មិនធម្មតា! មិត្តស្រីកីឡាករ ធារី ចន្ថាប៊ីន មានគំនិតយកប្រេងដូងខ្មែរបង្កើតជា Brand ផ្ទាល់ខ្លួន

2018-07-18 05:00:22
ចំនួនមតិ 0 | ចំនួនចែករំលែក 0

មិត្តស្រីកីឡាករបាល់ទាត់ដ៏ល្បី កូនខ្មែរកាត់បារាំង ធារី ចន្ថាប៊ីន មានឈ្មោះថា Katesutherland បានបង្កើតគំនិតច្នៃប្រឌិតមួយ ដោយយកប្រេងដូងពីធម្មជាតិរបស់ខ្មែរ ហើយបន្ថែមចំណុចពិសេសមួយ ដើម្បីបង្កើតជា Brand Name ផ្ទាល់ខ្លួន។

Katesutherland និង ធារី ចន្ថាប៊ីន

នារីសញ្ជាតិកាណាដា វ័យ២៣ឆ្នាំរូបនេះប្រាប់មកកញ្ញាថា នាងបំផុសគំនិតនេះឡើង ដោយពឹងផ្អែកលើគោលដៅ២ គឺការប្រើប្រាស់ប្រេងដូងដែលចម្រាញ់ពីធម្មជាតិសុទ្ធសាធ គ្មានសារធាតុគីមីដូចផលិតផលផ្សេង និងការជួយលើកស្ទួយគាំទ្រផលិតផលខ្មែរ។

"ប្រេងដូងមានសារប្រយោជន៍ជាច្រើន ជាពិសេសចំពោះស្បែក និងការថែរក្សាសម្រស់ ប៉ុន្តែពេលទៅដើររកទិញម្តងៗ ពិបាករកប្រេងដូងណាដែលសុទ្ធល្អណាស់ ដូច្នេះហើយពេលខ្ញុំបានស្គាល់កន្លែងផលិតមួយដែលចម្រាញ់ប្រេងដូងដោយធម្មជាតិ ខ្ញុំគិតថាគួរបន្ថែមអ្វីទៀតដើម្បីកាន់តែទាក់ទាញ និងប្លែកពីគេ ដើម្បីប្រើប្រាស់ខ្លួនឯងផង និងអាចដាក់លក់នៅលើទីផ្សារផង”។ Kate បន្ថែម។

មិត្តស្រីខ្សែបម្រើការពារកណ្ដាលរូបនេះបន្តថា "ប្រេងដូងដែលខ្ញុំប្រើ គឺខ្ញុំទិញពីសិប្បកម្មខ្មែរមួយនៅខេត្តតាកែវ ហើយខ្ញុំបានបន្ថែមសារធាតុភ្លឺផ្លេក (Glitter) និងបានធ្វើការវេចខ្ចប់ដោយប្រើកែវដែលមានរាងតូចស្អាត មាន Brand ជាឈ្មោះរបស់ខ្ញុំផ្ទាល់"។ ប្រេងដូង Kvtesutherlvnd មានអាយុកាលផុតកំណត់មួយឆ្នាំ ដូចជាប្រេងដូងដទៃទៀតដែរ ប៉ុន្តែលក្ខណៈពិិសេសរបស់ប្រងដូងនេះ គឺគ្មានសារធាតុគីមី និងមានបន្ថែម Glitter ដែលមិនត្រឹមតែជួយធ្វើឱ្យស្បែកមានសំណើមមួយមុខទេ ថែមទាំងអាចបង្កើនភាពទាក់ទាញទៀតផង។

ពេលសួរថា សារធាតុភ្លឺផ្លេកទាំងនេះអាចធ្វើឱ្យស្បែករមាស់ ឬប្រតិកម្មដែរទេ? ម្ចាស់ Brand Kvtesutherlvnd រូបនេះប្រាប់ថា មិនមានប៉ះពាល់ ឬរមាស់ទេ តែវាជួយធ្វើឱ្យស្បែកភ្លឺផ្លេក ជាពិសេសសម្រាប់ស្រីៗដែលត្រូវទៅជប់លៀងពេលយប់។

Kate តែងតែលាបប្រេងដូងនៅលើស្បែក រាល់ពេលចេញទៅខាងក្រៅ ពេលជិះកង់ មុនពេលហែលទឹក លាបសក់ដើម្បីបន្ថែមសំណើម និងបំបាត់បែកចុង។ ប្រេងដូងនេះមានលក់នៅលើទំព័រហ្វេសប៊ុក Kvtesutherlvnd និងមានពីរទំហំសម្រាប់ជ្រើសរើស គឺទំហំតូចតម្លៃ៥ដុល្លារ និងទំហំធំ១៥ដុល្លារ៕