មានសង្សារជាមនុស្សអត់សូវចេះផ្អែមល្ហែម អ្នកនឹងទទួលបានអារម្មណ៍ពិសេសបែបនេះ

2018-07-24 07:42:38
ចំនួនមតិ 0 | ចំនួនចែករំលែក 0

ភាគច្រើនមនុស្សស្រីតែងតែចង់បានភាពកក់ក្ដៅ ផ្អែមល្ហែម ការយកចិត្តទុកដាក់ខ្លាំងពីមនុស្សប្រុសដែលខ្លួនស្រឡាញ់។ យ៉ាងណាមិញមានមនុស្សស្រីមួយចំនួនបានលង់ស្រឡាញ់ប៉ះចំមនុស្សប្រុសដែលឲ្យសូវចេះខ្វល់ ចេះផ្អែម និងពេលខ្លះសោះកក្រោះខ្លាំងទៀតផង ប៉ុន្តែអ្នកដែលបានជួបមនុស្សប្រុសបែបនេះ នឹងទទួលបានអារម្មណ៍ពិសេស ដែលមនុស្សស្រីផ្សេងទៀតគ្មាន ៖

១. ពេលគេ Sweet ម្ដងៗ រំភើបជាងឡើងត្រូវឆ្នោតទៀត

មិនដែលសូវចេះផ្អែមល្ហែមអីទេ តែយូរៗផ្អែមល្ហែមម្ដង គឺថាអ្នកមានអារម្មណ៍មានសុភមង្គលខ្លាំង និង រំភើបខ្លាំង។ អារម្មណ៍បែបនេះគឺធ្វើឲ្យអ្នកកាន់តែស្រឡាញ់គេខ្លាំងជាងមុនទៀត ព្រោះមនុស្សប្រុសបែបនេះគឺគួរឲ្យស្រឡាញ់ខ្លាំងនៅពេលគេ ធ្លាប់ជាមនុស្សអត់សូវរញ៉េរញ៉ៃ តែអាចធ្វើរឿងនោះដើម្បីអ្នកបាន។

២. គ្មានអារម្មណ៍ថាធុញទ្រាន់

នៅជាមួយមនុស្សប្រុសបែបនេះអ្នកមិនសូវមានអារម្មណ៍ថាធុញទ្រាន់ទេ តែអាចពេលខ្លះអ្នកទទួលបានអារម្មណ៍អន់ចិត្តដែរ។ បើអ្នកជួបមនុស្សប្រុសដែលពូកែសម្ដី ពូកែផ្អែមល្ហែម ប្រហែលអ្នកអាចទ្រលាន់នឹងពាក្យដ៏ល្អរបស់គេនៅមុខអ្នករាល់ថ្ងៃ តែបើនៅជាមួយមនុស្សមិនសូវចេះផ្អែមល្ហែមវិញ អ្នកនឹងមានអារម្មណ៍ធម្មតា ហើយមិនងាយធុញទ្រាន់ទេ ព្រោះយូរៗបានស្ដាប់ពាក្យផ្អែមល្ហែមម្ដងតែប៉ុណ្ណោះ។

៣. គេបង្ហាញកាយវិការជាងពាក្យសម្ដី

មនុស្សប្រុសបែបនេះមិនសូវនិយាយច្រើនទេ តែធ្វើទង្វើច្រើនជាង។ គេមិនចូលចិត្តសន្យាអីឡើយ តែគេតែងសម្ដែងវាចេញតាមសកម្មភាពរបស់គេ។ គេមិនសូវនិយាយថាស្រឡាញ់អ្នក នឹកអ្នកទេ តែគេតែងរកពេលមកជួបអ្នក ឬអាចផ្ញើសារយ៉ាងសាមញ្ញមួយនៅពេលគេនឹកអ្នកខ្លាំង។

រូបតំណាង

៤. ទំនាក់ទំនងយ៉ាងស្ងប់ស្ងាត់ និងច្បាស់លាស់មួយ

ជាទូទៅមនុស្សប្រុសចរិតបែបនេះមិនចូលចិត្តការបង្អួត ឬបង្ហាញអ្នកណាទេ គេចង់បានស្នេហាបែបស្ងប់ស្ងាត់មួយ តែរឹងមាំ មិនមែនបង្ហាញចុះបង្ហាញឡើង តែចុងក្រោយបែកបាក់គ្នា រញ៉េរញ៉ៃនោះទេ។ វាអាចជាភាពច្បាស់លាស់មួយដែលគេមាន ហើយបែបនេះក៏អាចជួយរក្សាតម្លៃអ្នកដែរ ព្រោះគេមិនចង់ឲ្យអ្នកមានសម្ពាធពេលមានស្នេហាជាមួយគេ។

៥. មិនសូវចេះរញ៉េរញ៉ៃជាមួយស្រីផ្សេង

បើគេជាមួយមនុស្សពូកែលួង ពូកែនិយាយនោះ ប្រហែលមិនមែនមានតែអ្នកទេ ព្រោះនឹងមានមនុស្សស្រីជាច្រើនទៀតលង់ស្រឡាញ់គេ។ បើអ្នកទទួលបានមនុស្សបែបនេះ អ្នកអាចមានអារម្មណ៍ជឿជាក់លើគេបាន ព្រោះគេគ្មានជំនាញក្នុងការទាក់ទងមនុស្សស្រីយកមកលេងសើចទេ។ គេស្រឡាញ់មួយដឹងមួយ ហើយក៏មិនចូលចិត្តរញ៉េរញ៉ៃច្រើនដែរ។