មានរឿងឈឺចាប់រត់មករកអ្នកច្រើនពេក គួរតែប្រើវិធីនេះដើម្បីសម្រាកខ្លះ

2018-06-04 04:29:10
ចំនួនមតិ 0 | ចំនួនចែករំលែក 0

មានអារម្មណ៍ថាហត់ណាស់មែនទេជាមួយជីវិតរាល់ថ្ងៃ? អស់ពីរឿងមួយចូលរឿងមួយ ហើយវិបត្តិផ្លូវចិត្តក៏កាន់តែកើនឡើងមិនស្រកសោះ។ បើកំពុងមានអារម្មណ៍ថាហត់នឿយខ្លាំង គួរតែសាកវិធីនេះដើម្បីបន្ធូរការស្មុគស្មាញខ្លះ៖

១. ចេញទៅមើលពិភពលោកខាងក្រៅ

គួរតែចំណាយពេលដើរចេញទៅក្រៅ មើលការរស់នៅផ្សេងៗដែលអ្នកមិនធ្លាប់ជួប ធ្វើដំណើរទៅកន្លែងដែលអ្នកមិនទាន់បានទៅ និងរស់នៅជាមួយជីវភាពដែលអ្នកមិនធ្លាប់ស្គាល់។ ពេលនោះអ្នកនឹងលែងមានអារម្មណ៍ថាហាត់នឿយជាមួយជីវិតទៀតហើយ ព្រោះពេលខ្លះអ្នកអាចរកឃើញអ្វីមួយដែលជាកម្លាំងចិត្តសម្រាប់ជីវិតអ្នកទៀតផង។

រូបតំណាង

**២. ល្អចំពោះខ្លួនឯង**

ដកខ្លួនចេញពីរឿងរ៉ាវដែលមិនល្អដើម្បីយកពេលមើលថែខ្លួនឯង និងធ្វើអ្វីដែលអ្នកចង់ធ្វើដើម្បីឲ្យខួរក្បាល និងចិត្តជ្រះស្រឡះ។ មានរឿងខ្លះបំភ្លេចបានគួរតែបំភ្លេច ព្រោះទោះចាំក៏គ្មានអីល្អដែរក្រៅពីពេញតែខួរក្បាល និងកើតទុក្ខប៉ុណ្ណោះ

៣. សាកល្បងអ្វីដែលថ្មី

ធ្លាប់ហែលទឹកអត់? ធ្លាប់ទៅណាមកណាតែម្នាក់ឯងអត់? បើនៅអ្នកគួរតែសាកព្រោះវាអាចជួយអ្នកបានច្រើនណាស់ក្នុងការបន្ធូរភាពស្មុគស្មាញចេញពីជីវិត។ វាអាចឲ្យអ្នកមានអារម្មណ៍ថាប្លែក និងអាចរកឃើញរសជាតិជីវិតបានច្រើនជាងពេលអ្នកចំណាយតែក្នុងរឿងដដែលៗ។

រូបតំណាង

៤. ប្រើពេលចុងសប្ដាហ៍របស់អ្នកឲ្យមានតម្លៃ

ប្រហែលពេញមួយសប្ដាហ៍នេះអ្នកចំណាយថាមពល ចំណាយខួរក្បាលច្រើនពេកហើយ ដូច្នេះគួរតែសម្រាកហើយ មិនគួរយកពេលទៅគិតរឿងការងារ រឿងអត់ប្រយោជន៍ទៀតនោះទេ គួរតែចំណាយពេលនេះ ទៅលំហែកាយ ដើរផ្សារ មើលកុន ហែលទឹក ច្រៀង រាំ ដើម្បីយកកម្លាំងបន្តនៅក្នុងថ្ងៃបន្ទាប់ទៀត។

៥. ដើរចេញពីកន្លែង និងមនុស្សដែលអ្នកមិនចង់ជួប

គេចបានគួរតែគេច ព្រោះពេលដែលជួបមនុស្សដែលអ្នកមិនចង់ជួបវាគ្មានបានអីមកវិញក្រៅពីការមិនសប្បាយចិត្តនោះទេ។ ម្យ៉ាងទៀតបើកន្លែងនោះជាកន្លែងដែលអ្នកមិនចង់នៅ គួរតែចាកចេញបើអាច កុំទ្រាំរហូតដល់អ្នកស្អប់ពិភពលោកនេះទាំងមូល។