រឿង៨សំខាន់ៗដែលស្វាមីត្រូវដឹងដាច់ខាត ពេលប្រពន្ធមានផ្ទៃពោះ

2018-07-23 05:33:17
ចំនួនមតិ 0 | ចំនួនចែករំលែក 0

ស្វាមីជាមនុស្សតែម្នាក់គត់ ដែលត្រូវយកចិត្តទុកដាក់ ថែរក្សាការពារភរិយា និងជួយផ្តល់កម្លាំងចិត្តដល់នាងឲ្យបានល្អបំផុត ក្នុងអំឡុងពេលដែលកំពុងតែពរពោះនេះ។

១. ជួយធ្វើកិច្ចការផ្សេងៗ ដោយមិនចាំបាច់ឲ្យនាងហាមាត់ប្រាប់ជាមុន

ក្រោយពីធ្វើការងារពេញមួយថ្ងៃ ស្រ្តីមានផ្ទៃពោះតែងមានអារម្មណ៍នឿយហត់អស់កម្លាំង និងចង់សម្រាកពេលមកដល់ផ្ទះវិញ ដូច្នេះហើយស្វាមីត្រូវចេះជួយសម្រាលបន្ទុកប្រពន្ធ ដោយមិនប្រកាន់ខ្លួន ជួយធ្វើការងារផ្ទះទាំងឡាយ ទោះបីជាប្រពន្ធមិនសុំឲ្យជួយក៏ដោយ។

២. មិនជក់បារី

ដើម្បីឲ្យប្រពន្ធនិងកូនមានសុខភាពល្អ ដាច់ខាតត្រូវផ្តាច់បារីឲ្យបាន ហើយត្រូវជួយនាងផ្លាស់ប្តូររបបអាហារ ញ៉ាំតែរបស់ណាដែលល្អសម្រាប់សុខភាព។ មួយវិញទៀត កុំភ្លេចឆ្លៀតដើរជាមួយនាងឲ្យបានច្រើនផង។

៣. នៅក្បែរនាងគ្រប់ពេលដែលនាងត្រូវការ

ជូននាងទៅតាមដានពិនិត្យផ្ទៃពោះឲ្យបានទៀងទាត់ ទិញសម្ភារផ្សេងៗជាមួយនាង ត្រៀមទុកពេលសម្រាលរួច។ ពេលនៅជិតប្រពន្ធ ត្រូវយកដៃអង្អែលពោះ និយាយលេងជាមួយគ្នានិងជាមួយកូនដែលនៅក្នុងផ្ទៃ វានឹងអាចជួយឲ្យប្រពន្ធអ្នកមានក្តីសុខគ្មានអ្វីប្រៀបផ្ទឹមបានឡើយ។

៤. ប្រាប់នាងថានាងស្អាតណាស់

សម្រស់មនុស្សស្រី មានការប្រែប្រួលពេលកំពុងមានផ្ទៃពោះ។ នាងពិតជាមានការបារម្ភពីស្នាមសង្វារ ការឡើងទម្ងន់ ឬក៏មានអារម្មណ៍ថាខ្លួនឯងចាស់ជាងមុន។ ហេតុនេះហើយ ស្វាមីគួរចេះសរសើរប្រពន្ធ ធ្វើឲ្យនាងមានទំនុកចិត្តលើខ្លួនឯង ព្រមទាំងបញ្ជាក់ឲ្យនាងបានដឹងថា អ្នកស្រលាញ់នាងមិនថាក្នុងកាលៈទេសៈបែបណានោះទេ។

៥. ជួយម៉ាស្សាឲ្យនាង

នាងតែងស្ពឹកស្រពន់ ត្រង់ប្រអប់ជើង ឈឺរោយឆ្អឹងខ្នងជាដើម ដូច្នេះដល់ពេលដែលអ្នកត្រូវបញ្ចេញជំនាញរបស់អ្នកហើយ។ ពេលដែលម៉ាស្សាទៅ នាងប្រាកដជាបានធូរស្រាលច្រើន។

៦. ស្តាប់ យល់យោគនិងអធ្យាស្រ័យដល់នាង

ពេលពោះធំអ័រម៉ូនមានការប្រែប្រួល អារម្មណ៍មនុស្សស្រីឡើងចុះមិនទៀង ពេលខ្លះសប្បាយហើយពេលខ្លះក៏ខឹងឆេវឆាវមួយរំពេច។ មិនត្រូវប្រកាន់ខឹងនាង ហើយព្យាយាមស្តាប់ពេលដែលនាងនិយាយរៀបរាប់ប្រាប់ពីសុខទុក្ខទាំងឡាយ។

៧. បង្កើតអនុស្សាវរីយ៍ល្អៗជាមួយនាង

កុំគិតថាពេលប្រពន្ធពោះធំហើយ មិនចង់នាំចេញដើរទៅណាមកណាជាមួយ។ វាជារឿងសំខាន់ដែលអ្នក គូរតែនាំនាងដើរផ្សារ ទៅកន្លែងណាដែលមានទេសភាពស្រស់បំព្រង ថតរូបឲ្យបានស្អាតៗ ទុកជាអនុស្សាវរីយ៍មើលរួមគ្នាពេលចាស់ទៅ។

៨. មើលថែទាំនាង

ពេលសម្រាលកូនរួច ត្រូវចំណាយពេលយូរ ទម្រាំបាត់ការឈឺចាប់ មានកម្លាំងកំហែងនិងបានរឹងដៃរឹងជើងឡើងវិញ។ ជាពិសេសអ្នកត្រូវមានការយកចិត្តទុកដាក់ខ្ពស់ចំពោះនាង ស្វែងរកអាហារណាដែលល្អសម្រាប់នាង ហើយមិនត្រូវភ្លេចនិយាយថា អ្នកស្រលាញ់នាងជានិច្ច។

ក្រៅពីនេះ ស្វាមីគួរយកចិត្តទុកដាក់រឿងទិញសម្ភារសម្រាប់ក្រោយពេលឆ្លងទន្លេដែលមានដូចជា សម្ភារផ្សេងៗរបស់ទារក (រកទិញបាននៅហាង Baby Outlet ដបសម្រាប់រក្សាទុកទឹកដោះម្ដាយ Hegen ប្រេងការពារ និងបំបាត់សង្វារ Bio Oil និងម្សៅទឹកដោះគោសម្រាប់ប្រពន្ធពេលមានផ្ទៃពោះ និងក្រោយពេលសម្រាល Royal Ausnz ជាដើម៕