ទម្លាប់ឲ្យខួរក្បាលអ្នកគិតរឿងល្អៗបានរាល់ថ្ងៃ អ្នកគួរតែធ្វើនូវរឿង ៥នេះ

2018-10-25 02:56:08
ចំនួនមតិ 0 | ចំនួនចែករំលែក 0

ខួរក្បាលយើងមិនធំទេ ដូច្នេះគួរតែផ្ទុកអ្វីដែលល្អ អ្វីដែលសំខាន់។ ការគិតវិជ្ជមានគឺជារឿងពិសេសមួយសម្រាប់ជីវិតមនុស្សយើង ព្រោះពេលដែលយើងមានគំនិតល្អយើងក៏អាចរស់នៅដោយភាពរីករាយបានដែរ។ ខាងក្រោមនេះជាទម្លាប់មួយចំនួនដែលអាចឲ្យខួរក្បាលអ្នកគិតរឿងល្អៗបានយ៉ងប្រសើរ៖

១. ដើរ ដេក ឈរ អង្គុយឲ្យបានត្រង់

ការដែលយើងអង្គុយត្រង់បានបង្ហាញពីគំនិតវិជ្ជមានដែលយើងមាន ហើយវាថែមទាំងអាចបង្កើតការគិតល្អៗដែលខួរក្បាលបានបញ្ជាមក ដូច្នេះហើយយើងគួរតែព្យាយាមអង្គុយឲ្យបានត្រង់ខ្លួន។

២. អានសៀវភៅ ឬអត្ថបទណាដែលមានការលើកទឹកចិត្តខ្លួនឯង

បើយើងមិនចូលចិត្តអានព័ត៌មានទេ យើងអាចអានសៀវភៅ ឬក៏ប្រយោគណាដែលអាចជំរុញទឹកចិត្តយើងបាន ដើម្បីឲ្យយើងមានការតស៊ូ និងកម្លាំងចិត្តក្នុងការបន្តទៅមុខទៀត។

៣. សរសេរពីអ្វីដែលយើងបានធ្វើល្អនៅថ្ងៃនេះ

វាជាការងាយស្រួលណាស់ យើងគ្រាន់តែកត់ពីសកម្មភាពដែលយើងបានធ្វើអ្វីល្អៗនៅក្នុងថ្ងៃនេះ ពេលនោះហើយយើងពិតជាមានអារម្មណ៍រីករាយនូវអ្វីដែលយើងបានធ្វើ ដូច្នេះយើងត្រូវរក្សានូវការធ្វើល្អនោះឲ្យបានរាល់ថ្ងៃ។

៤. អបអរនូវភាពជោគជ័យយើងនៅថ្ងៃនេះ

ពេលដែលយើងឈ្នះអ្វីមួយ ឬ ក៏ទទួលបានអ្វីដែលយើងចង់បាន យើងអាចអបអរឲ្យខ្លួនឯងដូចជាការទិញកាដូជូនខ្លួនឯង ដើរលេង ញ៉ាំអាហារដែលយើងចូលចិត្តជាដើម។

៥. គិតថាគ្រប់យ៉ាងសុទ្ធតែមានហេតុ និង ផល

ពេលខ្លះយើងអាចនឹងមានគំនិតផ្ដេសផ្ដាស ស្មុគស្មាញ ព្រោះគិតអីមិនចេញ ប៉ុន្តែយើងគួរតែគិតថាអ្វីក៏ដោយក៏មានហេតុ និង ផលរបស់វាដែរ ដូច្នេះបញ្ហាគ្រប់យ៉ាងសុទ្ធតែមានដំណោះស្រាយឲ្យតែយើងគិតនិងធ្វើវា៕

ចុចអាន៖ទម្លាប់មួយចំនួនងាយៗនឹងផ្លាស់ប្ដូរជីវិតរបស់អ្នកឲ្យល្អប្រសើរឡើង

ប្រភព៖ lifehack ប្រែសម្រួល៖ ផេង ផលធិតា