មួយជីវិតនេះអ្នកត្រូវគេចោមរោមស្រលាញ់ បើធ្វើរឿង ៧ យ៉ាងនេះបាន

2018-07-03 01:30:00
ចំនួនមតិ 0 | ចំនួនចែករំលែក 0

ចង់ឲ្យជីវិតជួបតែក្ដីសុខ អ្នកត្រូវតែធ្វើឲ្យរឿងទាំងប៉ុន្មានខាងក្រោមឲ្យបានចាប់ពីពេលនេះទៅ នោះអ្នកនឹងទៅណាមកណាមានតែមនុស្សស្រលាញ់ចូលចិត្ត និងចង់នៅក្បែរ។ រឿងទាំងនោះដូចជាមិនពិបាកធ្វើឡើយ ឲ្យតែមានចិត្ត គឺអាចធ្វើបាន៖

១.ញញឹមដាក់មនុស្សរាល់គ្នា

អ្នកដែលតែងតែមានស្នាមញញឹមនៅលើបបូរមាត់នឹងអាចផ្ដល់សេចក្ដីអំណរ និងភាពកក់ក្ដៅទៅមនុស្សនៅជុំវិញខ្លួន។ អ្នកដែលទទួលបានស្នាមញញឹមមានអារម្មណ៍ថាជិតស្និទ្ធ។

២.ការអាណិតអាសូរ

ការអាណិតអាសូរ គឺជាធាតុសំខាន់មួយនៃសេចក្ដីថ្លៃថ្នូរ។ មនុស្សដែលតែងតែយកចិត្តទុកដាក់ជាមួយមនុស្សជុំវិញខ្លួន ទទួលបានការគោរព។

៣.ចុះសម្របខ្លួន

កុំធ្វើខ្លួនតឹងតែងពេក ព្រោះធ្វើឲ្យអ្នកដទៃមិនហ៊ានមកនិយាយលេងសើចជាមួយអ្នកឡើយ។ ធ្វើខ្លួនបែបសប្បាយៗតាមគេតាមឯង អ្នកនឹងទទួលបានការស្រលាញ់ចូលចិត្តច្រើន ហើយជីវិតអ្នកក៏ស្រស់ស្រាយតាមនោះដែរ។

៤.ដាក់ខ្លួន

ដូចពាក្យចាស់ពោលថា "ងើយស្រកឱនដាក់គ្រាប់” ឃ្លានេះចង់ឲ្យមនុស្សចេះដាក់ខ្លួនកុំក្អេងក្អាងមានតែឯង បើទោះជាអ្នកពូកែមែនក៏ដោយ។ ការដាក់ខ្លួនទទួលយកសម្ដីអ្នកដទៃ ធ្វើឲ្យអ្នកកាន់តែមានគេស្រលាញ់រាប់អាន។

៥.ស្មោះត្រង់

និយាយឲ្យត្រង់ទៅ នេះជារឿងសាមញ្ញ ហើយវាក៏ជាគុណធម៌ផងដែរ។ មនុស្សដែលមិនស្មោះត្រង់ទេ គ្មាននរណាម្នាក់ចង់ប៉ះ ឬនៅជិតឡើយ។ ភាពស្មោះត្រង់នឹងទទួលបានការគោរពពីអ្នកដទៃ ដើម្បីជាជំហររឹងមាំនៅក្នុងសង្គម។

៦.ព្យាយាម

ធ្វើការងារអ្វីក៏ត្រូវមានការតាំងចិត្ត ការប្រកាន់ខ្ជាប់ខ្ជួន ការអត់ធ្មត់ និងមានស្មារតី ដើម្បីសម្រេចដល់គោលដៅ ហើយទទួលបានភាពជោគជ័យ ដូចជាសម្ដីចាស់បុរាណតែងនិយាយថា «ទឹកហូរគង់ទម្លុះថ្មបាន» ហើយ «ដែកថែបក៏អាចសំលៀងទៅជាម្ជុល»។

៧.ភាពសុចរិត

មនុស្សម្នាក់មិនអាចល្អឥតខ្ចោះទេ តែការប្រកាន់ខ្ជាប់ក្នុងខ្លួនជាមនុស្សសុចរិត និងមានមនសិការទើបជាអ្វីដែលមិនអាចខ្វះបាន។

៨.បញ្ញា

ប្រសិនបើអ្នកគ្មានវាទេ នោះអ្នកត្រូវគេកិបកេងចំណេញពីលើរហូត៕

ចុចអាន៖ចង់ឲ្យខ្លួនឯងក្លាយជាមនុស្សស្រីរឹងមាំ មិនងាយបាក់ស្បាតជាមួយបញ្ហា អនុវត្តវិធីទាំងនេះ

ប្រភព៖ bestie ប្រែសម្រួល៖ ទ្រី រ៉ាវី