រឿងដែលកូនប្រសាស្រីគួរធ្វើ និងមិនគួរធ្វើ ជាមួយគ្រួសារខាងប្តី

2018-06-22 05:30:00
ចំនួនមតិ 0 | ចំនួនចែករំលែក 0

ពេលអ្នករៀបការរួច អ្នកមិនមែនមានគ្រួសារតែមួយដូចកាលពីមុននោះទេ គ្រួសារខាងប្តីដែលជាគ្រួសារទី២ នឹងចូលមកជាចំណែកមួយដ៏សំខាន់ នៅក្នុងជីវិតរបស់អ្នក ដូច្នេះហើយបានជាអ្នកត្រូវមានទំនាក់ទំនងល្អ មិនមែនត្រឹមតែជាមួយឪពុកម្តាយក្មេកនោះទេ សូម្បីជាមួយសាច់ថ្លៃក៏ដោយ ត្រូវដឹងពីអ្វីដែលគួរធ្វើ អ្វីដែលមិនគួរ ដើម្បីការពារកុំឲ្យមានភាពរកាំរកូស ឬជម្លោះផ្សេងៗ ដែលអាចនាំឲ្យប៉ះពាល់ដល់ចំណងអាពាហ៍ពិពាហ៍របស់អ្នក។

#១

អ្វីដែលគួរ៖ ដឹងថាប្តីរបស់អ្នក ត្រូវជាអ្វីនឹងឪពុកម្តាយសាច់ថ្លៃ។

អ្វីមិនគួរ៖ គិតថាការប្រាស្រ័យទាក់ទងក្នុងគ្រួសារខាងប្តី ដូចគ្នាទាំងស្រុងជាមួយគ្រួសារអ្នក ព្រោះក្នុងគ្រួសារនិមួយៗតែងមានទម្លាប់ និងរបៀបរស់នៅខុសៗគ្នា។

#២

អ្វីដែលគួរ៖ ប្រើពេលដើម្បីស្គាល់និងស្វែងយល់ពីចិត្តសាច់ថ្លៃ បើរស់នៅឆ្ងាយពីគ្នា ត្រូវចេះទូរសព្ទទៅលេង ឬផ្ញើសារសួរសុខទុក្ខ។

អ្វីមិនគួរ៖ មានៈមិនព្រមសម្របខ្លួន និងយល់ស្របអ្វីដែលធ្លាប់តែអនុវត្តនៅក្នុងគ្រួសារខាងប្តី។

#៣

អ្វីដែលគួរ៖ សួរប្តីអ្នក ពីពត៌មានរបស់ម្តាយក្មេក ថាតើអ្វីដែលគាត់ចូលចិត្ត អ្វីគួរទិញជូនគាត់ អ្វីមិនគួរនិយាយនៅមុខគាត់ នោះអ្នកអាចយល់ពីចិត្តគាត់កាន់តែច្បាស់ និងមិនសូវមានកំហុស។

អ្វីមិនគួរ៖ រិះគន់គ្រួសារខាងប្តី បើមានឆ្ងល់ត្រង់ណា ត្រូវចេះសួរនាំនិងស្វែងរកការពន្យល់បន្ថែម។

#៤

អ្វីដែលគួរ៖ ចេះគួរសម និងរួសរាយរាក់ទាក់ជាមួយបងសាច់ញាតិទាំងអស់គ្នា ដោយមិនប្រកាន់ថា អ្នកណាមាន អ្នកណាក្រឡើយ។

អ្វីមិនគួរ៖ មានរឿងលាក់ក្នុងចិត្ត មិននិយាយចេញ ប៉ុន្តែចង់ឲ្យគេយល់។ ធ្វើបែបនេះ អ្នកនឹងបង្កើត ការភាន់ច្រឡំកាន់តែច្រើនឡើង។

#៥

អ្វីដែលគួរ៖ មុនធ្វើអ្វីមួយ ត្រូវដឹងថា រឿងនោះវាល្អសម្រាប់អ្នកផង និងសម្រាប់ប្តីផង ហើយមិនប៉ះពាល់ដល់គ្រួសារទាំងសងខាង។

អ្វីមិនគួរ៖ មិនសូវបានគិតនិងនិយាយស្តីរកស្វាមី ពេលបានជួបជុំជាមួយគ្រួសារសាច់ញាតិរបស់ខ្លួន។ ទោះរវល់ជាមួយបងប្អូន ប៉ុន្តែកុំទុកប្តីចោល។

#៦

អ្វីដែលគួរ៖ ពេលត្រូវចេញទៅដើរលេង ឬចូលហាងញ៉ាំអី ត្រូវធ្វើអ្វីស្រួលៗ លឿនៗដើម្បីកុំឲ្យអូសបន្លាយពេលយូរ ក្នុងការរង់ចាំតែយើងម្នាក់។

អ្វីមិនគួរ៖ កុំខ្លាច ក្នុងការសួរនាំប្តីពីហេតុផល ដែលអាចនាំឲ្យអ្នកទាំងពីរអស់ចិត្តពីគ្នា។ សួរបែបនេះ មិនមែនបានន័យថាមិនល្អនោះទេ ប៉ុន្តែវាប្រៀបដូចជាវ៉ាក់សាំងការពារ កុំឲ្យស្តាយក្រោយនៅពេលអ្វីៗបានកន្លងហួស។