មនុស្សស្រីដែលនៅលីវយូរចង់ជួបបុរសល្អ ត្រូវចេះវិធីសាស្ត្រទាំង៥នេះ
- 2018-07-28 07:00:30
- ចំនួនមតិ 0 | ចំនួនចែករំលែក 0
មនុស្សស្រីដែលនៅលីវយូរចង់ជួបបុរសល្អ ត្រូវចេះវិធីសាស្ត្រទាំង៥នេះ
ស្របពេលដែលមានមនុស្សស្រីជាច្រើនរីករាយនឹងជីវិតនៅលីវរបស់ពួកគេ ប៉ុន្តែក៏មានអ្នកខ្លះទៀត បានត្រៀមខ្លួនរួចរាល់ដើម្បីចូលទៅទំព័រថ្មីនៃជីវិត បោះបង់ភាពនៅលីវ និងអនុវត្តវិធីសាស្ត្រទាំង៥ខាងក្រោមនេះ ដើម្បីបានជួបបុរសដែលខ្លួនប្រាថ្នា។
១. មិនចាំបាច់តម្រូវឲ្យខាងប្រុសជាអ្នកចាប់ផ្តើមមុន
បើអ្នកបានជួបបុរសដែលខ្លួនប្រាថ្នាហើយ ម្ដេចចាំបាច់ត្រូវរារែកមិនហ៊ានចាប់ផ្តើមមុន? ព្រោះអ្នកអត់បានធ្វើអីខុសនោះទេ គ្រាន់តែចង់ស្គាល់និងទាក់ទងគ្នាសាកមើលសិន បើបុរសម្នាក់នោះមានចិត្តលើអ្នកដែរ បញ្ជាក់ថាអ្នកបានសមដូចបំណងហើយ។
២. មិនខ្លាចក្នុងការបែកបាក់
មនុស្សស្រីដែលនៅលីវយូរ មិនងាយមានស្នេហាដោយសារខ្លាចការបែកបាក់គ្នា ប៉ុន្តែរឿងបែកបាក់មិនមែនជាអ្វីដែលអ្នកត្រូវកើតទុក្ខដើរទៅមុខលែងរួចនោះឡើយ។ វាជាបទពិសោធន៍និងការបើកផ្លូវថ្មីឲ្យខ្លួនឯង ដើម្បីជួបបុរសណាមួយដែលស័ក្តិសមនឹងអ្នក។
៣. ចំណាយពេលសង្កេតមើលចិត្តគេឲ្យបានម៉ត់ចត់
ពេលបានជួបមនុស្សប្រុសដែលខ្លួនចូលចិត្តហើយ កុំប្រញាប់ប្រញាល់ពេក ត្រូវនៅចំណាយពេលសង្កេតមើលចិត្តរបស់គេឲ្យបានម៉ត់ចត់ជាមុនសិន។ ជៀសវាងការវាយតម្លៃមនុស្សតែសំបកក្រៅ ព្រោះវាអាចធ្វើឲ្យអ្នកខកចិត្តទៅថ្ងៃមុខ។
៤. មានទំនុកចិត្តលើខ្លួនឯង
ប្រសិនបើអ្នកមានទំនុកចិត្តលើខ្លួនឯង អ្នកនឹងអាចបង្កើនភាពទាក់ទាញបានទ្វេដង ព្រោះបុរសល្អពិតប្រាកដគេនឹងលង់ស្រលាញ់នូវអ្វីដែលអ្នកមាន ដោយមិនចាំបាច់តម្រូវឲ្យអ្នកផ្លាស់ប្តូរខ្លួនឯងដើម្បីគេនោះទេ។
៥. ប្រកាន់គោលជំហរខ្លួនឯង
កុំព្រោះតែចង់ជួបបុរសក្នុងក្តីសុបិនខ្លាំងពេក រហូតដល់ភ្លេចនូវគោលដៅរបស់ខ្លួន។ ត្រូវធ្វើជាខ្លួនឯង និងប្រកាន់គោលជំហរដល់រឹងមាំ ដើម្បីសម្រេចនូវកិច្ចការធំៗទាំងឡាយនៅក្នុងជីវិត និងព្យាយាមអត់ធ្មត់បន្តិចសិន នោះថ្ងៃណាមួយអ្នកគង់តែបានជួបមនុស្សប្រុសល្អដែលអ្នកប្រាថ្នាមិនខាន។
ចុចអានបន្ត៖
មុនជ្រើសរើសបុរសណាម្នាក់ នារីគំនិតចាស់ទុំច្រើនមានទស្សនៈ ៤ នេះក្នុងរឿងស្នេហា
មនុស្សស្រីក្លាហានហ៊ានសារភាពស្នេហ៍ដាក់បុរសមុនមិនមែនមានន័យថាអន់ទេ