៤ចំណុចជាមេរៀនដែលមនុស្សស្រីចងចាំទុកហើយរាងចាលក្រោយមានស្នេហាបែកបាក់

2018-08-15 08:59:41
ចំនួនមតិ 0 | ចំនួនចែករំលែក 0

អ្វីក៏ដោយ ឲ្យតែបានកើតឡើងគឺអ្នកអាចចាត់ទុកវាជាមេរៀនបាន។ មិនថារឿងល្អឬអាក្រក់ សប្បាយឬកើតទុកសុទ្ធតែជាមេរៀនដែលអ្នកអាចចងចាំទុកឬជៀសវាងទៅថ្ងៃក្រោយ។ តួយ៉ាងដូចជារឿងស្នេហា ៤ចំណុចនេះមនុស្សស្រីនឹងចាត់ទុកជាមេរៀនដែលនាងធ្លាប់ឈឺចាប់ក្រោយបែកបាក់ស្នេហា ហើយក៏ព្យាយាមជៀសវាងកុំឲ្យកើតឡើងម្ដងទៀត៖

១.សារភាពស្នេហ៍ដាក់មនុស្សប្រុសមុន

រស់នៅក្នុងសង្គមដែលទំនើបមួយ មនុស្សស្រីខ្លះក្លាហានគ្រប់គ្រាន់ និងសារភាពស្នេហ៍ដាក់មនុស្សប្រុសដែលខ្លួនស្រលាញ់ ដែលទង្វើនេះមិនខុសអីឡើយ។ តែចំពោះមនុស្សប្រុសមួយចំនួនវាជារឿងដែលនឹងធ្វើឲ្យអ្នកស្ដាយក្រោយ។ ការសារភាពស្នេហ៍ប្រាប់ខុសមនុស្ស ធ្វើឲ្យអ្នកបាត់បង់ការគោរពពីបុគ្គលម្នាក់នោះទៅវិញ។ បើទោះជាគេព្រមស្រលាញ់គ្នាជាមួយអ្នក តែនៅពេលបែកគ្នាគេនឹងមើលងាយហើយនិយាយមិនល្អអំពីអ្នក។

២. គិតថាអ្នកអាចផ្លាស់ប្ដូរគេបាន

ដោយសារការស្រលាញ់អ្នកយល់ថា នៅពេលដែលស្រលាញ់គ្នាយូរទៅអ្នកនឹងអាចកែប្រែចំណុចមិនល្អរបស់គេ។ ប៉ុន្តែវាមិនពិតនោះទេ ព្រោះសារជាតិរបស់មនុស្សគឺពិបាកកែជាងគេ។ ដូច្នេះត្រូវចេះរើសមនុស្ស និងមើលចិត្តគេឲ្យច្បាស់ នឹងសួរខ្លួនឯងថាតើអ្នកអាចស្រលាញ់បានទេ?

៣. បញ្ចេញអាកប្បកិរិយាដូចត្រូវការគេខ្លាំង

សេចក្ដីស្រលាញ់ត្រូវបញ្ចេញតាមកាយវិការ ពិតជាមិនខុសទេ តែអ្នកត្រូវដឹងថាកុំសម្ដែងចេញមកលើសលប់ពេក។ មិនត្រូវឲ្យគេដឹងទាំងស្រុង នូវទំហំនៃក្ដីស្រលាញ់អ្នកចំពោះគេនោះទេ។ ព្រោះវាធ្វើឲ្យគេបានចិត្ត នឹងមិនសូវយកចិត្តទុកដាក់លើការស្រលាញ់របស់អ្នក។

៤. ព្យាយាមតែម្នាក់ឯង

កុំដោយសារតែចង់រឹតចំណងស្នេហ៍ឲ្យកាន់តែគង់វង្សឋិតថេរ គឺអ្នកត្រូវព្យាយាមម្នាក់ឯងនោះ។ ស្នេហាឋិតថេរយូរអង្វែងគឺត្រូវ បុគ្គលទាំងសងខាងមានក្ដីស្រលាញ់និងការយកចិត្តទុកដាក់ទៅគ្នាទៅវីញទៅមក មិនមែនរាល់ពេលមានតែខាងស្រីជាអ្នកព្យាយាមនោះទេ៕

ចុចអាន៖រឿងសម្ងាត់ ៦យ៉ាង យកល្អមិនគួរនិយាយប្រាប់សង្សារឡើយ

ប្រភព៖ herbeauty ប្រែសម្រួល៖ Pencharm