រូបមន្តពិសេសជួយឲ្យស្បែកសខ្ចីគ្រប់កន្លែង ប្រើបានទាំងមុខ និងខ្លួន

2018-07-06 05:30:00
ចំនួនមតិ 0 | ចំនួនចែករំលែក 0

មានរូបមន្តខាត់ស្បែកជាច្រើនមកហើយដែល កញ្ញា ធ្លាប់បង្ហាញជូនប្រិយមិត្តនារី។ តែសម្រាប់ថ្ងៃនេះវិញ យើងសូមណែនាំវិធីខាត់ស្បែកមួយ អាចប្រើបានទាំងលើមុខ និងដងខ្លួន ហើយមានប្រសិទ្ធភាពជួយឲ្យសបានរហ័សតាមបែបធម្មជាតិ។ ជាពិសេសវាមិនមានផលប៉ះពាល់ដល់សុខភាពឡើយ ផ្ទុយទៅវិញរូបមន្តនេះមានតែធ្វើឲ្យស្បែករបស់អ្នកមានសុខភាពល្អជាងមុនទៅទៀត។

អ្វីដែលត្រូវមាន

១. អំពិលទុំមួយកូនចាន

២. ទឹកដោះគោស្រស់ ១ កំប៉ុង

៣.ក្រណាត់ពណ៌ស ១

៤. ក្រូចឆ្មារ ២ ផ្លែ ច្របាច់យកទឹក

៥.ទឹកឃ្មុំ ១ កូនពែង

តើធ្វើដូចម្ដេច ដើម្បីធ្វើឲ្យស្បែកសស្អាត និងមានសុខភាពល្អទៅ? លាយគ្រឿងផ្សំទាំងនោះចូលគ្នា ហើយអំពិលច្របាច់យកតែទឹកបានហើយ។ បន្ទាប់មកលាងសម្អាតមុខ និងដុសថ្នមៗដោយប្រើកូនកន្សែងសទន់នោះ។ ក្រោយលាងសម្អាត យកល្បាយមកដាក់លើផ្ទៃមុខ ៥ នាទីក្រោយលាងចេញ ចំណែកខ្លួនវិញលាប ១៥ នាទីទុកចោល។ ប្រសិនបើគ្រឿងគ្រៅនោះនៅសល់ អ្នកអាចយកទៅក្លាស្សេក្នុងទូទឹកកក ហើយ ៣ ថ្ងៃក្រោយធ្វើម្ដងទៀត។

អត្ថប្រយោជន៍

១.ទឹកឃ្មុំមានជាតិផ្អែម ត្រូវបានស្រូបទៅចិញ្ចឹម និងជួសជុលស្បែកខូច ឬខ្មៅឲ្យប្រសើរឡើង។

២.ចំណែកអំពិលវិញ មានអត្ថប្រយោជន៍ច្រើនណាស់ អាចជួយទៅដុសខាត់កោសិកាចាស់ៗដែលខូចឲ្យជ្រុះចេញ។

៣.ក្រូចឆ្មារ សម្បូរជាតិអាស៊ីដធម្មជាតិ ដែលអាចចូលទៅកាត់ស្នាមខ្មៅៗដូចជាកែងដៃ ជង្គង់ ភ្នែកគោរ។

៤.ទឹកដោះគោ ជ្រាបចូលទៅបំប៉នស្បែកឲ្យស្រស់ស្អាត និងសរលោងសន្សឹមៗ៕