កុំប្រញាប់ស្រឡាញ់នរណាម្នាក់អី បើអ្នកនៅតែមានរឿងនេះជាប់នឹងខ្លួន

អង្គារ, 5 មិថុនា 2018 09:49
ចំនួនមតិ 0 | ចំនួនចែករំលែក 0

ការស្រឡាញ់គ្នាត្រូវតែមានហើយ តែបើពេលខ្លះអ្នកអាចទុកឱកាសឲ្យខ្លួនឯងនៅម្នាក់ឯងបានយូរក៏ល្អដែរ។ អ្វីដែលសំខាន់ជាងនេះទៀតបើអ្នកមើលខ្លួនឯងថានៅមានចំណុចនេះនៅជាប់ខ្លួននៅឡើយទេ កុំប្រញាប់ស្រឡាញ់នរណាអី ព្រោះលទ្ធផលគឺមិនសូវល្អឡើយ៖

១. អ្នកម្នាក់ឯងមកជាយូរហើយ

មានមនុស្សជាច្រើនគិតថាការនៅម្នាក់ឯង ពិតជាឯកាណាស់ តែការពិតម្នាក់ឯងមិនមែនមានន័យថាឯកានោះទេ។ បើអ្នកនៅម្នាក់ឯងជាយូរមកហើយ អ្នកមិនចាំបាច់ស្រឡាញ់អ្នកណាក៏បាន ព្រោះបែបនេះអាចឲ្យអ្នករីករាយជាងពេលអ្នកមាននរណាម្នាក់។ អ្នកអាចទៅណាមកណាយ៉ាងល្អដោយមិនចាំបាច់មានសម្ពាធពីអ្នកណាទាំងអស់ ហើយក៏មិនចាំបាច់ពិបាកចិត្តជាសង្សារដែរ។ ពេលមានស្នេហាគឺមានបញ្ហាច្រើនណាស់នឹងរត់មករកអ្នក ដូច្នេះបើអ្នកទម្លាប់ជាមួយជីវិតម្នាក់ឯងហើយ គួរតែបន្តទៅទៀតតាមតែអាចធ្វើបាន។

រូបតំណាង

**២. អ្នកនៅជាប់ជំពាក់ជាមួយអតីតកាល**

បើអ្នកនៅតែរស់នៅជាមួយអតីតកាល គួរកុំទទួលយកអ្នកណាអីព្រោះអ្នកនឹងធ្វើបាបចិត្តមនុស្សម្នាក់ទៀតដែលស្រឡាញ់អ្នក។ ត្រូវចាំថាអតីតកាលមិនអាចមកមករស់នៅជាមួយបច្ចុប្បន្នទេ ព្រោះធ្វើបែបនេះនឹងមានមនុស្សឈឺចាប់កាន់តែច្រើន។ ព្យាបាលខ្លួនឲ្យជាពីរបួសពីមុនសិនសឹមដាក់ចិត្តស្រឡាញ់នរណាម្នាក់ទៀត ព្រោះបើនៅតែឈឺវានឹងតាមលងអ្នក ហើយធ្វើឲ្យអ្នកខ្លាចមិនអាចសប្បាយចិត្តនឹងពេលវេលាដែលអ្នកមានទេ។

៣. អ្នកនៅមិនទាន់រកឃើញមនុស្សដែលត្រូវចិត្ត

បើម្នាក់នោះមិនមែនជាមនុស្សដែលអ្នកចង់បានទេ កុំស្រឡាញ់គេអី កុំមានស្នេហាអីល្អជាង ព្រោះមិនយូរទេអ្នកនឹងដើរចេញ។ នៅពេលអ្នកទទួលអ្នកណាដែលខុសពីអ្វីដែលខ្លួនចង់បាន នោះមិនមែនជារឿងពិតប្រាកដសម្រាប់អ្នកទេ។ បដិសេធន៍គេទៅបើគេនោះមិនមែនជាប្រភេទដែលអាចកាន់ដៃអ្នកទៅដល់ជីវិតចុងក្រោយទេ កុំបោកចិត្តគេ ហើយក៏កុំបង្ខំខ្លួនឯងឲ្យរស់នៅជាមួយមនុស្សដែលខ្លួនមិនចង់នៅ។

រូបតំណាង

៤. អ្នកមិនទាន់ត្រៀមខ្លួនហើយ

ធ្លាប់គិតអត់ថាពេលស្រឡាញ់អ្នកណាម្នាក់អាចនឹងឈឺចាប់? ហើយអ្នកធ្លាប់ត្រៀមខ្លួននៅបើពេលនោះមកដល់? អ្នកធ្លាប់ត្រៀមខ្លួនទទួលយកចំណុចមិនល្អដែលគេមានអត់? អ្នកត្រៀមខ្លួននៅពេលដែលទៅណាមកណាអ្នកត្រូវប្រាប់គេគ្រប់ពេល ទៅណាជាមួយមនុស្សភេទផ្ទុយគ្នាក៏ពិបាក ចង់មានសេរីភាពខ្លះក៏ពិបាក។ បើអ្នកត្រៀមហើយនោះអ្នកអាចមានស្នេហាបានហើយ តែបើនៅគួរតែនៅម្នាក់ឯងទៀតទៅ។

៥. អ្នកជាមនុស្សមិនសូវចេះខ្វល់ ចេះទ្រ ចេះលួង

បើមិនសូវពូកែ ឬមិនចេះសោះនោះក៏មិនកើតដែរ ព្រោះរវាងមនុស្ស២នាក់ត្រូវមានការលួងលោម ការខ្វល់ខ្វាយច្រើន ដូច្នេះបើអ្នកមិនអាចសម្របខ្លួននឹងរឿងទាំងនេះទេ មិនយូរឡើងវាក៏រលាយដែរ។ ចិត្តធ្ងន់ អត់ធ្មត់ អភ័យត្រូវតែមានបើអ្នកចង់ឲ្យមនុស្ស២នាក់នៅជាមួយគ្នាបានយូរអង្វែង។