គន្លឹះ​ផាត់​មុខ​ទាំង ៦ ជួយ​ឲ្យ​ផ្ទៃ​មុខ​ម៉ត់ និង​ស្អាត​ សម្រាប់​នារី​វ័យ ២០ ឆ្នាំ

  • 2018-07-12 05:30:00
  • ចំនួនមតិ 0 | ចំនួនចែករំលែក 69

ចន្លោះមិនឃើញ

នៅ​ក្នុង​សង្គម​សម័យ​ទំនើប​ការ​តុបតែង​មុខ​ហាក់​ដូចជា​ផ្នែក​មួយ​មិន​អាច​ខ្វះ​បាន សម្រាប់​មនុស្សស្រី។ ក្នុង​គោល​បំណង ដើម្បី​សន្សំសំចៃ​ពេលវេលា កញ្ញា សូម​ផ្ដល់​ជូន​នូវ​គន្លឹះ​តុបតែង​មុខ​បែប​ទំនើប​មួយ ហើយមាន​ប្រសិទ្ធភាព​ជួយ​ឲ្យ​មើល​ទៅ​ស្រស់​ស្អាត​បែប​ធម្មជាតិ​ៗចំពោះនារី​វ័យ ២០ ឆ្នាំ​បាន៖

១.ជ្រើសរើស​ពណ៌​ម្សៅ​ទ្រនាប់​ស៊ី​នឹង​ស្បែក

ប្រសិនបើ​អ្នក​មិន​ដឹង​ថា ម្សៅ​ទ្រនាប់​មួយ​ណា​ស៊ី​នឹង​ស្បែក​ទេ អាច​យក​មក​សាកល្បង​នៅ​លើ​ក មិនមែន​នៅ​លើ​ក​ដៃ ឬ​កែង​ដៃ​ទេ ព្រោះ​ស្បែក​ត្រង់​នោះ​មិន​ដូច​គ្នា​នឹង​ស្បែក​មុខ។ វិធី​នេះ​អាច​ឲ្យ​អ្នក​រើស​ពណ៌​ធម្មជាតិ​បំផុត។ បន្ទាប់ពី​រសើ​បាន​ពណ៌​​ត្រូវ​នឹង​ស្បែក​ហើយ អ្នកច្របាច់​វា​តែ​ ២-៣ តំណក់ ហើយ​តប់​ឲ្យ​ចូល​សព្វ​សាច់​មុខ។

២.ផាត់​ភ្នែក​ឲ្យ​ធំ

មធ្យោបាយ​លឿន​បំផុត ដើម្បី​ធ្វើឲ្យ​ភ្នែក​មើល​ទៅ​ធំ គឺ​ក្រោយ​ផាត់​ពណ៌​ភ្នែក​ហើយ យក​ហាយឡាយ​ស​មក​វាស​នៅ​គល់​ភ្នែក។ ពេល​បើក​ភ្នែក មើល​ទៅ​ឃើញ​ភ្លឺ​រលោង និង​ច្បាស់​ជាង​មុន​ផង​ដែរ។

៣.ស្នាម​ខ្មៅ​ក្រោម​ភ្នែក

គេង​មិន​បាន​ឆ្អែត​ធ្វើឲ្យ​ភ្នែក​ស្លក់​មែន​ទេ? បើ​ទោះ​ជា​អ្នក​តប់​ម្សៅ​ទ្រនាប់ ហើយ​ផាត់​ម្សៅ​ពី​លើ​មួយ​ជាន់​ទៀត ក៏​មិន​អាច​បិទបាំង​បញ្ហា​ក្រោម​ភ្នែក​ខ្មៅ​បាន​ដែរ។ តិចនិក​មួយ​ដើម្បី​បំភាន់​កុំឲ្យ​គេ​ដឹង អ្នក​គ្រាន់តែ​ត្រូវ​ការ​ក្រែម​លាប​មាត់​ពណ៌​ក្រហម យក​មក​គូរ​ឆ្នូត​ៗ ហើយ​តប់​វា​ឲ្យ​ម៉ត់​ជាមួយ​ម្សៅ។ ពណ៌​ក្រហម​នឹង​បន្សាប​រង្វង់​ខ្មៅ និង​ជួយ​ឲ្យ​ភ្នែក​មើល​ទៅ​លែង​ស្លក់។

៤.លាប​ក្រែម​ពណ៌​ស្ដើង​ៗ

នេះ​គឺ​ជា​វិធី​សាមញ្ញ​ខ្លាំង​ណាស់ ព្រោះ​មើល​ទៅ​ស្រស់​ស្អាត​បែប​ធម្មជាតិ ដោយ​គ្រាន់តែ​លាប​ក្រែម​លើ​បបូរមាត់​ស្ដើង​ៗ។ បើ​ចង់​លាប​ជាប់​ពណ៌​បាន​យូរ អ្នក​អាច​យក​ក្រដាស​ជូត​មាត់​មក​ដាក់​ពី​លើ ហើយ​យក​ម្សៅ​ហុយ​មក​គោះ​វាស​ពី​លើ។

៥.អាច​ប្រើ​ក្រែម​ពណ៌​ស្រទន់​មក​ផាត់​ថ្ពាល់

ផ្ទៃ​មុខ​ស្រស់​ថ្លា និង​ស្រទន់​ជាង​មុន​​នៅ​ពេល​អ្នក​យក​ក្រែម​ពណ៌​ស្រទន់​ដូចជា​ពណ៌​ផ្កាឈូក ពណ៌​ទឹកក្រូច​មក​លាប​លើ​ថ្ពាល់ ហើយ​យក​ជក់​ផាត់​អូស​ឲ្យ​សព្វ។

៦.ចិញ្ចើម

សម្រាប់​ចិញ្ចើម អ្នក​មិន​បាច់​គូរ​ដិត ឬ​យក​រាង​ពេក​ទេ គ្រាន់តែ​រើស​ពណ៌​មួយ​ដែល​ស៊ី​ជាមួយ​ពណ៌​សក់​មក​គូរ​តាម​ទម្រង់​ចាស់​របស់​ចិញ្ចើម​ជា​ការ​ស្រេច៕

ចុចអាន៖របៀប makeup ស្រាល​ៗ​ដោយ​ប្រើ​គ្រឿង​សម្អាង ៥ មុខ នារី​ៗ​គួរតែ​មាន


ប្រភព៖ bestie ប្រែ​សម្រួល៖ ទ្រី រ៉ាវី