មកដឹងពីចរិតរបស់មនុស្សស្រីច្រើនប្រភេទផ្សេងៗគ្នា
- 2018-09-17 07:47:42
- ចំនួនមតិ 0 | ចំនួនចែករំលែក 0
មកដឹងពីចរិតរបស់មនុស្សស្រីច្រើនប្រភេទផ្សេងៗគ្នា
ឈ្មោះជាមនុស្សស្រីដូចគ្នា ប៉ុន្តែមិនប្រាកដថាអត្តចរិតឬកពារ ដូចគ្នាទាំងអស់ទេ។ មនុស្សស្រីមានបុគ្គលិកលក្ខណៈអត្តចរិតច្រើនប្រភេទផ្សេងៗគ្នា ពេលខ្លះសូម្បីតែបុរសៗក៏នឹកស្មានមិនដល់ដែរ ហើយពិបាកនឹងយល់ថាមានអ្វីខ្លះទៅ។ បើចង់ដឹងកាន់តែច្បាស់ មានតែអានចំណុចខាងក្រោមនេះទេ ទើបអស់មន្ទិល។
១. មនុស្សស្រីដែលមិនចូលចិត្តតុបតែងខ្លួន មិនខ្វល់ពីការដេញម៉ូដខោអាវ មិននិយមជាមួយសម្ភារថ្លៃៗ។ អ្វីដែលនាងចូលចិត្តបំផុតគឺ ខោខោវប៊យ អាវយឺត ស្បែកជើងប៉ាត់តា សាមញ្ញៗមិនសាំញ៉ាំច្រើន។
២. មនុស្សស្រីទាបគួរឲ្យស្រលាញ់ ងាយនឹងបំភ្លេចរឿងរ៉ាវអាក្រក់ដែលបានកើតឡើង ប៉ុន្តែមិនដែលភ្លេចលាបក្រែមក្រហមលើបបូរមាត់ឡើយ។
៣. មនុស្សស្រីឆេវឆាវឆាប់ខឹង ប៉ះមិនបាន បើងរហើយនៅងំយូរ ពិបាកលួង។
៤. មនុស្សស្រីឆ្លាត ចេះដឹងរាក់ជ្រៅ មិនងាយទាល់ច្រក អាចដោះស្រាយបានគ្រប់បញ្ហា មិនងាយទាល់ច្រក។
៥. មនុស្សស្រីចរិតប្រុស ដែលគេតែងហៅថា Lesbian ប៉ុន្តែវាមិនមែនដូចអ្វីដែលអ្នកគិតទាំងអស់នោះទេ ពេលខ្លះគ្រាន់តែកាយវិការរបស់នាងដូចមនុស្សប្រុស តែនាងមិនមែនស្រលាញ់ស្រីគ្នាឯងទេ។ នាងក៏ចេះមានចិត្តលើមនុស្សប្រុសដែរ។
៦. មនុស្សស្រីដែលផ្តោតសំខាន់លើការគូរចិញ្ចើម បើចិញ្ចើមមិនខ្វង់ស្អាត គឺមិនចេញពីផ្ទះដាច់ខាត។
៧. មនុស្សស្រីដែលពូកែខាងវោហារសព្ទ មានភាពជាដឹកនាំខ្ពស់ និងអាចក្លាយជាអ្នកនយោបាយ នាពេលអនាគត។
៨. មនុស្សស្រីដែលប៉ិនប្រសប់ ក្នុងការនិយាយ កំប្លែង ធ្វើឲ្យមនុស្សជុំវិញខ្លួនទប់សំណើចមិនជាប់ ប៉ុន្តែនាងក៏អាចជាមនុស្សម៉ឺងម៉ាត់ដែរ។
៩. មនុស្សស្រីដែលស្រលាញ់រូបរាងខ្លាំង មិនហ៊ានញ៉ាំអីព្រោះខ្លាចធាត់។
១០. មនុស្សស្រីដែលយល់ចិត្ត និងពីតម្រូវការរបស់អ្នក អាចធ្វើជាភរិយានិងអ្នកម្តាយដ៏ល្អ។
១១. មនុស្សស្រីដែលកើតមកមានរូបសម្បត្តិស្អាតពីធម្មជាតិ ទៅណាមកណាធ្វើឲ្យគេច្រណែននឹងរូបសម្រស់នាងគ្រប់គ្នា។
១២. មនុស្សស្រីកាចឆ្នាស ចូលចិត្តប្រកែកយកឈ្នះ មិនបណ្តោយឲ្យគេធ្វើបានជិះជាន់។
១៣. មនុស្សស្រីដែលតែងតែខូចចិត្តបន្ទាប់ពីបែកបាក់ស្នេហា ឬមនុស្សខ្លួនលួចស្រលាញ់ទៅស្រលាញ់អ្នកផ្សេង។
១៤. មនុស្សស្រីដែលចូលចិត្តញ៉ាំឥតល្ហែ ចង់ឡើងប៉ុន្មានគីឡូក៏មិនខ្វល់ សំខាន់ទប់អារម្មណ៍មិនជាប់។
១៥. មនុស្សស្រីមិនធាត់ មិនស្គម គ្រាន់តែមានសាច់ប៉ុណ្ណោះ។
១៦. មនុស្សស្រីដែលញ៉ាំច្រើនយ៉ាងណាក៏មិនធាត់ ហើយរាងវិញនៅតែដូចតារាម៉ូដែល។
១៧. មនុស្សស្រីចេះស្រលាញ់គិតគូរពីសុខភាព ហាត់ប្រាណជាប្រចាំ និងញ៉ាំអាហារណាដែលល្អចំពោះសុខភាព។
១៨. មនុស្សស្រីដែលខ្ពស់ស្រឡះ ខ្ពស់រហូតពិបាករកសង្សារមានកម្ពស់ប្រហាក់ប្រហែលគ្នា។
១៩. មនុស្សស្រីដែលមិនធ្លាប់មានស្នេហាទាល់តែសោះ។ មិនដែលធ្លាប់មានបុរសណាបានថើបឬប៉ះនាងឡើយ ដូចបកពីកេះ។
២០. មនុស្សស្រីដែលមិនភ្លេចថតរូប មិនថានៅទៅកន្លែងណា ពេលណានោះទេ។ បើមិនថតទុកមើល ក៏ទុកបង្ហោះដែរ។
២១. មនុស្សស្រីដែលចាត់ទុកគ្រួសារជាមនុស្សសំខាន់ទី១ នៅក្នុងជីវិត។
២២. មនុស្សស្រីដែលចូលចិត្តរាំ ដើម្បីកម្សាន្តអារម្មណ៍ខ្លួនឯង ទោះពេលកើតទុក្ខក៏អាចរំសាយបាន។
២៣. មនុស្សស្រីដែលចូលចិត្តច្រៀង ហើយមានសម្លេងពីរោះ ស្តាប់ហើយចង់ស្តាប់ទៀតមិនជិនណាយ។
បន្ទាប់ពីអានហើយ តើមិត្តៗនារី ចូលប៉ុន្មានចំណុចដែរ?
ចុចអានបន្ត៖