៤ យ៉ាងមនុស្សស្រីគួរធ្វើ បើចង់ឲ្យគូស្នេហ៍នឹកនា និងស្រឡាញ់កាន់តែខ្លាំង

2018-08-02 03:45:24
ចំនួនមតិ 0 | ចំនួនចែករំលែក 0

ស្នេហាពេលខ្លះក៏មិនទៀងដូចដែលគ្រប់គ្នាចង់បានដែរ។ ខ្លះស្រឡាញ់គ្នាខ្លាំងៗ តែក៏ប្រែប្រួលដោយគ្មានមូលហេតុ ខ្លះក៏អស់អារម្មណ៍ទៅមុខលែងរួច ខ្លះក៏មានអារម្មណ៍ថាស្រឡាញ់ដូចអត់ស្រឡាញ់ជាដើម។ យ៉ាងណាក៏ដោយបើសិនជាអ្នកចង់ឲ្យមនុស្សប្រុសដែលអ្នកស្រឡាញ់មិនសូវធុញទ្រាន់ និងនឹកនាអ្នកកាន់តែខ្លាំងនោះ គួរតែព្យាយាមជាមួយនឹងរឿងខាងក្រោមនេះ៖

១. ចំណាយពេលជាមួយគ្នាឲ្យបានរីករាយ

បើមានពេលនៅជាមួយគ្នាហើយគួរតែបង្កើនភាពស្និទ្ធស្នាល ផ្អែមល្ហែម មិនមែនឃើញមុខគ្នាមានរឿងនោះទេ។ នៅពេលក្បែរអ្នកគេមានអារម្មណ៍ល្អ សប្បាយចិត្ត នោះពេលគេមិនបានជួបអ្នកគេនឹងមានអារម្មណ៍ថានឹក នឹកពេលអ្នកញញឹមដាក់គេ នឹកពេលអ្នកនិយាយពាក្យល្អៗយ៉ាងពីរោះ។ ដោយឡែកបើនៅជាមួយគ្នាមានតែរឿងនោះ កុំថាឡើយនឹក សូម្បីឃើញមុខអ្នកគេក៏មិនចង់ដែរ។

២. ឲ្យពេលវេលាគេ

ស្រឡាញ់គ្នាមិនមែនមានន័យថាត្រូវចំណាយពេលទាំងអស់មកលើស្នេហានោះទេ។ ទាមទារពេលវេលាច្រើនពេកពីគេ ក៏អាចធ្វើឲ្យមានបញ្ហាដែរ ព្រោះគ្រប់គ្នាសុទ្ធតែចង់បានពេលផ្ទាល់ខ្លួន។ នេះជាការល្អមួយបើអ្នកអាចផ្ដល់ពេលវេលាទៅគេបានគ្រប់គ្រាន់ ព្រោះបែបនេះគេនឹងមានអារម្មណ៍ថានឹកអ្នកខ្លួនឯងតែម្ដង មិនបាច់អ្នកណាប្រាប់នោះទេ។

៣. កុំព្យាយាមទាមទារចំណាប់អារម្មណ៍ពីគេពេក

មនុស្សស្រីមួយចំនួនគឺអាចនិយាយបានថាចូលចិត្តទាមទារចំណាប់អារម្មណ៍ពីគេណាស់ តែនេះមិនមែនមានន័យថាខុសឡើយ ព្រោះមនុស្សស្រីណាក៏ចង់ឲ្យគេខ្វល់ខ្វាយដែរ ប៉ុន្តែបើជ្រុលពេកក៏មិនល្អដែរ។ អ្នកគួរតែព្យាយាមធ្វើខ្លួនឲ្យរឹងមាំ ដោយមិនបាច់ធ្វើទន់ជ្រាយដើម្បីឲ្យគេនឹកនាអ្នកទេ។ មនុស្សប្រុសបើឃើញអ្នកកាន់តែបន្ទាបខ្លួន ឬរញ៉េរញ៉ៃច្រើននោះគេកាន់តែធុញ តែបើអ្នកកាន់តែរឹងមាំ កាន់តែស្ងប់ស្ងាត់នោះ គេកាន់តែនឹកអ្នក ចង់បានអ្នក។

រូបតំណាង

៤. ស្រឡាញ់គេយឺតៗ កុំប្រញាប់ខ្លាំងពេក

កុំធ្វើអីលឿនខ្លាំងពេកក្នុងទំនាក់ទំនងស្នេហា គួរតែទៅដោយសន្សឹមៗ តែនៅបានយូរល្អជាងហក់លោតៗ ហើយក៏បែកគ្នា។ ព្យាយាមផ្ដល់អ្វីដែលម្នាក់ៗត្រូវការ ដោយមិនបង្ខំគ្នាទៅវិញទៅមក។ លើសពីនេះការទៅដោយសន្សឹមៗអាចជួយថែរក្សាស្នេហាឲ្យបានយូរ និងធ្វើឲ្យអ្នកមានឥទ្ធិពលខ្លាំងទៅលើគេផងដែរ៕