀវបរទេស ហើយកុំភ្លេចដាក់កាមេរ៉ាទៅតាមផង។

១៩. រៀនហែលទឹក វាយសី រាំ ច្រៀង ស្វែងយល់ពីឧបករណ៍ភ្លេង ធ្វើលំហាត់ប្រាណដើម្បីសុខភាព។

២០. ជួបជុំគ្នាជាមួយមិត្តភ័ក្តិល្អៗ ធ្វើម្ហូបញ៉ាំជុំគ្នា និយាយលេងបំបាត់ទុក្ខកង្វល់។

២១. ចំណាយពេលវេលា ជជែកលេងជាមួយក្រុមគ្រួសារ ពីប្រវត្តិរឿងរ៉ាងទាំងទងនឹងជីវិតរបស់គាត់។

តើអ្នកមានគម្រោងធ្វើរឿងអ្វីមុនគេ?

ចុចអានបន្ត៖

ទម្លាប់ឲ្យខួរក្បាលអ្នកគិតរឿងល្អៗបានរាល់ថ្ងៃ អ្នកគួរតែធ្វើនូវរឿង ៥នេះ

ប្រភព៖ lifehack ប្រែសម្រួល៖ ដេត ឈុនអ៉ី

ពាក្យទាក់ទង

ភ្ជាប់ទំនាក់ទំនងជាមួយ Kanha

អត្ថបទពេញនិយម

ឈ្មោះកូនប្រុសស្រីពីរោះៗមានន័យល្អដែលពេញនិយមបំផុតប្រចាំប្រទេសនីមួយៗ

ដុំពក ឬកូនកណ្តុរនៅទីតាំង៤នេះ គឺមិនប្រក្រតីហើយ ព្រោះជាសញ្ញាព្រមាននៃជំងឺមហារីក

កុំនិយមដាក់ឈ្មោះកូនជាភាសាបរទេសពេក មកមើលឈ្មោះខ្មែរ ពិរោះៗ ហើយមានអត្ថន័យល្អៗទៀត

នេះគឺជាមូលហេតុធំ ធ្វើឲ្យមុនចេះតែកើតមាននៅលើចង្ការបស់អ្នក

មានអ្វីកើតឡើងចំពោះរាងកាយរបស់អ្នកនៅពេលអ្នកញ៉ាំស៊ុតឆ្អិនជារៀងរាល់ថ្ងៃ?

ទាយប្រភេទត្បូង ប្រចាំខែកំណើត ទាក់ទងនិស្ស័យផ្ទាល់ខ្លួន ដែលនាំសំណាងឱ្យអ្នកពាក់ក់

ងាយៗ! ចេកឆាបប្រឡាក់ប័រ សាកធ្វើញ៉ាំម្ដងបានដឹងឆ្ងាញ់ជាប់ចិត្តប៉ុណ្ណា

អត្ថបទថ្មី

តើកុមារដែលមានជំងឺរលាកទងសួតគួរប្រើថ្នាំអង់ទីប៊ីយោទិចដែរឬទេ?

អ្នកមានបញ្ហាសុខភាពមួយចំនួន មិនគួរទទួលទានតែបៃតង ដើម្បីកុំឱ្យប៉ះពាល់សុខភាព

តើអ្នកជំងឺទឹកនោមផ្អែមត្រូវធ្វើអ្វីខ្លះដើម្បីគ្រប់គ្រងជាតិស្ករក្នុងឈាម?

ក្តៅក្នុង កើតឡើងដោយសារអ្វី? តើត្រូវព្យាបាល និងការពារយ៉ាងណា?

តើការទទួលទានអំបិលច្រើនលើបុរសអាចកាត់បន្ថយចំណង់ផ្លូវភេទបាន?