ផ្កា៦ប្រភេទ អាចនាំលាភផ្សេងៗគ្នាចូលផ្ទះ

2018-08-22 00:51:00
ចំនួនមតិ 0 | ចំនួនចែករំលែក 0

ផ្កាគឺជានិមិត្តសញ្ញានៃហុងស៊ុយ ដែលអាចនាំលាភសំណាងចូលផ្ទះ ប៉ុន្តែផ្កា៦ប្រភេទមានលក្ខណៈពិសេសខុសៗគ្នា។ វាមិនត្រឹមតែអាចជួយបង្កើនសោភ័ណភាពក្នុងផ្ទះ ឲ្យស្រស់ស្អាតប៉ុណ្ណោះទេ ប៉ុន្តែមានតួនាទីសំខាន់ជាច្រើនទៀត ដែលអ្នកពុំធ្លាប់ដឹង។

១. ផ្កាឈូក

ក្រៅពីការយកទៅថ្វាយព្រះ ផ្កាឈូកត្រូវបានច្នៃធ្វើជាថ្នាំ ចាប់តាំងពីឬស ស្រទាប់ផ្កានិងលម្អងរបស់វា។ ហេតុនេះហើយ តាមក្បួនហុងស៊ុយ ផ្កាឈូកអាចនាំមកនូវសុខភាពល្អ រឹងមាំ សុខដុមរមនា។

២. ផ្កាអ័រគីដេ

ផ្កាអ័រគីដេ ពេញនិយមបំផុត នៅប្រទេសលោកខាងលិច ដើម្បីដាក់តាំងលម្អនៅក្នុងផ្ទះ ដែលជាតំណាងឲ្យការបង្កើតកូនចៅ និងទ្រព្យសម្បត្តិក្នុងក្រុមគ្រួសារ។

៣. ផ្កាស្បៃរឿង

ស្បៃរឿងជាផ្កាដែលឆ្លុះបញ្ចាំងពីតុល្យភាព នាំលាភសំណាងចូលមកក្នុងផ្ទះ។

៤. ផ្កាសាគូរ៉ា

ផ្កាសាគូរ៉ា ជាផ្កាដែលស្រស់បំព្រង ភាពគ្មានទោសពៃរ៍ ហើយក៏ជាផ្កាដែលតំណាងឲ្យក្តីស្រលាញ់និងសុខភាពល្អ។

៥. ផ្កាPeonies

វាជាប្រភេទផ្កា មានក្លិនក្រអូប និងរ៉ូមែនទិក ហើយត្រូវបានគូស្នេហ៍ភាគច្រើន យកទៅដាក់តាំងក្នុងបន្ទប់គេង ដើម្បីការពារមិនឲ្យមានជម្លោះ។

៦. ផ្កា Narcissus

ផ្កា Narcissus មានដើមកំណើតមកពីប្រទេសក្រិច។ ពណ៌សនិងពណ៌លឿង តែងតែត្រូវបានគេយកទៅដាក់ រាល់ពេលប្រកបការងារ ព្រោះវាជាផ្កា តំណាងឲ្យអំណាច និងភាពវៃឆ្លាត ក្នុងការធ្វើកិច្ចការឬជំនួញផ្សេងៗ។