៣វិធីកម្ចាត់រោមពុកមាត់នារីៗបានងាយ មានប្រសិទ្ធភាព អាចធ្វើបាននៅផ្ទះ
- 2018-06-20 08:28:21
- ចំនួនមតិ 0 | ចំនួនចែករំលែក 0
៣វិធីកម្ចាត់រោមពុកមាត់នារីៗបានងាយ មានប្រសិទ្ធភាព អាចធ្វើបាននៅផ្ទះ
ស្រីៗមានផ្ទៃមុខសសរនិងបបូរមាត់ពណ៌ផ្កាឈូកគឺពិតជាស្អាតគួរឲ្យគយគនណាស់ ប៉ុន្តែបើលើមាត់មានដុះពុកមាត់វិញនិងមើលទៅអាក្រក់មើលខ្លាំង។
ជាទូទៅស្រីៗដែលមានរោមចិញ្ចឹមក្រាស់តែងតែមានពុកមាត់ ហើយគ្រប់គ្នាតែងបង្អាប់ដែលធ្វើឲ្យនាងបាត់បង់ភាពជឿជាក់លើខ្លួនឯង។ ដូច្នេះហើយ ៣ វិធីខាងក្រោមមានប្រសិទ្ធភាពខ្ពស់កម្ចាត់រោមពុកមាត់នោះ។
វិធីទីមួយ៖ ស្ករស
ស្ករសរមិនត្រឹមតែជួយកម្ចាត់រោមពុកមាត់ប៉ុណ្ណោះទេ តែវាមិនធ្វើឲ្យឈឺនិងបង្ការមិនឲ្យដុះរោមឡើងវិញទៀតផង។
វិធីធ្វើ៖
ចាក់ស្ករមួយស្លាបព្រាកាហ្វេ ទៅក្នុងខ្ទះរួចបើកភ្លើងកម្ដៅឲ្យរលាយរយៈពេលមួយនាទី។
ទុកឲ្យត្រជាក់មួយសន្ទុះសឹម យកលាបលើរោមពុកមាត់។
បកស្ករដែលស្អិតជាមួយរោមពុកមាត់ចេញ រួចជូតត្រង់កន្លែងបកដោយទឹកត្រជាក់។
វិធីទីពីរ៖ ម្សៅរមាតនិងទឹកដោះគោ
គ្រឿងផ្សំទាំងពីរនេះ ជួយធ្វើឲ្យរោមពុកមាត់ជ្រុះបាត់អស់ ហើយថែមទាំងមិនធ្វើឲ្យបរិវេណនោះជាំខ្មៅទៀតផង។
របៀបធ្វើ៖
លាយម្សៅរមាត១ស្លាបព្រាកាហ្វេ ជាមួយទឹកដោះគោមួយស្លាបព្រាកាហ្វេ។
លាបល្បាយនោះនៅលើរោមពុកមាត់ទុក២០នាទី ចាំជូតចេញ។
រូបមន្តនេះអ្នកគូរតែធ្វើរាល់ថ្ងៃដើម្បីប្រសិទ្ធភាព។
វិធីទី៣៖ ផ្នែកសរនៃពងមាន់
ផ្នែកសរនៃពងមាន់មិនត្រឹមតែមានប្រសិទ្ធភាពខ្ពស់នោះទេតែថែមទាំងជួយធ្វើឲ្យសាច់មុខទន់ល្មើយទៀតផង។
របៀបធ្វើ៖
គោះពងមាន់ហើយយកតែផ្នែកស។
លាបត្រង់រោមពុកមាត់ ទុកឲ្យស្ងួត ប្រហែល ៣០នាទី សឹមលាងចេញ។
ធ្វើបែបនេះ ២ដងក្នុង១សប្ដាហ៍ដើម្បីទទួលបានលទ្ធផល៕
ចុចអាន៖កុំឲ្យខ្ទេចមុខទាន់! មកដឹងអាយុកាលគ្រឿងសម្អាងនានាដែលអ្នកត្រូវរើបោះចោល
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
