វិធីធ្វើម៉ាសបិទភ្នែកងាយៗ ដើម្បីព្យាបាលការធ្លាក់ ដក់ខ្មៅក្រោមភ្នែក

2018-06-21 03:15:00
ចំនួនមតិ 0 | ចំនួនចែករំលែក 0

សម្រាប់អ្នកដែលរវល់ខ្លាំង ឬចូលគេងយប់ជ្រៅនោះ ប្រាកដណាស់នឹងជួបរឿងធ្លាក់ភ្នែក ដក់ខ្មៅក្រោមភ្នែកនេះមិនខាន។ យ៉ាងណាក៏ដោយទោះមិនបានថែទាំដិតដល់ក៏អ្នកមិនគួរមិនរវល់សោះដែរ ដូច្នេះវិធីស្រោចស្រង់អ្នកត្រូវតែមាន។ ខាងក្រោមនេះជាវិធីធ្វើម៉ាសធម្មជាតិងាយៗ ៣មុខដែលអាចជួយឲ្យភ្នែកដែលមានបញ្ហាមិនស្អាតនោះ ត្រឡប់មកតឹងណែន ស្អាតវិញ ៖

១. ម៉ាសត្រសក់

យកត្រសក់មួយផ្លែចិតជាចំណិតៗ ហើយដាក់ក្នុងម៉ាស៊ីនក្រឡុក ជាមួយទឹកបន្តិច រួចក្រឡុកឲ្យម៉ត់។ ដួសដាក់ចានតូចមួយហើយយកទៅក្លាសេឲ្យបាន ៣០នាទី។ បន្ទាប់មកអាចយកសំឡី ឬក្រណាត់ស្ដើងមកជ្រលក់ រួចយកមកលាបក្រោមភ្នែកថ្នមៗ។ ទុកពី ១៥ទៅ ២០នាទី សឹមលាងសម្អាត។ អ្នកអាចធ្វើវាបានជារៀងរាល់ថ្ងៃ ឬ៣ដងក្នុងមួយអាទិត្យក៏បាន។

២. ម៉ាសប្រទាលកន្ទុយក្រពើ ជាមួយការ៉ុត

យកស៊ុតផ្នែកពណ៌សមួយស្លាបព្រា លាយទឹកការ៉ុតមួយស្លាបព្រា និងប្រទាលកន្ទុយក្រពើមួយស្លាបព្រា កូរឲ្យចូលគ្នាសព្វល្អ រួចយកមកម៉ាស្សាក្រោមភ្នែកថ្នមៗ។ ទុកពី១០ ទៅ ១៥នាទី សឹមលាងចេញ។ វិធីនេះអាចធ្វើបាន ៣ដងក្នុងមួយសប្ដាហ៍។

៣. ម៉ាសគីវី និងយ៉ាអួ

យកសាច់ផ្លែវីគីមួយស្លាបព្រា លាយជាមួយយ៉ាអួ២ស្លាបព្រា រួចក្លាសេទុក១០នាទី។ បន្ទាប់មករកមកលាប ឬម៉ាស្សាថ្នមៗក្រោមភ្នែកដែលដក់ ខ្មៅនោះ ឲ្យបាន ១០ទៅ១៥នាទី សឹមលាងទឹកចេញ។ ដោយសារតែសារធាតុទាំងនេះសម្បូរទៅដោយវីតាមីន K និង C ដែលជួយលុបបំបាត់ស្នាមខ្មៅ និងធ្វើឲ្យភ្នែកមានសំណើម និងធ្លាក់ជ្រួញ។