ចង់ដឹងថាបុរសបែបណាស័ក្តិសមឥតខ្ចោះជាមួយអ្នក សាកល្បងតេស្តនេះ

2018-08-09 04:30:21
ចំនួនមតិ 0 | ចំនួនចែករំលែក 0

ក្រោយពីបានពិនិត្យមើលអត្តចរិតរបស់ខ្លួនឯងរួចមក តើអ្នកបានដឹងហើយឬនៅថា មនុស្សប្រុសបែបណាទើបស័ក្តិសមឥតខ្ចោះជាមួយអ្នក។ តេស្តសាកល្បងខាងក្រោមនេះអាចជួយបាន ដោយគ្រាន់តែធ្វើការជ្រើសរើស ចម្លើយតែមួយគត់ក្នុងចំណោមសំណួរនីមួយៗ បន្ទាប់មកបូកពិន្ទុសរុបទៅតាមចម្លើយដែលអ្នកជ្រើសរើស នោះលទ្ធផលនឹងបង្ហាញប្រាប់យ៉ាងច្បាស់ៗ។

១. តើចំណុចអ្វីសំខាន់បំផុត ពេលដែលអ្នកមើលទៅលើបុរស?

ក. ភាពវ័យឆ្លាតរបស់គាត់ = ៥០ពិន្ទុ

ខ. គាត់តែងមានគំនិតថ្មីប្លែកៗ = ៤០ពិន្ទុ

គ. គាត់មានលក្ខណៈពិសេសខុសពីបុរសដទៃ = ១០ពិន្ទុ

ឃ.គាត់ពូកែយកចិត្តទុកដាក់ = ២០ពិន្ទុ

ង. គាត់ស្រលាញ់អ្នកខ្លាំង = ៣០ពិន្ទុ

២. ចំពោះការណាត់ជួបគ្នាដំបូង តើអ្នកនឹងទៅទីកន្លែងណា?

ក. ទៅមើលកុន = ២០ពិន្ទុ

ខ. ទៅសួនកម្សាន្ត = ៤០ពិន្ទុ

គ. ទៅញ៉ាំអាហារពេលល្ងាចនៅកន្លែងរ៉ូមែនទិក = ៣០ពិន្ទុ

ឃ. ហៅមកលេងផ្ទះ = ៥០ពិន្ទុ

ង. ទៅសារមន្ទី = ១០ពិន្ទុ

៣. ក្នុងចំណោមរបស់ផ្អែមខាងក្រោម តើអ្នកចូលចិត្តអ្វីជាងគេ?

ក. នំឃុកឃី = ១០ពិន្ទុ

ខ. នំខេករសជាតិសូកូឡា = ៣០ពិន្ទុ គ. ការ៉េម = ៥០ពិន្ទុ

ឃ. នំខាប់ខេក = ២០ពិន្ទុ

ង. សូកូឡាត = ៤០ពិន្ទុ

៤. ពេលនិយាយជាមួយប្រុសៗ តើអ្នកមានរឬកពារយ៉ាងណាដែរ?

ក. ក្លាហានមានទំនុកចិត្ត = ៤០ពិន្ទុ

ខ. អៀនៗ ហើយមិនសូវហ៊ាននិយាយតប = ២០ពិន្ទុ គ. ចូលចិត្តញញឹមនិងសើច = ៣០ពិន្ទុ

ឃ. ចូលចិត្តឌឺដងបែបកំប្លុកកំប្លែង = ៥០ពិន្ទុ

ង. និយាយចំៗ = ១០ពិន្ទុ

៥. តើអ្នកចូលចិត្តធ្វើអ្វីជាងគេ?

ក. អានសៀវភៅនិងស្តាប់ចម្រៀង = ៥០ពិន្ទុ

ខ. ជប់លៀង = ៤០ពិន្ទុ

គ. ដើរលេងជាមួយមិត្តភ័ក្តិ = ៣០ពិន្ទុ

ឃ. គូររូប ឬច្រៀង = ២០ពិន្ទុ

ង. លេងកីឡា = ១០ពិន្ទុ

៦. តើអ្នកចាប់អារម្មណ៍អ្វីមុនគេ ពេលឃើញបុរសៗលើកដំបូង?

ក. អត្តចរិត = ៥០ពិន្ទុ

ខ. ការស្លៀកពាក់និងស្ទីលលេងខ្លួន = ៤០ពិន្ទុ

គ. ម៉ូដសក់ = ៣០ពិន្ទុ

ឃ. រូបរាង = ២០ពិន្ទុ

ង. កែវភ្នែក = ១០ពិន្ទុ

៧. តើអ្នកស្អប់បុរសបែបណាជាងគេ?

ក. មនុស្សប្រុសសាំញ៉ាំរញ៉េរញ៉ៃ = ៥០ពិន្ទុ

ខ. មនុស្សប្រុសទន់ជ្រាយ ចូលចំណោមគេមិនចុះ = ៤០ពិន្ទុ

គ. មនុស្សប្រុសដែលចូលចិត្តពឹងតែម្តាយ ពេលមានរឿង = ១០ពិន្ទុ

ឃ. មនុស្សប្រុសឈ្លើយ = ៣០ពិន្ទុ

ង. មនុស្សប្រុសល្មោភស្រី = ២០ពិន្ទុ

៨. តើអ្នកចូលចិត្តមើលរឿងបែបណាជាងគេ?

ក. រឿងបែបវិទ្យាសាស្ត្រ = ៥០ពិន្ទុ

ខ. រឿងស្នេហា = ៣០ពិន្ទុ

គ. រឿងកំប្លែង = ៤០ពិន្ទុ

ឃ. រឿងប្រយុទ្ធ = ១០ពិន្ទុ

ង. រឿងផ្សងព្រេង = ២០ពិន្ទុ

៩. តើអ្នកចង់បានកាដូអ្វីជាងគេពីបុរសដែលអ្នកស្រលាញ់?

ក. កុលាបមួយទង = ២០ពិន្ទុ

ខ. ខ្សែកពេជ្រ = ១០ពិន្ទុ

គ. រូបគំនូរដែលជារូបអ្នក = ៣០ពិន្ទុ

ឃ. តុក្កតាខ្លាឃ្មុំ = ៤០ពិន្ទុ

ង. កូនឆ្កែ = ៥០ពិន្ទុ

១០. តើអ្នកចាត់ទុកខ្លួនឯងជាមនុស្សស្រីបែបណា?

ក. មនុស្សស្រីឯកា = ២០ពិន្ទុ

ខ. មនុស្សស្រីដែលស៊ិចស៊ីទាក់ទាញ = ៤០ពិន្ទុ

គ. មនុស្សស្រីដែលកំប្លែង = ៣០ពិន្ទុ

ឃ. មនុស្សស្រីល្អ = ៥០ពិន្ទុ

ង.មនុស្សស្រីកាចឆ្នាស់ = ១០ពិន្ទុ

*ប្រសិនបើអ្នកបានបូកសរុបពិន្ទុ ត្រឹមត្រូវគ្រប់សំណួរអស់ហើយ ខាងក្រោមនេះគឺជាលទ្ធផលរបស់អ្នក។

ទី១៖ ចាប់ពី ១០០ ដល់ ១៦០ ពិន្ទុ "មនុស្សប្រុសសកម្ម”

មនុស្សប្រុសដែលស័ក្តិសមជាមួយអ្នក គឺជាមនុស្សប្រុសដែលសកម្មចូលចិត្តធ្វើដំណើរកម្សាន្ត មានសម្តីពីរោះ និងមានលក្ខណៈពិសេសម្យ៉ាងខុសពីប្រុសដទៃ។ ពេលខ្លះគាត់រាងពិបាកយល់ចិត្តបន្តិច ប៉ុន្តែមានមន្តស្នេហ៍ខ្លាំងណាស់។

ទី២៖ ចាប់ពី ១៧០ដល់ ២៥០ ពិន្ទុ "មនុស្សប្រុសរ៉ូមែនទិក”

មនុស្សប្រុសក្នុងក្តីសុបិន្តរបស់អ្នក គឺជាមនុស្សដែលចេះផ្អែមល្ហែមរ៉ូមែនទិក និងស្រលាញ់មួយដឹងមួយ។ ប្រសិនបើគាត់លង់ស្នេហ៍ជាមួយអ្នកហើយ គាត់មិនបោះបង់អ្នកដោយងាយៗឡើយ។

ទី៣៖ ចាប់ពី ២៦០ ដល់ ៣៣០ ពិន្ទុ "មនុស្សប្រុសចេះគិតគូ”

គាត់ជាមនុស្សល្អខ្លាំងណាស់ ថែមទាំងមានភាពកក់ក្តៅ ចេះយកចិត្តទុកដាក់ចំពោះអ្នក ស្តាប់ហេតុផលរបស់អ្នក និងមិនចេះប្រចណ្ឌផ្តេសផ្តាសនោះទេ។

ទី៤៖ ចាប់ពី ៣៤០ ដល់ ៤២០ ពិន្ទុ "មនុស្សប្រុសចេះកំប្លែង”

មនុស្សប្រុសដែលអ្នកត្រូវការបំផុត គឺជាមនុស្សប្រុសដែលគ្មានភាពស្មុគស្មាញច្រើន ទោះបីគ្មានទ្រព្យហូរហៀរប៉ុន្តែគាត់នៅតែអាច ធ្វើឲ្យខ្លួនឯងនិងអ្នកបានសប្បាយចិត្តដែរ។ គាត់ក៏ជាមនុស្សប្រុសផ្អែមល្ហែម មានគំនិតច្នៃប្រឌិត មានមន្តស្នេហ៍ ចេះការពារអ្នកបានល្អ និងអាចធ្វើឲ្យអ្នកមានអារម្មណ៍ពិសេសអ្វីម្យ៉ាង។

ទី៥៖ ចាប់ពី ៤៣០ ដល់ ៥០០ ពិន្ទុ "មនុស្សប្រុសវ័យឆ្លាត”

អ្នកត្រូវការមនុស្សប្រុសដែលមានភាពវ័យឆ្លាត មានសមត្ថភាពមិនចាញ់អ្នកប៉ុន្មានទេ។ គាត់ជាមនុស្សម្នាក់ដែលម៉ឺងម៉ាត់ ប៉ុន្តែអាចធ្វើឲ្យអ្នកសើចបានគ្រប់ពេលវេលា។ ជាពិសេសអ្នកមិនធុញទ្រាន់ទោះបីជាត្រូវអង្គុយនិយាយគ្នាជាមួយគាត់យូរប៉ុនណាក៏ដោយ ព្រោះមនុស្សឆ្លាតវៃ តែងមានរឿងរ៉ាងប្លែកៗ គូរឲ្យចាប់អារម្មណ៍ជាច្រើន។

ចុចអានបន្ត៖