អ្នកធ្លាប់ជួបបានយល់! អាការៈប្លែកៗរបស់មនុស្សដែលលង់ស្រឡាញ់គេតែម្នាក់ឯង

2018-06-19 08:10:00
ចំនួនមតិ 0 | ចំនួនចែករំលែក 0

បើអ្នកមិនធ្លាប់លង់ស្រឡាញ់គេតែឯងច្បាស់ជាមិនជឿទេថា មានភាពងប់ងុលខ្លាំងដល់ថ្នាក់ហ្នឹង តែបើធ្លាប់ជួបវិញច្បាស់ជាយល់ ហើយអាណិតអ្នកដែលលួចស្រឡាញ់គេនោះ។ មិនបាច់ដល់មួយម៉ោងទេ គ្រាន់តែចោលភ្នែកឃើញម្នាក់ហ្នឹងភ្លាម គឺអ្នកមានអារម្មណ៍ស្រឡាញ់បាត់ទៅហើយ ម្យ៉ាងទៀតមិនបាច់សួររកហេតុផលទេ គឺដឹងត្រឹមម្នាក់ហ្នឹងល្អឥតខ្ចោះ។ អាការៈប្លែកៗដូចខាងក្រោមនេះនឹងចេញមក នៅពេលអ្នកលង់ស្រឡាញ់អ្នកណាម្នាក់ខ្លាំងតែម្នាក់ឯង ហើយច្បាស់ណាស់អ្នកមិនអាចប្រកែកវាឡើយ ៖

១. បេះដូងលោតញាប់ខុសធម្មតា

ពេលខ្លះមិនបាច់ទាល់តែនៅជិតគេបានបេះដូងលោតញាប់ទេ ជួនកាលគ្រាន់តែគេផ្ញើសារមក ឬក៏ញញឹមដាក់ហ្នឹងក៏អរចង់បាក់កដែរ។ អ្នកនឹងមានអារម្មណ៍ប្លែកជាមួយមនុស្សម្នាក់នោះដែលពីមុនមិនធ្លាប់មានជាមួយអ្នកណា ហើយការដែលបេះដូងលោតញាប់បែបនេះគឺជាសញ្ញាប្រាប់ថាម្នាក់នោះហើយដែលបេះដូងត្រូវការ។

រូបតំណាង

**២. ក្លាយជាមនុស្សចេះញញឹមច្រើនជាងមុន**

សុខៗអង្គុយញញឹមតែម្នាក់ឯងក៏មាន ហើយពេលខ្លះមើលតែទូរស័ព្ទក៏មានអារម្មណ៍ថាពិភពលោកនេះស្រស់ស្រាយដែរ។ អ្នកចាប់ផ្ដើមមានសេចក្ដីសុខតែឯងនៅពេលបានឃើញមុខគេ ឬបានឆ្លងឆ្លើយសារជាមួយគេ ឬពេលមើលរូបថតគេតែឯងក៏មាន។

៣. ក្លាយជាមនុស្សអៀនប្រៀនច្រើន

អាចនិយាយបានថានិយាយច្រើនតែនៅក្នុង Chat តែបើជួបគ្នានៅក្រៅវិញអីក៏និយាយមិនចេញ បានត្រឹមតែអឹមអៀម។ នេះមិនមែនមកពីអ្នកអៀនពីធម្មជាតិទេ តែពេលអ្នកលង់ស្រឡាញ់អ្នកណាម្នាក់អាការៈនេះនឹងកើតមានឯងៗ។ អ្នកពេលខ្លះមានពាក្យជាច្រើនចង់និយាយប្រាប់គេ តែជំនួសមកវិញនូវការញញឹម ងក់ក្បាលតែប៉ុណ្ណឹង។

៤. ក្លាយជាកំពូលអ្នកស្រមើស្រមៃ

ស្អីក៏ស្រមៃចេញដែរ ទាំងពេលខ្លះអត់អាចកើតឡើងក៏មាន។ ស្រមៃថាគេជារបស់ខ្លួនឯង ស្រមៃថាបានផ្អែមល្ហែមជាមួយគេ ហើយតែងស្រមៃថាគេក៏ស្រឡាញ់ខ្លួនឯង។ លើសពីនេះពេលខ្លះ ដេកកើតទុក្ខតែឯងដោយស្រមៃថាគេកំពុងនៅជាមួយអ្នកផ្សេង គេអត់ចាប់អារម្មណ៍អ្នកវិញទេ ហើយគេធុញអ្នកជាដើម ទាំងទាំងនោះមិនទាន់បាននឹងកើតឡើងផង។

រូបតំណាង

៥. រកវិធីសាស្ត្រគ្រប់យ៉ាងដើម្បីបាននិយាយជាមួយគេ ឬឃើញមុខគេ

ក្លាយជាអ្នកវិភាគ និងរកគ្រប់មធ្យោបាយដើម្បីតែបាននិយាយជាមួយគេ ឬក៏បានឃើញមុខគេ។ អ្នកចាប់ផ្ដើមចេះតាមដានរាល់សកម្មភាពគេ ហើយតែងរកលេសនេះ លេសនោះឲ្យតែបានទាក់ទងជាមួយគេ។ អ្នកសឹងតែមិនជឿថាខ្លួនឯងក្លាយជាបែបនេះ ព្រោះពីមុនធ្លាប់តែជាមួយដែលមិនខ្វល់ខ្វាយជាមួយអ្នកណាទាំងអស់។

៦. មុនធ្វើអីសុទ្ធតែមានបំណងឲ្យគេឃើញ ឲ្យគេដឹង

ធ្លាប់តែអត់សូវ Post រូបលើ Facebook ឬ Instagram បែរជាឥលូវចេះ post ចេះ check-in នេះមិនមែនអ្នកចង់ខ្លួនឯងទេ តែគ្រាន់តែចង់ឲ្យគេឃើញតែប៉ុណ្ណោះ។ ហើយបើរូបមិនស្អាត គឺមិន Post ជាដាច់ខាត។

៧. ដេក ដើរ ឈរ អង្គុយ ត្រូវតែមានទូរស័ព្ទជាប់ខ្លួន

ទូរស័ព្ទជាមិនហ៊ានដាក់ឆ្ងាយពីខ្លួនទេ ព្រោះខ្លាចជា Chat មកមិនដឹង អីចឹងហើយត្រូវជាប់ដៃរហូត។ ពេលខ្លះអ្នកផ្សេង Chat មកសោះ ក៏ស្ទុះទៅមើលចង់បាក់ក ព្រោះគិតថាជាគេ ហើយចុងក្រោយក៏ Sad តែឯង។