កំហុសឆ្គងទាំង ៤ របស់អ្នកពាក់ស្បែកជើង អាចបណ្ដាលឲ្យមានគ្រោះថ្នាក់ដល់ជីវិត
- 2018-05-31 05:00:00
- ចំនួនមតិ 0 | ចំនួនចែករំលែក 0
កំហុសឆ្គងទាំង ៤ របស់អ្នកពាក់ស្បែកជើង អាចបណ្ដាលឲ្យមានគ្រោះថ្នាក់ដល់ជីវិត
ពេលខ្លះអ្នកដែលមិនយកចិត្តទុកដាក់ថែរក្សាជើងឲ្យបានស្អាតបាតឡើយ ហើយវាអាចមានបញ្ហាច្រើនរហូតប៉ះពាល់ដល់សុខភាពទៀតផង។ ដើម្បីការពារជើងរបស់អ្នក ជៀសឲ្យឆ្ងាយពីកំហុសឆ្គងផ្សេងៗទាំងនេះ ព្រោះអាចបណ្ដាលឲ្យមានគ្រោះថ្នាក់ដល់សុខភាពបាន៖
១.ពាក់ស្បែកជើងឃ្លុបមិនពាក់ស្រោមជើង
មនុស្សមួយចំនួនមានទម្លាប់ពាក់ស្បែកជើង ប៉ុន្តែមិនពាក់ស្រោមជើង។ កន្លងមកធ្លាប់មានករណីក្មេងប្រុសអាយុ ១២ ឆ្នាំម្នាក់បានស្លាប់ បន្ទាប់ពីជើងហើមរហូតធ្វើឲ្យមានការឆ្លងមេរោគ។ មូលហេតុព្រោះមិនពាក់ស្រោមជើង។
ជើងរបស់អ្នកងាយរងគ្រោះនៅពេលមិនពាក់ស្រោមជើង ជាពិសេសនៅរដូវក្ដៅ ព្រោះញើសជារឿយៗបង្កើតបានជាបាក់តេរី និងផ្អឹបទុក ដូច្នេះវាអាចនាំឲ្យមានក្លិន និងបញ្ហាច្រើនយ៉ាងទៀត។ លើសពីនេះទៀតជើងសើមអាចឲ្យបាក់តេរីអភិវឌ្ឍខ្លួនទៅជាមេរោគបានយ៉ាងងាយ ដែលបណ្ដាលឲ្យរបួសជើង។
២.ពាក់ស្បែកជើងយូរពេក
ជើងជាផ្នែកមួយដែលមានញើសចេញមកច្រើន ជាពិសេសនៅរដូវក្ដៅ។ ការពាក់ស្បែកជើងរយៈពេលយូរអាចបង្កើនបរិមាណញើសនៅជើង ហើយវាងាយមានក្លិន បាក់តេរីស្រួលលូតលាស់ និងបង្កបង្កើនហានិភ័យនៃជំងឺរលាក ឬការឆ្លងមេរោគ។
ដូច្នេះអ្នកគួរកំណត់រយៈពេលពាក់ស្បែកជើង ហើយម្ដងម្កាលគួរយកស្បែកជើងចេញនៅពេលដើម្បី ឲ្យជើងបានសម្រាក និងមានខ្យល់ចេញចូល។
៣.ពាក់ស្បែកជើងតឹងពេក
មនុស្សស្រីជាច្រើនចូលចិត្តពាក់ស្បែកជើងតឹងៗ ដើម្បីឲ្យមើលទៅសមនឹងជើង ប៉ុន្តែការពាក់ស្បែកជើងតឹងពេកមិនល្អ ហើយធ្វើឲ្យអ្នកមានអារម្មណ៍មិនស្រួលនោះ។ ក្រៅពីនោះវាក៏បណ្ដាលឲ្យមានបញ្ហាសុខភាពធ្ងន់ធ្ងរជាច្រើនទៀតផងដែរ។
ពាក់ស្បែកជើងតឹង ជើងនឹងទប់ស្កាត់មិនអាចដកដង្ហើមបានទេ វាងាយនឹងបែកញើស ហើយបាក់តេរីនឹងប្រមូលផ្ដុំបង្កើនហានិភ័យនៃជំងឺជាច្រើនដូចជាជំងឺ ហើម រលោក។
៤.មិនសម្អាតស្បែកជើង
មូលហេតុនៃការរលាកជើង ឬឈឺចាប់មួយចំនួន គឺបណ្ដាលមកពីអ្នកមិនដែលលាងសម្អាត។ ប្រសិនបើស្បែកជើងកង្វក់ បាក់តេរីនឹងអាចធ្វើឲ្យជើងរបស់អ្នក ក្លាយទៅជាតំបន់មានមេរោគផ្សិតរហូតបណ្ដាលឲ្យមានក្លិនមិនល្អ៕
ចុចអាន៖ហាត់ប្រាណរាល់ព្រឹក អាហារក៏តម តែទម្ងន់នៅឡើងមិនឈប់ នោះក៏ព្រោះកំហុសឆ្គង ៣ យ៉ាង