៧យ៉ាងមនុស្សស្រីត្រូវចាំ ពេលទទួលយកបុរសណាម្នាក់ ព្រោះកុំឲ្យខកចិត្តទៅថ្ងៃក្រោយ

2018-06-08 02:26:46
ចំនួនមតិ 0 | ចំនួនចែករំលែក 0

មួយជីវិតនេះតើមានមនុស្សស្រីណាដែលថាមិនចង់បានបុរសល្អម្នាក់ធ្វើជាដៃគូនោះ ប៉ុន្តែអ្នកត្រូវចាំថាមនុស្សយើងមិនអាចពូកែគ្រប់ដប់ ល្អគ្រប់យ៉ាងនោះទេ។ ៧យ៉ាងខាងក្រោមនេះមនុស្សស្រីត្រូវចាំមុនពេលទទួលយកបុរសណាម្នាក់ ព្រោះបើមិនអីចឹងទេអ្នកនឹងអាចខកចិត្ត និងឈឺចាប់នៅថ្ងៃក្រោយ៖

១. កុំរំពឹងថាគេអាចធ្វើឲ្យអ្នកសប្បាយចិត្ត សើច និងកក់ក្ដៅគ្រប់ពេលព្រោះពេលខ្លះគេក៏មិនសប្បាយចិត្តខ្លួន គេក៏ខ្វះភាពកក់ក្ដៅដែរ។ បើអាចជួយផ្ដល់ភាពរីករាយ និងភាពកក់ក្ដៅឲ្យគេវិញផងព្រោះមនុស្សប្រុសក៏ត្រូវការវាដូចគ្នា។

២. កុំរំពឹងថាឲ្យគេផ្លាស់ប្ដូរដើម្បីអ្នកច្រើនពេក ព្រោះគេក៏ចង់បានអ្វីដែលជារបស់ខ្លួនដែរ។ ស្រឡាញ់មនុស្សម្នាក់គួរស្រឡាញ់អ្វីដែលគេមាន មិនមែនស្រឡាញ់គេដើម្បីឲ្យគេផ្លាស់ប្ដូរតាមអ្វីដែលអ្នកចង់បាននោះទេ។

៣. កុំរំពឹងថាគេល្អឥតខ្ចោះព្រោះគេគ្រាន់តែជាមនុស្សប្រុសសាមញ្ញម្នាក់ប៉ុណ្ណោះ។ គេមិនមែនជាតួប្រុសដ៏សង្ហានៅក្នុងកុនឡើយ ហើយក៏មិនមែនជាទេវបុត្រនៅក្នុងរឿងនិទានដែរ ដូច្នេះគេមិនអាចល្អដូចអ្វីដែលអ្នកមើលក្នុងកុន ឬក្នុងរឿងប្រលោមលោកដែរ។

រូបតំណាង

៤. កុំរំពឹងឲ្យគេគោរពតាមចិត្តរបស់អ្នកគ្រប់រឿងពេក ព្រោះពេលខ្លះគេក៏ចង់ឲ្យអ្នកគោរពតាមការសម្រេចគេដូចគ្នា។ អ្វិដែលល្អគឺមិនមែនឲ្យម្នាក់ធ្វើតាមម្នាក់ទេ តែត្រូវពិភាក្សា និងសម្របខ្លួនជាមួយគ្នា។

៥. កុំរំពឹងឲ្យគេយល់ពីអ្នកបានគ្រប់រឿងទាំងអស់ ព្រោះគេមិនមែនទេវតាដែលដឹងរឿងគ្រប់យ៉ាងឡើយ។ បើមានរឿងអីគួរតែនិយាយគ្នា គួរតែប្រាប់គេបីអ្វីដែលខ្លួនកំពុងគិត មិនមែនអង្គុយចាំតែខឹង ចាំតែងរនោះទេ។

៦. កុំរំពឹងឲ្យគេអាចលួងអ្នក ទ្រអ្នកបានគ្រប់ពេលនោះ ព្រោះពេលខ្លះគេក៏ចេះហត់ដែរ។ ទម្លាប់ចាំតែឲ្យគេលួង គេតាមទ្រនេះហើយដែរជាដើមហេតុធ្វើឲ្យមនុស្សប្រុសជាច្រើនដើរចេញ។

៧. កុំរំពឹងឲ្យគេអាចមើលថែអ្នកបានជានិច្ចអី ព្រោះគេក៏ត្រូវការមើលថែខ្លួនឯងដែរ។ គេនៅមានការងារច្រើនទៀតដែលត្រូវធ្វើ ដូច្នេះអ្នកគួរតែចេះមើលថែខ្លួនឯងខ្លះ មិនមែនធ្វើខ្លួនដូចកូនក្មេងខ្វះអ្នកមើលថែមិនបាននោះទេ។

រូបតំណាង

ចង់ស្រឡាញ់គ្នាឲ្យបានយូរអង្វែង គ្មានអ្វីល្អជាងការទទួលយក ការអធ្យាស្រ័យគ្នា និងការផ្ដល់ពេលវេលាឲ្យគ្នានោះទេ។ រឿងខ្លះក៏ល្អ រឿងខ្លះក៏ល្វីង ដូច្នេះម្នាក់ៗត្រូវមានការអត់ធ្មត់ជាច្រើន៕

ចុចអាន៖កុំប្រញាប់ស្រឡាញ់នរណាម្នាក់អី បើអ្នកនៅតែមានរឿងនេះជាប់នឹងខ្លួន

អត្ថបទ៖ ផេង ផលធិតា