សង្សារស្រលាញ់មិនបានយូរឡើយ បើអ្នកមានទម្លាប់ប្រចណ្ឌជ្រុល ៥យ៉ាងនេះ
- 2018-07-04 05:00:00
- ចំនួនមតិ 0 | ចំនួនចែករំលែក 0
សង្សារស្រលាញ់មិនបានយូរឡើយ បើអ្នកមានទម្លាប់ប្រចណ្ឌជ្រុល ៥យ៉ាងនេះ
ស្នេហាទាមទារឱ្យមានការយកចិត្តទុកដាក់ តែការយកចិត្តទុកដាក់ខ្លាំងពេកអាចឈានដល់ការឈ្លោះគ្នាបែកគ្នាក៏មាន។ វាជារឿងធម្មតាទៅហើយដែលស្រីៗចូលចិត្តប្រច័ណ្ឌហួងហែង តែបើចង់ឱ្យស្នេហាឋិតថេរគួរតែកាត់បន្ថយខ្លះ។ ទាំងនេះជាសញ្ញាខ្លះៗដែលបញ្ជាក់ថាស្រីៗគួរកាត់បន្ថយការប្រច័ណ្ឌហើយ៖
១. ផ្ញើសារជាច្រើនដើម្បីចង់ដឹងគេនៅឯណាទាំងដែលគេមិនតប
ការផ្ញើសារដើម្បីចង់ដឹងថាគេធ្វើអី នៅឯណាមិនចាំបាច់ទាល់តែផ្ញើជាប់ៗគ្នាមិនឈប់នោះទេ។ ការធ្វើបែបនេះដូចជាមិនជឿទុកចិត្តដៃគូរអ្នកពេកហើយ ពេលខ្លះគេអាចនឹងរវល់ការងារមិនបានកាន់ទូរស័ព្ទក៏ថាបាន។ បើសិនជាគេចង់ប្រាប់ ទោះអ្នកមិនផ្ញើទៅក៏គេគង់តែផ្ញើមកដែរ។
២. មិនទុកចិត្តគេទាល់តែសោះ
ការទុកចិត្តគ្នាអាចបង្ហាញចេញតាមកាយវិការរៀងរាល់ថ្ងៃ។ ហើយការទុកចិត្តគ្នាគឺសំខាន់ណាស់សម្រាប់ស្នេហា។ បើសិនជាគេធ្លាប់ក្បត់ ឬកុហកនោះ អ្នកមិនទុកចិត្តគឺត្រឹមត្រូវហើយ។ ប៉ុន្តែប្រសិនបើគេមិនដែលធ្វើអ្វីខុសធំដុំទេ អ្នកមិនទុកចិត្តគេគឺដូចជាហួសហេតុពេកហើយ។
៣. អ្នកចូលចិត្តតាមដានគេនៅក្នុងបណ្តាញសង្គម
នៅពេលដែលអ្នកបណ្តាញសង្គម តើអ្នកចូលចិត្តលេងឆាតឬតាមដានសង្សារអ្នក? បើអ្នកតាមដានជាសម្ងាត់ក៏មិនអីដែរ តែបើអ្នកតាមដានហើយរករឿងគេពីនេះពីនោះគឺមិនគួរទេ។ អ្នកមិនគួរចំណាយពេលឥតប្រយោជន៍នោះទេ។
៤. អ្នកចង់ឱ្យគេចំណាយពេលជាមួយច្រើន
ស្រីៗតែងតែចង់នៅជាមួយមនុស្សដែលខ្លួនស្រលាញ់គ្រប់ពេល។ ប៉ុន្តែពេលខ្លះវាអាចជាការរំខានជ្រុលពេកព្រោះមនុស្សប្រុសត្រូវការពេលសម្រាប់ខ្លួនឯងច្រើនជាងមនុស្សស្រី។ កុំទាមទារហួសហេតុពេក បើសិនជាគេស្រលាញ់អ្នកគេនឹងមានពេលឱ្យអ្នក។
៥. តាមស្អិតដូចតុកកែ
មិនខុសពីចង់ឱ្យគេចំណាយពេលជាមួយអ្នកនោះទេ។ ការដែលតាមគេស្អិតគេទៅណាក៏ទៅតាម គេជួបមិត្តភក្តិក៏ទៅតាមនោះគេនឹងមានអារម្មណ៍ថាអ្នកជាមនុស្សរំខានហើយចាប់ផ្តើមធុញអ្នក៕
ចុចអាន៖
ទៅមុខទៀតក៏មិនរួចដែរ នេះជាសញ្ញាប្រាប់ថាស្នេហាមួយដល់ពេលបញ្ចប់
ទុក្ខលំបាកខុសៗគ្នាដែលមនុស្សស្រីត្រូវដឹងមុនរើសបុរសណាម្នាក់ជាប្ដី