បើមិនចង់ឆាប់ស្លាប់ ដាច់ខាតកុំញ៉ាំអាហារ ៦ ប្រភេទនេះពេលតានតឹងខ្លាំង

2018-03-26 05:01:42
ចំនួនមតិ 0 | ចំនួនចែករំលែក 0

មនុស្សភាគច្រើនឲ្យតែមានអាការៈតានតឹង គឺដឹងតែរកអាហារដើម្បីបន្ធូរអារម្មណ៍។ តែទោះជាតានតឹងខ្លាំងប៉ុណ្ណាក៏ដោយ កុំទទួលទានអាហារប៉ុន្មានមុខខាងក្រោមនេះដាច់ខាត៖

១.ស្រា និងស្រាបៀ

នៅពេលធុញទ្រាន់ភេសជ្ជៈដែលមានជាតិអាល់កុលដូចជាស្រាបៀ និងស្រាត្រូវបានមនុស្សជាច្រើនផឹក ក្នុងគោលបំណង "ដោះស្រាយបញ្ហា" ។ ជាតិអាល់កុលតិចតួចអាចធ្វើឲ្យអារម្មណ៍សប្បាយរីករាយវិញ ប៉ុន្តែមនុស្សមួយចំនួនតែងផឹកច្រើនជ្រុល។ ពេលទទួលទានច្រើនជ្រុល ស្មារតីនឹងថមថយ ហើយបើជាមនុស្សលេបថ្នាំជំងឺបាក់ទឹកចិត្ត នឹងបន្ថយនូវប្រសិទ្ធភាពថ្នាំផងដែរ។ ការផឹកស្រាច្រើនអាចបណ្ដាលឲ្យខ្វះជាតិទឹក ពិបាកដកដង្ហើម និងការផ្លាស់ប្ដូរជាតិស្ករនៅក្នុងឈាមដែលទាំងអស់នេះអាចធ្វើឲ្យការថប់បារម្ភកាន់តែអាក្រក់។

២.កាហ្វេ

មនុស្សដែល មានអារម្មណ៍អស់កម្លាំងជារឿយៗ ជ្រើសរើសកាហ្វេខ្មៅក្ដៅមួយពែង ដើម្បីជួយដាស់ស្មារតីរបស់ពួកគេ។ ប៉ុន្តែយោងតាមអ្នកជំនាញបានបញ្ជាក់ថា ជាតិកាហ្វេអ៊ីននឹងបង្កើនអារម្មណ៍នៃការថប់បារម្ភ ការរអាក់រអួល ការធ្វើឲ្យអារម្មណ៍របស់អ្នកកាន់តែអាក្រក់។ ដូច្នេះប្រសិនបើអ្នកមានអារម្មណ៍ធុញទ្រាន់ អ្នកគួរតែកាត់បន្ថយបរិមាណកាហ្វេដែលត្រូវញ៉ាំ ដោយគ្រាន់តែយកមួយពែងតូចនៅពេលព្រឹក គឺគ្រប់គ្រាន់ពេញមួយថ្ងៃ។

៣.ស្ករ

ពេលតានតឹងមនុស្សជាច្រើនត្រូវការជាតិផ្អែមៗ ដើម្បីបង្កើនកម្លាំងឡើងវិញ។ យោងតាមការស្រាវជ្រាវបានឲ្យដឹងថា ជាតិស្ករអាចបណ្ដាលឲ្យមានបញ្ហាប្រព័ន្ធសរសៃប្រសាទ ដែលធ្វើឲ្យអារម្មណ៍កាន់តែក្រៀមក្រំ ព្រោះបាត់បង់ សារធាតុ serotonin ។ វាក៏អាចបណ្ដាលអ្នកក្រៀមក្រំ ហើយពេលគ្មាន serotonin អ្នកនឹងឆាប់ឈឺក្បាល បញ្ហាការគេង បញ្ហាអារម្មណ៍ និងការបាក់ទឹកចិត្តកាន់តែអាក្រក់ទៅៗ។

៤.ភេសជ្ជៈមានជាតិហ្គាស

គ្រឿងផ្សំជាទូទៅក្នុងភេសជ្ជៈជាតិហ្គាស មានជាតិ Aspartame ហើយ Aspartame នេះបានរាំងខ្ទប់ផលិតសារធាតុសរសៃប្រសាទ serotonin (សារធាតុដែលជួយរក្សាតុល្យភាពអារម្មណ៍) ហើយធ្វើឲ្យឆាប់ឈឺក្បាល។ ដូច្នេះចូរនៅឲ្យឆ្ងាយពីភេសជ្ជៈទាំងនេះ នៅពេលអ្នកមានអារម្មណ៍ក្រៀមក្រំ ពីព្រោះវាមិនអាចជួយអ្វីអ្នកបានឡើយ។

៥.អាហារ fast-food

អាហារបែបនេះ គឺជាអាហារដែលចៀនក្នុងប្រេងអ៊ីដ្រូហ្សែន ដែលអាចធ្វើឲ្យអារម្មណ៍របស់អ្នកកាន់តែចុះទាប។ អ្នកញ៉ាំអាហារ fast-food ៥១% ហាក់ដូចជាទទួលរងជំងឺបាក់ទឹកចិត្តជាងអ្នកដទៃ។ នេះបើយោងតាមការស្រាវជ្រាវចេញផ្សាយក្នុងទស្សនាវដ្ដីអាហារបំប៉នសុខភាពសាធារណៈ។ កម្រិតខ្ពស់នៃជាតិខ្លាញ់ បណ្ដាលឲ្យស្ទះសរសៃឈាមអាក់ទែរ និងកំណត់លំហូរឈាមទៅខួរក្បាល។ មនុស្សត្រូវការលំហូរឈាមល្អប្រសើរបំផុតទៅខួរក្បាល ដើម្បីប្រយុទ្ធប្រឆាំងនឹងជំងឺបាក់។

៦.អាហារសម្បូរជាតិប្រៃ

បើសិនជាគេទទួលទានក្នុងកម្រិតមធ្យម អំបិលអាចជាថ្នាំបំបាត់ភាពតានតឹង ប៉ុន្តែនៅពេលដែលអ្នកញ៉ាំប្រៃច្រើន ប្រព័ន្ធសរសៃប្រសាទអាចត្រូវបានប៉ះពាល់។ បន្ទាប់មកអ្នកនឹងអស់កម្លាំង ហើយប្រព័ន្ធភាពស៊ាំត្រូវបានរំខាន នឹងធ្វើឲ្យស្ថានភាពកាន់តែអាក្រក់ទៅៗ៕