៧ចំណុចដែលបុរសគួរដឹងពីមនុស្សស្រីឯករាជ្យ និងស្ងប់ស្ងាត់លើរឿងស្នេហា

2018-09-04 09:04:22
ចំនួនមតិ 0 | ចំនួនចែករំលែក 0

មនុស្សស្រីដែលជានិយាយថាក្បាលរឹង ឯករាជ្យនោះពិតជាមានចំណុចខ្លាំងច្រើនណាស់ តែពេលខ្លះអ្នកអាចមើលនាងខុស។ អត្ថបទខាងក្រោមនេះនឹងនាំអ្នកទៅយល់ពីធាតុពិតនៃមនុស្សស្រីដែលរឹងមាំ និងចូលចិត្តនៅម្នាក់ឯងដោយមិនរញ៉េរញ៉ៃលើរឿងស្នេហាឡើយ ៖

១. នាងមិនឯកាដូចអ្នកគិតឡើយ

ប្រហែលមនុស្សមួយចំនួនគិតថានាងឯកាណាស់ព្រោះនាងមិនសូវមានអ្នកនៅក្បែរឡើយ នាងភាគច្រើននៅម្នាក់ឯង និងស្ងប់ស្ងាត់ ប៉ុន្តែផ្លូវចិត្តនាងគឺសន្តិភាពល្អណាស់។ ទោះនាងមើលទៅឯកាក៏ដោយ តែការពិតវាបានបង្ហាញថានាងជាមនុស្សស្រីរឹងមាំ និងសេរីភាពបំផុតព្រោះនាងអាចរស់នៅយ៉ាងរីករាយដោយមិនបាច់ពឹងអ្នកណា។

រូបតំណាង

**២. នាងជាមនុស្សដែលមានការច្នៃប្រឌិតខ្ពស់**

ធ្លាប់សង្កេតអត់ថាមនុស្សស្រីដែលចូលចិត្តជីវិតឯកជនមានភាពស្ងប់ស្ងាត់ជាមនុស្សស្រីដែលខ្លាំង មានគំនិតថ្មីៗក្នុងការងារ ហើយជាមនុស្សស្រីដែលឆ្លាតបំផុត។ ហេតុដែលនាងជាមនុស្សបែបនេះ ព្រោះពេលដែលនាងនៅម្នាក់ឯងនាងអាចគិត និងផ្ដោតលើការងារនាងបានយ៉ាងល្អ ដូច្នេះទើបរឿងស្នេហា ឬការរញ៉េរញ៉ៃច្រើនមិនមែនជាចំណូលចិត្តនាង។

៣. នាងមិនខ្វល់ខ្វាយរឿងស្នេហា

មនុស្សស្រីបែបនេះមិនងាយស្រឡាញ់បាននោះទេ ម្យ៉ាងទៀតបើរបៀបស្នេហាក្មេងៗទៀតនាងកាន់តែមិនយកភ្នែកមើល។ នាងមិនសូវគិតរឿងមនោសញ្ចេតនាដូចនារីផ្សេងឡើយ ព្រោះនាងយល់ថាជីវិតនាងបែបនេះគឺល្អណាស់ទៅហើយ មិនចាំបាច់មានអ្នកណាក៏បាន។

៤. នាងចូលចិត្តធ្វើជាខ្លួនឯង

មនុស្សដែលស្រឡាញ់ភាពឯករាជ្យគឺមិនចូលចិត្តធ្វើអីដែលខុសពីខ្លួនឯងដើម្បីផ្គាប់អ្នកដទៃនោះទេ។ នាងតែងធ្វើជាខ្លួនឯងទោះអ្នកណាមិនស្រឡាញ់មិនពេញចិត្តក៏អត់ទៅ ព្រោះអាចនិយាយបានថានាងមានចរិតរឹងតាំងពីកំណើតមកដែលជាមនុស្សមិនចូលចិត្តអែបអប ផ្គាប់ផ្គុនអ្នកណាច្រើន។

រូបតំណាង

៥. នាងជាមនុស្សរឹងមាំខាងក្រៅទន់ជ្រាយខាងក្នុង

កុំឃើញខាងក្រៅនាងរឹងមាំ និងសប្បាយចិត្ត និងកាចឆ្នាសតែបើអ្នកដឹងខាងក្នុងនាងទើបអ្នកដឹងថានាងអាចជាមនុស្សស្រីដែលយំច្រើនជាងនារីផ្សេងក៏ថាបាន។ នាងមិនចូលចិត្តឲ្យគេឃើញទឹកភ្នែក និងភាពទន់ជ្រាយរបស់នាងទេ នាងសុខចិត្តសម្ងំយំតែឯងដោយស្ងប់ស្ងាត់។

៦. នាងរាប់អានមិត្តភក្តិលើគុណភាពមិនមែនបរិមាណ

នាងប្រហែលស្គាល់មនុស្សច្រើនតែមិត្តភក្តិ អ្នកជិតស្និទ្ធនាងមិនមានច្រើនទេ ព្រោះនាងមិនចូលចិត្តចំណាយពេលជាមួយទំនាក់ទំនងណាដែលអត់ប្រយោជន៍។ នាងរាប់អានអ្នកណាក៏ចេញពីចិត្តដែរ ហើយតែងចាត់ទុកមិត្តភាពសំខាន់ មិនមែនមានរឿងតិចតួចបែកបាក់គ្នានោះទេ។

៧. សមត្ថភាពការងារនាងខ្ពស់

មនុស្សស្រីប្រភេទនេះតែងមានសមត្ថភាពធ្វើការបានខ្ពស់ ហើយច្បាស់លាស់ មិនរញ៉េរញ៉ៃឡើយ។ នាងមានទំនួលខុសត្រូវខ្ពស់លើការងារដែលនាងមាន ហើយនាងតែងឲ្យតម្លៃលើអ្វីដែលនាងមាន និងចាត់ទុកវាជារឿងសំខាន់។