អាហារ៨មុខជួយស្រ្តីផ្ទៃពោះឱ្យមានឆ្អឹងរឹងមាំល្អ

2018-07-02 03:04:24
ចំនួនមតិ 0 | ចំនួនចែករំលែក 0

កាល់ស្យូមគឺជាសារធាតុរ៉ែដែលចាំបាច់ពេលមានផ្ទៃពោះ។ ស្រ្តីម្នាក់ត្រូវការកាល់ស្យូម១២០០មីលីក្រាមក្នុងមួយថ្ងៃ។ ការផ្គត់ផ្គង់កាល់ស្យូមគ្រប់គ្រាន់នៅពេលមានផ្ទៃពោះជួយឱ្យគ្រោងឆ្អឹងទារកលូតលាស់បានល្អ។ ទាំងនេះជាអាហារដែលសម្បូរទៅដោយកាល់ស្យូមល្អៗសម្រាប់ស្រ្តីមានផ្ទៃពោះ៖

១. ក្តាមសមុទ្រ

ជាទូទៅក្តាមសមុទ្រពោរពេញទៅដោយកាល់ស្យូម ម៉ាញ៉េស្យូម អូមេហ្គា៣និងជីវជាតិដ៏ច្រើនលើសលប់សម្រាប់សុខភាពមាតានិងទារក។ លើសពីនេះទៅទៀត សារធាតុទាំងនេះជួយការពារសរសៃឈាមបេះដូងម្តាយ។ ប៉ុន្តែដាច់ខាតត្រូវចម្អិនឲ្យបានឆ្អិនល្អ និងមិនគួរញ៉ាំច្រើនពេកនោះទេ។

២. Broccoli

Broccoli ជាបន្លែបៃតងដែលល្អបំផុតសម្រាប់អ្នកត្រូវការជាតិកាល់ស្យូមច្រើន ជាពិសេសអ្នកមានគត៌។ វាសម្បូរទៅដោយកាល់ស្យូម វីតាមីនA និងC អាស៊ីតងហ្វូលិច (Folic Acid) ជាតិដែក ប៉េតាការ៉ូទីន (Beta Carotene) និងប៉ូតាស្យូម។ សារធាតុប៉ូតាស្យូមជួយដល់សាច់ដុំនិងសរសៃប្រសាទ។ រីឯប៉េតាការូទីន (Beta Carotene)ជួយការពារពោះវៀន និង លំពែងពីជំងឺមហារីក។

៣. យៅអ៊ួរ (Yogurt)

យៅអ៊ួរសម្បូរទៅដោយកាល់ស្យូមនិងប្រូតេអ៊ីនច្រើនជាងទឹកដោះគោ។ កាល់ស្យូមនៅក្នុងយៅអ៊ួរជំនួយដល់ធ្មេញ និងឆ្អឹងទារក។ វាក៏មានផ្ទុកបាក់តេរីដែលជួយដល់ប្រព័ន្ធការរំលាយអាហារ និងប្រព័ន្ធភាពស៊ាំ។ ប៉ុន្តែសម្រាប់អ្នកមានគភ៌គួរតែញ៉ាំក្រោយអាហារ១ឬ២ម៉ោង។

៤. អយស្ទ័រ

ជាធម្មតាពពួកសត្វមានសំបកច្រើនតែសម្បូរជាតិដែក Selenium ប៉ូតាស្យូមនិងកាល់ស្យូម ប៉ុន្តែអយស្ទ័រគឺសម្បូរសារធាតុនេះជាងពពួកសត្វដទៃ ។ តែអ្នកមិនត្រូវញ៉ាំញឹកញាប់ពេកទេ។

៥. ចេក

អ្នកគ្រប់គ្នាសុទ្ធតែបានដឹងហើយថាជាតិសម្បូរទៅដោយកាល់ស្យូម។ វាក៏ជួយការពារការពុកឆ្អឹង និងបង្កើនជាតិកាល់ស្យូម។

៦. គ្រាប់ធញ្ញជាតិ

គ្រាប់ធញ្ញជាតិគឺសម្បូរទៅដោយជាតិកាល់ស្យូមច្រើនជាងគេ។ ប៉ុន្តែគ្រាប់ធញ្ញជាតិក៏មានកាល់ឡូរីច្រើនផងដែរ ហេតុនេះហើយអ្នកគួរតែកំណត់ការញ៉ាំ។

៧. បង្គា

កាស្រាវជ្រាវបានឱ្យឃើញថា បង្គាស្រស់ៗគឺពោរពេញទៅដោយកាល់ស្យូមច្រើនបំផុត។ បង្គាមួយខាំមានកាល់ស្យូមប្រហែល៨៨២មីលីក្រាម។ ហេតុនេះហើយម្តាយគ្រប់រូបមិនគួរមើលរំលងនោះទេ។