៥ប្រយោគចេញពីមាត់មនុស្សប្រុស មានន័យថាគេហត់នឿយជាមួយអ្នកហើយ

2018-07-26 07:41:44
ចំនួនមតិ 0 | ចំនួនចែករំលែក 0

មនុស្សប្រុសត្រូវបានសង្កេតថាមិនសូវនិយាយច្រើនដូចមនុស្សស្រីទេ ហើយជាពិសេសពេលមានស្នេហា គឺមិនសូវធ្វើអី ឬនិយាយអីតាមនឹកឃើញនោះទេ។ ដោយឡែកបើសិនជាស្រឡាញ់គ្នាយូរហើយគេមិនដែលនិយាយពាក្យទាំងនេះ ហើយពេលនេះបែរជាប្រើវាមកកាន់អ្នកនោះ មានន័យថាគេហត់នឿយជាមួយស្នេហាហើយ ៖

១. បើនៅជាមួយគ្នាមិនសប្បាយចិត្តបែបនេះ ដើរចេញក៏ល្អ

មិនបាច់ចាំគេបកស្រាយអីទៀតទេ បើឮមួយប្រយោគនេះហើយ គឺគេពិតជាអស់កម្លាំងជាមួយស្នេហានេះខ្លាំងណាស់។ បើមនុស្សកំពុងពេញស្រឡាញ់គ្នាទៅមក ទោះបីជាមានរឿងឈ្លោះគ្នា ក៏មិនដាច់ចិត្តនិយាយពាក្យនេះដែរ។

២. ក៏តាមចិត្ត

ជាពាក្យមួយឃ្លាដែលបង្ហាញពីការធុញទ្រាន់របស់មនុស្សប្រុស ព្រោះគេអត់ចង់និយាយអីទៀតទេ គឺអ្នកចង់យ៉ាងម៉េចក៏យ៉ាងម៉េចទៅ។

៣. ហត់នឹងនិយាយណាស់ ហើយក៏អត់ចង់និយាយទៀតដែរ

បើប្រៀបធៀបធៀបមកយើងវិញ ទម្រាំយើងនិយាយពាក្យហ្នឹងចេញ គឺដល់កមែនទែនហើយ ចុះទម្រាំមនុស្សស្រឡាញ់គ្នាទៀត? នេះគឺដល់ដំណាក់កាលអស់អារម្មណ៍មែនទែនហើយ។

រូបតំណាង

៤. ជួបក៏បាន មិនជួបក៏បាន តាមចិត្ត

បើសិនជាអ្នកចង់ជួបគេហើយគេនិយាយប្រយោគនេះចេញមក គឺអាចដឹងបានហើយថាគេអត់អារម្មណ៍ចង់នៅជាមួយអ្នកទេ។ ជួបក៏បាន មិនជួប ស្រេចលើអូន ពាក្យនេះស្ដាប់ទៅដូចអត់មានអីអាក្រក់ទេ តែវាបញ្ជាក់ពីចិត្តរបស់គេ ថាគេអត់សូវចង់ជួបអ្នកប៉ុន្មានទេ។ បើគេពិតជាចង់ជួបអ្នកមែន គេអាចនិយាយ «ចាំអូនឯងទំនេរប្រាប់បងមក ចាំបងទៅជួបអូន» ឬ «ចាំបងរួចការងារបងទៅជួបអូន»។

៥. បើហត់អីចឹង យើងសម្រាកសិនទៅក៏ល្អដែរ

ពាក្យនេះមានន័យថាគេអត់កម្លាំងទៅមុខទៀតទេ គេចង់សម្រាក គេអត់ចង់គិតអីទៀតទេ។ មនុស្ស ២នាក់ស្រឡាញ់គ្នា តែឈ្លោះគ្នា តែបើមានប្រយោគបែបនេះចេញមក គឺមានន័យថាគេហត់នឿយជាមួយស្នេហាហើយ។