អ្នកសិក្សា ឬអ្នកធ្វើការក៏ដោយ បើចង់ជោគជ័យត្រូវលះបង់ និងធ្វើរឿងមួយចំនួននេះ

2018-07-04 05:00:00
ចំនួនមតិ 0 | ចំនួនចែករំលែក 0

យុវជនមួយចំនួននាពេលបច្ចុប្បន្ននេះ ចង់បានជីវិតជោគជ័យ ទាំងដែលខ្លួននៅមានទម្លាប់មិនល្អខ្លះៗ។ ប្រសិនបើអ្នកពិតជាចង់ចាប់បានឱកាសមាសឱកាសប្រាក់មែន គួរតែលះបង់រឿងប៉ុន្មាននេះចោលទៅ ហើយពង្រឹងខ្លួនសម្រាប់ទទួលបានអនាគតដ៏រឹងមាំដូចខាងក្រោមនេះ៖

១.មិនសូវព្រួយពីបណ្ដាញសង្គម

មនុស្សវ័យក្មេងកំពុងរីកលូតលាស់ឡើងជាមួយបណ្ដាញសង្គម ហើយក៏ពឹងផ្អែកខ្លាំងលើស្មាតហ្វូនផងដែរ។ ប្រសិនបើអ្នកនៅតែតាមដានវាមិនឈប់ នោះអ្នកមិនអាចធ្វើបានឡើយ ព្រោះរវល់ចង់ដឹងពីរឿងផ្សេងៗនៅបណ្ដាញសង្គម។

២.លះបង់អាហារតាមផ្លូវ ឬ fast-food

ទម្លាប់មួយនេះ មិនបានធ្វើឲ្យអ្នកអាចស្វែងរកជោគជ័យបានទេ ព្រោះតែរបបអាហារដែលទិញញ៉ាំស្រាប់គ្មានជីវជាតិគ្រប់គ្រាន់ ដែលមិនអាចជួយឲ្យខួរក្បាលដំណើរការបានល្អដូចម្ហូបធ្វើខ្លួនឯង។

រូបតំណាង

**៣.ឈប់គិតថាអ្នកមិនល្អគ្រប់គ្រាន់**

«ខ្ញុំមិនស្អាត មិនល្អ មិនឆ្លាតគ្រប់គ្រាន់» បើនៅតែមានគំនិតបែបនេះ ជីវិតនឹងគ្មានភាពរីកចម្រើនតែប្រសិនអ្នកអាចមើលឃើញពីភាពវិជ្ជមាន អ្នកនឹងពេញចិត្តជាមួយខ្លួនឯង។ ជំនួសឲ្យការព្រួយបារម្ភអំពីអ្វីដែលអ្នកមិនសប្បាយចិត្ត ចូរផ្ដោតលើការអភិវឌ្ឍភាពខ្លាំងរបស់អ្នកវិញ។

៤.ឈប់បារម្ភពីការនៅលីវ

អ្នកនៅលីវមួយចំនួន បានបណ្ដោយឲ្យភាពជោគជ័យរត់ចោលខ្លួនបាត់ ព្រោះតែគិតពីរឿងស្នេហានេះពេក។ ស្នេហា គឺជាមធ្យោបាយដើម្បីធ្វើឲ្យជីវិតកាន់តែសប្បាយរីករាយ ប៉ុន្តែទោះជាអត់វាក៏អ្នកអាចទទួលបានការស្រលាញ់ពីមនុស្សជុំវិញខ្លួនបានដែរ។

៥.ឈប់ត្អូញត្អែរ

គួរយកពេលត្អូញត្អែរទៅធ្វើរឿងមានន័យសម្រាប់ជីវិត អ្នកប្រហែលជាអាចរកផ្លូវទៅកាន់ភាពជោគជ័យបានលឿនជាងមុន។

៦.រៀនបង្កើតអ្វីដែលបញ្ជាក់ថាជារបស់ខ្លួនឯង

ជាទូទៅមនុស្សទទួលបានជោគជ័យជាអ្នកបង្កើតនិន្នាការ មិនមែនជាអ្នកធ្វើតាមនិន្នាការនោះទេ។

៧.គ្រប់គ្រងជីវិតខ្លួនឯង

មនុស្សដែលចេះមើលថែខ្លួនឯងបានតាំងពីតូចៗ ប្រាកដជាមានឱកាសទទួលបានជោគជ័យច្រើនជាងអ្នកមានគេមើលថែ។ មនុស្សបែបនេះឆ្លងកាត់ និងធ្វើការសម្រេចចិត្តដោយខ្លួនឯងរហូតមក ដូចនេះពេលធ្វើអ្វីមួយ គ្មានភាពស្ទាក់ស្ទើរ។

៨.កុំធ្វើអ្វី ដើម្បីលុយ គួរកំណត់សុបិន

ពេលនៅរៀន អ្នកប្រាកដជាគិតថា រៀនចប់រកការងារមួយដើម្បីបានលុយ ហើយសម្រាប់អ្នកធ្វើការមួយចំនួនវិញ ទោះជាមិនត្រូវមុខជំនាញ ឬជាការងារក្នុងក្ដីស្រមៃក៏មិនអីដោយ ឲ្យតែបានប្រាក់ខែខ្ពស់។ ទោះជាអ្នកត្រូវការលុយយ៉ាងណាក៏ដោយ ក្រោយពេលមានការងារសមរម្យហើយ ត្រូវបន្តក្ដីស្រមៃខ្លួនវិញ ព្រោះថ្ងៃណាមួយអ្នកនឹងធុញទ្រាន់៕