មនុស្សស្រីហ៊ានយកបុរស ៧ប្រភេទនេះធ្វើប្ដី ដូចហ៊ានឱបទុក្ខមួយជីវិត

2018-07-15 07:39:40
ចំនួនមតិ 0 | ចំនួនចែករំលែក 0

នារីគ្រប់គ្នាប្រាកដជាទន្ទេញជាប់ក្នុងខួរក្បាលហើយថាមិនយកឡើយមនុស្សប្រុសខ្ជិល មិនចេះរកលុយ ប្រមឹកស្រា វាយប្រពន្ធ។ តែលើសពីគុណវិបត្តិដែលយើងមើលឃើញច្បាស់ៗក្រឡែតទាំងនេះ ក៏នៅមានចំណុចមួយចំនួនទៀតដែររបស់បុរសដែលមនុស្សស្រីគួរជៀសវាង។ ថ្ងៃនេះ កញ្ញា សូមបង្ហាញជូនពីចរិតលក្ខណៈបុរស ៨យ៉ាងដែលអ្នកមកគួរជ្រើសរើសមកធ្វើជាស្វាមី ពុំដូច្នោះទេជីវិតគូរបស់អ្នកនឹងមានទុក្ខច្រើនជាងសុខ។

១. មនុស្សប្រុសដែលចូលចិត្តគិតថាការងារផ្ទះជារបស់មនុស្សស្រី សូម្បីតែរឿងងាយៗតូចតាចក៏មិនខ្ចីជួយប្រពន្ធដែរ។

២. មនុស្សប្រុសដែលមានបំណុលជាប់ខ្លួនច្រើន ប៉ុន្តែសុទ្ធតែជាបំណុលដោយសារល្បែង។

៣. មនុស្សប្រុសចរិតព្រាន ចំណុចនេះអ្នកណាក៏ទទួលស្គាល់ដែរថាបើបានមកធ្វើប្ដី នឹងមានតែទុក្ខច្រើនជាងអ្វីទាំងអស់។

៤. មនុស្សប្រុសដែលមិនអាចលះបង់ពេលវេលាឲ្យយើងបាន ទោះបីយើងមានបញ្ហាបន្ទាន់យ៉ាងណា។

៥. មនុស្សប្រុសដែលស្រឡាញ់យើងដើម្បីផលប្រយោជន៍ មនុស្សប្រុសបែបនេះគឺអាត្មានិយម មើលឃើញតែសេចក្ដីសុខផ្ទាល់ខ្លួន ដែលអ្នកមិនគួររួមជីវិតជាមួយឡើយ។

៦. មនុស្សប្រុសដែលដើរលេងដើរផឹកជាមួយមិត្តឥតល្ហែ មិនមែនមិនឲ្យគេចូលសង្គម ចូលជាមួយមិត្តភ័ក្ដិទេ ប៉ុន្តែទីនេះគឺសំដៅលើការជាប់ជើងជាមួយមិត្តរហូតគ្មានពេលឲ្យអ្នក។

៧. មនុស្សប្រុសដែលមិនគោរពឪពុកម្ដាយរបស់អ្នក បើសូម្បីអ្នកមានគុណរបស់អ្នក ដែលជាមនុស្សដែលអ្នកគោរពបំផុតក៏គេមិនគោរព មិនមើលថែផងនោះ ដូច្នេះកុំបាច់គិតឡើយថាអនាគតជីវិតគូរបស់អ្នកនឹងទៅជាយ៉ាងណា ៕