ពណ៌សម្លៀកបំពាក់ដែលអ្នកចូលចិត្តអាចបង្ហាញច្បាស់ៗពីអត្តចរិតរបស់អ្នក

2018-07-26 09:02:56
ចំនួនមតិ 0 | ចំនួនចែករំលែក 0

អត្តចរិតរបស់បុគ្គលម្នាក់ៗអាចឲ្យដឹងតាមកាយវិការ ឬចំណូលចិត្តផ្សេងៗ។ ជាក់ស្ដែងគេអាចស្គាល់អត្តចរិតបុគ្គលនោះតាមពណ៌សម្លៀកបំពាក់ដែលចូលចិត្តដូចជា៖

១. ពណ៌ខ្មៅ

មនុស្សដែលចូលចិត្តស្លៀកពាក់ពណ៌ខ្មៅជាមនុស្សដែលមាន មហិច្ឆតាខ្ពស់, មានគោលដៅនិងចាប់ផ្លាស់ប្ដូរអារម្មណ៍។ ជាទូទៅ គេជាមនុស្សដែលឆាប់រំភើបចិត្តតែចូលចិត្តលាក់ ដោយមិនចូលចិត្តឲ្យគេឯងដឹងឡើយ។ សម្លៀកបំពាក់ពណ៌ខ្មៅនេះហើយដែលធ្វើឲ្យអ្នកដទៃមើលអ្នកក្នុងផ្លូវកោតសរសើរនិងមិនហ៊ានមើលងាយ។

២. ពណ៌ត្នោត

ចង់បានម៉ូដនេះសូមចុចត្រង់នេះ ឬ ផ្ញើរូបនេះទៅផ្នែកលក់ដើម្បីទទួលបានការបញ្ចុះតម្លៃ១០%

ពណ៌ត្នោតជាពណ៌តំណាងពិភពលោកព្រោះវាប្រៀបដូចជាដីដូច្នោះដែរ។ អ្នកជាមនុស្សដែលអាចពឹងពាក់បាន រឹងមាំ ហើយនឹងធឹង។ អ្នកជាមនុស្សដែលមិនសូវចូលចិត្តនិយាយស្ដី តែគោរពចាស់ទុំនិងតែងតែនៅស្ងៀមសុំតែសុខប៉ុណ្ណោះ។ អ្នកដែលចូលចិត្តស្លៀកពាក់ពណ៌នេះជាមនុស្សដែលឆ្លាតវៃតែស្ងាត់ស្ងៀមបំផុត។

៣. ពណ៌ផ្ទៃមេឃ

អ្នកជាមនុស្សចេះដឹង មានទំនុកចិត្តនិងមានសមត្ថភាព។ ដោយកត្តានេះហើយបានជាសកលវិទ្យាល័យមួយចំនួនយកពណ៌នេះជាឯកសណ្ឋានសម្រាប់សិស្ស។ អ្នកជាមនុស្សដែលមានចិត្តមេត្តា ហើយចូលចិត្តចែករំលែកដើម្បីឲ្យអ្នកដទៃបានល្អ។

៤. ពណ៌ស្វាយ

ក្នុងប្រវត្តិសាស្ត្ររបស់ប្រជាជនអឺរ៉ុប មានតែអ្នកមានស្តុកស្ដម្ភប៉ុណ្ណោះដែលមានសម្លៀកបំពាក់ពណ៌នេះ។ វាជាពណ៌ដែលបញ្ជាក់ពីអំណាច ភាពមានបាន និងស៊ីវិល័យ។ អ្នកដែលចូលចិត្តស្លៀកពាក់ឬប្រើប្រាស់ពណ៌ស្វាយ ជាមនុស្សដែលមានគំនិត ច្នៃប្រឌិតខ្ពស់ និងមានសិល្បៈក្នុងខ្លួន។គេចូលចិត្តអ្វីដែលប្រណិតឬល្អឥតខ្ចោះ។ មនុស្សនេះចូលចិត្តការទិញទំនិញ និងចូលចិត្តឲ្យរបស់របរដែលខ្លួនមានទៅអ្នកដទៃ។

៥. ក្រហម

អ្នកជាមនុស្សគួរឲ្យចាប់អារម្មណ៍ក្នុងភ្នែកអ្នកដទៃ។ អ្នកចូលចិត្តធ្វើអ្វីដែលគួរឲ្យស្រលាញ់ និងទាក់ទាញ។ អ្នកជាមនុស្សសុទិដ្ឋិនិយមដែលគិតតែរឿងល្អៗ ជាមនុស្សរួសរាយរាកទាក់ និងមានអ្នកផងស្រលាញ់រាប់អានច្រើន។

៦. ពណ៌លឿង

អ្នកជាមនុស្សដែលមិនចេះខ្វល់ខ្វាយច្រើន ឬកើតទុកនោះទេ។ អ្នកតែងតែសប្បាយចិត្តជានិច្ច ដែលធ្វើឲ្យអ្នកដទៃសប្បាយចិត្តតាមនោះដែរ។ ភាពស្រស់ស្រាយនេះធ្វើឲ្យអ្នកមានមិត្តភក្តិនិងអ្នកចូលចិត្តច្រើន។ ម៉្យាងទៀតអ្នកជាមនុស្សដែលមានភាពច្នៃប្រឌិតខ្ពស់និងទាន់សម័យ។

៧. ពណ៌ស

អ្នកជាមនុស្សចូលចិត្តសេរីភាព, ភាពស្អាតស្អំ និងធម្មតាៗមិនចូលចិត្តលេចធ្លោនោះទេ។ ម៉្យាងទៀតអ្នកជាមនុស្សដែលចូលជាមួយគេគ្រប់គ្នាចុះតែជាមនុស្សម្នាក់ដែលចូលចិត្តស្អាតបាត មានរបៀបរៀបរយ និងប្រុងប្រយ័ត្នខ្ពស់។

៨. ពណ៌ផ្កាឈូក

ជាមនុស្សដែលចូលចិត្តផ្ដល់ភាពឲ្យអ្នកដទៃ ហើយជាមនុស្សដែលរ៉ូមេនទិក ចិត្តទន់ និងគួរឲ្យស្រលាញ់។ អ្នកជាមនុស្សដែលចូលចិត្តគិតអ្នកក្នុងផ្លូវល្អ ហើយក៏ចិត្តល្អខ្លាំងណាស់ដែរ។ ទាំងនេះហើយគឺជាភាពទាក់ទាញរបស់អ្នក ដែលធ្វើឲ្យគ្រប់គ្នាស្រលាញ់ចូលចិត្តច្រើន៕

ចុចអាន៖ពីច័ន្ទដល់អាទិត្យ ថ្ងៃកំណើតអាចបង្ហាញច្បាស់ៗពីអត្តចរិតរបស់អ្នក

ប្រភព៖ Brightside ប្រែសម្រួល៖ Pencharm