សុខចិត្តឈប់ធ្វើការ ហើយមកលក់សាច់ជ្រូកនៅផ្សារ ធ្វើឲ្យគេភ្ញាក់ផ្អើលគ្រប់គ្នា
- 2018-07-05 08:11:38
- ចំនួនមតិ 0 | ចំនួនចែករំលែក 0
សុខចិត្តឈប់ធ្វើការ ហើយមកលក់សាច់ជ្រូកនៅផ្សារ ធ្វើឲ្យគេភ្ញាក់ផ្អើលគ្រប់គ្នា
នេះជារូបភាពនារីដ៏ស្រស់ស្អាតម្នាក់ ដែលឈរលក់សាច់ជ្រូកនៅក្នុងទីក្រុង Liuzhou ខេត្តក្វាងស៊ី ប្រទេសចិន។ ដោយសារតែរូបសម្រស់ដ៏ទាក់ទាញរបស់នាង ធ្វើឲ្យអ្នកដើរផ្សារងាកមកមើលនាងក្នុងក្រសែភ្នែកចម្លែកដោយគិតថា ស្អាតអីចឹងមិនសមមកលក់សាច់ជ្រូកសោះ ហើយនាងត្រូវបានគេឲ្យឈ្មោះថា "អ្នកលក់សាច់ជ្រូកចែងចាំង"។
នាង វី មានអាយុ ២៦ ឆ្នាំ និងប្អូនប្រុសពីរនាក់ឈរចាំជួយលក់នៅក្នុងផ្សារ។ បងប្អូនប្រុសស្រីទាំង ៣ នាក់នេះ ធ្វើឲ្យមនុស្សម្នាមានការចាប់អារម្មណ៍យ៉ាងខ្លាំង ជាពិសេសនាងតែងស្លៀកពាក់ស្អាតបាត និងមានស្នាមញញឹមរួសរាយដាក់អ្នកទិញ។
អ្នកលក់សាច់ជ្រូក វី ដ៏មានប្រជាប្រិយភាព បានបន្តទៀតថា បន្ទាប់ពីបញ្ចប់ថ្នាក់សិក្សានៅមហាវិទ្យាល័យ នាងធ្លាប់នាំចូលគ្រឿងសម្អាង និងខោអាវសម្រាប់យកមកលក់ ប៉ុន្តែនាងគិតចង់ផ្លាស់ប្តូរមុខរបរ ដើម្បីបង្កើនប្រាក់ចំណូល។ ទោះបីជាពេលដំបូងនាងមានចិត្តស្ទាក់ស្ទើរ ប៉ុន្តែចុងក្រោយនាងបានសម្រេចចិត្ត រៀនពីការលក់សាច់ជ្រូក ផ្សាំជាមួយនឹងកាំបិត ហើយពេលខ្លះទោះបីជាមុតដៃ ឈឺចេញឈាមក៏នាងថាគ្មានបញ្ហានោះដែរ ព្រោះការរកស៊ីគឺត្រូវតែមានភាពតស៊ូ។
នាងនិយាយ " ខ្ញុំអាចសម្គាល់ថា មានមនុស្សជាច្រើនបានមើល និងមានមន្ទិលសង្ស័យមកលើខ្ញុំ ប៉ុន្តែគ្មានអ្វីត្រូវសង្ស័យនោះទេ ព្រោះនេះគឺជាការប្រឹងប្រែងរកលុយដោយផ្លូវសុចរិតត្រឹមត្រូវ"។ អ្នកលក់សាច់ជញរូកស្រស់ស្អាតខាងលើ បានបន្ថែមទៀតថា នាងក៏មិនខុសពីនារីដទៃទៀតដែរ នៅតែស្រលាញ់ការស្លៀកពាក់ស្អាតបាត ទោះបីជារវល់ហត់ ឬហត់យ៉ាងណាក៏ដោយ។ រូបសម្បត្តិ បូកផ្សំជាមួយនឹងការតស៊ូប្រឹងប្រែងជារៀងរាល់ថ្ងៃរបស់នាង បានធ្វើឲ្យមនុស្សគ្រប់គ្នាកោតសរសើរស្ញប់ស្ញែងមិនដាច់ពីមាត់ ព្រោះសព្វថ្ងៃនេះ សម្បូរតែអ្នកចង់ស្លៀកពាក់តឺនុយស្អាតទៅធ្វើការក្នុងការិយាល័យ កម្រមានអ្នកណាចង់មកប្រឡូកក្នុងទីផ្សារអីចឹងណាស់៕
ចុចអានបន្ត៖