ម្ដាយគួរតែដឹងពីសារប្រយោជន៍នៃការអេកូមើលគភ៌ក្នុងផ្ទៃ និងការវិវត្តន៍មួយចំនួនរបស់កូន

2018-06-01 03:00:00
ចំនួនមតិ 0 | ចំនួនចែករំលែក 0

ស្ត្រីមានផ្ទៃពោះទាំងអស់ គឺត្រូវឆ្លងកាត់ការអេកូសាស្រ្ត ដើម្បីដឹងពីចលនា និងការវិវត្តន៍របស់ទារក ប៉ុន្តែមានរឿងជាច្រើនដែលអ្នកម្ដាយមិនបានដឹងពីការអេកូនេះ។ រឿងទាំងនោះមាន៖

១.ញញឹម

ពេលអេកូ អាចឃើញទារកក្នុងផ្ទៃញញឹម និងមានសកម្មភាពរស់រវើកបាននៅសប្ដាហ៍ទី ២៦ នៃការមានផ្ទៃពោះ។ នេះគឺជាពេលវេលាដ៏គួរឲ្យស្រលាញ់របស់ទារក ហើយឪពុកម្ដាយពិតជារីករាយក្នុងការមើលឃើញច្បាស់បែបនេះ។

រូបតំណាង

**២.យំ**

បច្ចេកវិទ្យាអ៊ុលត្រាសោនអាចស្ដាប់ដឹងសំឡេងយំរបស់កូននៅក្នុងស្បូនបាន។ មិនត្រឹមតែញញឹមនោះទេ ទារកអាចយំហើយឮសំឡេងខ្លាំងៗ ដែលធ្វើឲ្យម្ដាយភ្ញាក់ផ្អើលទៀតផង។

៣.បើកភ្នែក

នៅសប្ដាហ៍ទី ២៦ ទារកចាប់ផ្ដើមមានប្រតិកម្មផ្សេងៗដោយអាចបើក និងបិទភ្នែក។ បច្ចេកទេសសម្រាប់អេកូខ្លះអាចចាំងពន្លឺពីខាងក្រៅចូល ទៅប៉ះធ្វើឲ្យទាកបើកភ្នែកយ៉ាងច្បាស់។

រូបតំណាង

៤.ទះដៃ

មុនពេលមកដល់ពិភពលោកនេះ ទារកអាចធ្វើរឿងអច្ឆរិយមួយចំនួនដែលគ្រប់ឪពុកម្ដាយនឹងភ្ញាក់ផ្អើល។ ការរកឃើញតាមរយៈអ៊ុលត្រាសោ បានរកឃើញថា ទារកមានចលនាទះដៃ ដែលនេះជាសកម្មភាពធ្វើឲ្យម្ដាយគ្រប់រូបរំភើប និងរីករាយ។ មិនត្រឹមតែប៉ុណ្ណោះនៅក្នុងស្បូនកូនអាចធ្វើសកម្មភាពជាច្រើនដែលម្ដាយមិនអាចដឹងបាន។

៥.ត្អើក

មិនមែនទារកទាំងអស់នៅក្នុងស្បូនសុទ្ធតែមានសញ្ញាទាំងនេះទេ ប៉ុន្តែវាជាបាតុភូតធម្មតាសម្រាប់ទារកអាយុ ២៤ សប្ដាហ៍ ឬច្រើនជាងនេះ។ អ្នកម្ដាយអាចមានអារម្មណ៍ដូចជាចង្វាក់បេះដូងរបស់ទារកកំពុងលោតនៅលើពោះ។ ទារកអាចញាក់កើតអាការៈនេះបាន ១ ទៅ ២ ដងក្នុងមួយថ្ងៃ ឬច្រើនជាងនេះអាស្រ័យលើម្ដាយ និងទារកខ្លួនឯង។

៦.ទារកដឹងពីរសជាតិឆ្ងាញ់

នៅចុងត្រីមាសទី ១ ទារកអាចមានអារម្មណ៍ដឹងថាមានអាហារ និងភេសជ្ជៈដែលម្ដាយបានទទួលទាន។ នៅពេលដែលអ្នកញ៉ាំអាហារហឹរ ឬអាហារដែលមានក្លិនដូចជាខ្ទឹមស ខ្ទឹមបារាំង រសជាតិទាំងនេះនឹងឆ្លងកាត់សុក ហើយទៅដល់ទារក។

រូបតំណាង

៧.បត់បែនដៃ

យោងតាមអ្នកជំនាញនៅសប្ដាហ៍ទី ៣០ ទារកចាប់ផ្ដើមចូលចិត្តពត់ដៃពត់ជើង ឬធ្វើសកម្មភាពផ្សេងទៀត ហើយជួនកាលទារកក៏ប៉ះមុខនឹងពោះ ឬយកជង្គង់ទល់ទងផ្ចិត។

៨.បត់ជើងតូច

ទារកចាប់ផ្ដើមនោមនៅអាយុ ៣-៤ ខែ ហើយនៅអាយុប្រហែល ៧ ខែរៀង រាល់ថ្ងៃពួកគេបញ្ចេញទឹកមាត់ និងទឹកនោមប្រហែល ១០ មិល្លីលីត្រ ហើយពេលកៀកថ្ងៃកើតទឹកនោមកើនដល់ ២៧ មិល្លីលីត្រ។ កាកសំណល់របស់ទារកបង្ហូរចេញតាមសុករបស់ម្ដាយ។

៩.មានចលនាខ្លាំង

ចាប់ពីសប្ដាហ៍ទី ២០-២៤ ទារកចាប់ផ្ដើមមានចលនាកាន់តែខ្លាំងឡើងៗក្នុងស្បូន។ ចាប់ពីសប្ដាហ៍ទី ២៩ ទៅទារកកាន់តែរឹងមាំ ហើយរយៈពេលពីរសប្ដាហ៍ចុងក្រោយនៃការមានផ្ទៃពោះចលនារបស់កូនរៀងពិបាកបន្តិច ព្រោះកូនកាន់តែធំ និងម្ដាយមានការឈឺចាប់ស្បូនតិចតួច។

គ្រូពេទ្យបានពន្យល់ថាចន្លោះចាប់ពី ២៩ សប្ដាហ៍ទៅម្ដាយត្រូវតាមដានចលនាកូនឲ្យដិតដល់ ប្រសិនបើទារកក្នុង ១០ នាទីម្ដង កម្រើកខ្លាំងមិនមានអ្វីគួរឲ្យព្រួយបារម្ភនោះទេ ប៉ុន្តែបើទារកគ្មានចលនាអ្វីសោះ នោះម្ដាយគួរទៅមន្ទីរពេទ្យភ្លាម។

១០.ដង្ហើម

ក្នុងអំឡុងសប្ដាហ៍ទី ៩ នៃការមានផ្ទៃពោះ ទារកអាចដកដង្ហើមយ៉ាងសកម្ម ហើយនៅចុងខែនៃការមានផ្ទៃពោះ ម្ដាយនឹងមានអារម្មណ៍ថាដង្ហើមកូនដក កាន់តែច្បាស់។

រូបតំណាង

១១.ចំណង់ចំណូលចិត្តទារក គឺគេង

អ្នកស្រាវជ្រាវបានរកឃើញថារយៈពេលគេងរបស់ទារកមានរហូតដល់ ៩០-៩៥% ពោលគឺភ្នែកបិទរហូត។ ទោះជាយ៉ាងណាក៏ដោយទារកគេងប្រហែល ៤០ នាទី ប៉ុណ្ណោះ ហើយពេលក្រោកពីគេង កូននឹងបំបាត់ភាពអផ្សុកដោយលេងប្រឡែងជាមួយទឹកភ្លោះ សុក ឬធាត់ពោះម្ដាយ៕

ចុចអាន៖ចង់ឱ្យខ្លួនឯងនិងកូនក្នុងផ្ទៃកើតមកស្អាត អ្នកមានផ្ទៃពោះកុំរំលងអាហារទាំងនេះ

ប្រភព៖ bestie ប្រែសម្រួល៖ ទ្រី រ៉ាវី