អាថ៌កំបាំងក្នុងការ Make up បែបធម្មជាតិ ឲ្យផ្ទៃមុខទន់រលោង ម៉ត់ខៃ

2018-07-21 02:00:00
ចំនួនមតិ 0 | ចំនួនចែករំលែក 0

Make up គឺជារឿងសំខាន់មួយសម្រាប់មនុស្សស្រី ប៉ុន្តែបើអ្នកមិនពូកែផាត់ ឬផាត់ខុសរបៀបនោះវាក៏អាចឲ្យសម្រស់អ្នកធ្លាក់ចុះដែរ។ បច្ចុប្បន្នយើងឃើញថាការ Make up បែបធម្មជាតិ ដែលមើលទៅផ្ទៃមុខរលោង ម៉តខៃនោះ កំពុងតែពេញនិយមខ្លាំងក្នុងស្រទាប់យុវវ័យ។ ខាងក្រោមនេះនឹងបង្ហាញពីរបៀបផាត់មុខដែលអាចរក្សាបាននូវស្បែកមុខស្អាត រលោង ៖

១. សម្អាតស្បែកមុខឲ្យបានស្អាត

មុនពេល Make-up អ្នកត្រូវលាងសម្អាតស្បែកមុខឲ្យបានស្អាតសិន។ ម្យ៉ាងទៀតបើសិនជាមានពេលគ្រប់គ្រាន់អ្នកគួរតែបិទម៉ាស ដើម្បីផ្ដល់សំណើម និងជួយឲ្យមុខទន់រលោងដើម្បីងាយស្រួលក្នុងការ Make up។

២. លាបក្រែមផ្ដល់សំណើម ឬឡេការពារកម្ដៅថ្ងៃ

ក្រែមផ្ដល់សំណើម ឬឡេការពារកម្ដៅថ្ងៃនេះអាចជួយឲ្យស្បែកមុខមិនស្ងួត របក ហើយក៏ជួយការពារកម្ដៅថ្ងៃបានល្អផងដែរ។ លើសពីនេះវាក៏ជួយការពារផ្ទៃមុខពីក្រែមម្សៅដែលអាចធ្វើឲ្យខូចស្បែកមុខនោះបានយ៉ាងល្អ។

៣.ប្រើម្សៅទ្រនាប់ Foundation

ជ្រើសរើសម្សៅទ្រនាប់ណាដែលត្រូវនឹងស្បែកមុខរបស់អ្នក មិនឲ្យសពេក ឬស្រអាប់ពេកដែលនាំឲ្យមុខមើលទៅមិនស្អាត។

៤. ម្សៅផាត់

ផាត់សើរៗបន្ទាប់ពីប្រើម្សៅទ្រនាប់ហើយ។ ចៀសវាងការផាត់ក្រាស់ពេក ដែលនាំឲ្យស្បែកមុខមើលទៅបាត់បង់ភាពធម្មជាតិ ហើយមើលឃើញតែម្សៅ។

៥. គូសចិញ្ចើម

ជ្រើសរើសពណ៌ខ្មៅដៃគូសចិញ្ចើមបែបធម្មជាតិ ដូចជាពណ៌ត្នោត ឬខ្មៅស្រាល ដើម្បីកុំឲ្យពេលគូសទៅដិតខ្លាំង។ បន្ទាប់មកត្រូវសិតចិញ្ចើមដើម្បីឲ្យមើលទៅឃើញស្អាត មិនស្អិតចូលគ្នា។