មាន ១០ចំណុចនេះបញ្ជាក់ថាអ្នកជាមនុស្សមានក្ដីសុខបំផុតលើលោកម្នាក់ហើយ

2018-09-27 08:23:25
ចំនួនមតិ 0 | ចំនួនចែករំលែក 0

មនុស្សដែលមានក្ដីសុខបំផុតក្នុងលោក មិនមែនមនុស្សដែលមានទ្រព្យស្ដុកស្ដម្ភ មិនមែនមនុស្សដែលទទួលបានជោគជ័យ ប៉ុន្តែគឺជាមនុស្សដែលមានក្ដីសុខក្នុងចិត្ត ហើយនិយមន័យនៃក្ដីសុខក្នុងចិត្តគឺ៖

១. ពោរពេញដោយការជឿជាក់ ជឿថាខ្លួនឯងមានតម្លៃ គួរឲ្យរាប់អាន និងអាចធ្វើអ្វីៗបាន។

២. ស្គាល់ខ្លួនឯង និងទទួលស្គាល់ចំណុចខ្វះខាតរបស់ខ្លួន និងអាចកែលម្អខ្លួនជានិច្ច។

៣. មិនរឹងទទឹង បើថ្ងៃណាមួយធ្លាប់ធ្វើខុស តែងយល់ព្រមកែប្រែ និងទទួលគំនិតកែលម្អរបស់អ្នកដទៃ។

៤. មើលឃើញតម្លៃខ្លួនឯង មិនគិតថាខ្លួនឯងគ្មានតម្លៃ ទើបយើងមានក្ដីសុខបានរហូត។

៥. ចេះដកខ្លួនពីទុក្ខ នៅពេលដឹងខ្លួនថាកំពុងធ្លាក់ខ្លួនចូលក្នុងសេចក្ដីទុក្ខ អ្នកអាចប្រញាប់រកផ្លូវចេញបាន ដោយមិនត្រាំត្រែងជាមួយវា។

រូបតំណាង

**៦. ក្លាហានជានិច្ច** ហ៊ានផ្លាស់ប្ដូរ និងហ៊ានទទួលយកអ្វីដែលថ្មី ឬបញ្ហានានា។

៧. មានក្ដីស្រមៃ នៅពេលជីវិតមានគោលដៅ អ្នកនឹងអាចដើរលើផ្លូវជីវិតយ៉ាងមានក្ដីសង្ឃឹម មិនមានអារម្មណ៍រសាត់អណ្ដែត។

៨. មានទឹកចិត្ត មានក្ដីសុខក្នុងចិត្តជានិច្ចនៅពេលបានជួយ ឬឲ្យអ្វីមួយទៅអ្នកដទៃ ដោយមិនរំពឹងអ្វីតបស្នង។

៩. គោរពខ្លួនឯង មិនមើលងាយខ្លួនឯងដោយការបន្ទាបតម្លៃខ្លួនឯង និងធ្វើអ្វីដែលនាំទុក្ខអន្តរាយដល់ខ្លួនឯង។

១០. បន្ថែមសម្រស់ជីវិត បង្កើតស្នាមញញឹមឲ្យជីវិតរបស់ខ្លួន និងអ្នកជុំវិញខ្លួន។ ចេះលេងសើចជាមួយអ្នកដទៃ និងខ្លួនឯង។

ក្ដីសុខ គឺការពេញចិត្តនឹងជីវិតរបស់ខ្លួនឯង និងចេះបង្កើតក្ដីស្រមៃដែលសមល្មមនឹងកម្លាំង សមត្ថភាពដែលខ្លួនធ្វើបាន។ ការបានទទួលអំណោយ និងជោគជ័យក្នុងការងារ អាចធ្វើឲ្យអ្នកសប្បាយចិត្ត ប៉ុន្តែវាជាក្ដីសុខបានត្រឹមតែសម្បកក្រៅប៉ុណ្ណោះ ហើយវាក៏មិនអាចស្ថិតស្ថេរជាមួយអ្នករៀងរហូតដែរ ព្រោះភាពត្រូវការរបស់មនុស្សយើងតែងមានការកើនឡើងមិនចេះចប់ឡើយ។ ក្ដីសុខពិតប្រាកដ គឺក្ដីសុខនៅក្នុងចិត្ត ៕

ចុចអាន៖

ប្រភព៖ rugyim ប្រែសម្រួល៖ ស្វាយ វ៉ាន់ថន