មនុស្សគ្មានការជឿជាក់ ធ្វើអ្វីមួយខ្លាចមុខ-ក្រោយ តែសាក ៣ វិធីនេះការជឿជាក់ឡើងពេញខ្លួនបឹប

2018-05-25 08:00:00
ចំនួនមតិ 0 | ចំនួនចែករំលែក 0

ការជឿជាក់មានឥទ្ធិពលលើរាងមនុស្សខ្លាំងណាស់ ធ្វើអីមិនចេះញញើតញញើម ហើយតែងឈានមុខគេជានិច្ច។ មនុស្សដែលមានភាពជឿជាក់លើខ្លួនឯង ធ្វើអ្វីក៏ទទួលបានជោគជ័យច្រើនជាងមនុស្សខ្លាចគេដែរ។ តែបើអ្នកគ្មានវាក្នុងខ្លួនទេ សាកវិធីសាស្ត្រនេះ នឹងអាចកែប្រែខ្លួនឯងបាន៖

១.នៅជុំវិញខ្លួនអ្នកជាមួយមនុស្សដែលមានទំនុកចិត្ត**

នៅក្នុងសៀវភៅ Grit ដ៏ល្អបំផុតរបស់លោកស្រី Angela Duckworth បានពន្យល់ថា វិធីមួយក្នុងការអភិវឌ្ឍបុគ្គលិកលក្ខណៈខ្លួនឯងឲ្យឈានទៅរកទំនុកចិត្តបាន ទាល់តែនៅក្បែរខ្លួនពោរពេញទៅដោយមនុស្សជឿជាក់លើខ្លួនឯងដែរ។ ប្រសិនបើអ្នកដួល ហើយមានមនុស្សជិតខ្លួនចាំប្រាប់ឲ្យអ្នកក្រោកឈរ ដោយកុំឲ្យអៀនខ្មាស នោះអ្នកពិតជាហ៊ានក្រោកដើរទៅមុខបន្តទៀត។

២.រៀនពីសកម្មភាពអ្នកដទៃ

អ្នកគួរតែចំណាយពេលច្រើនក្នុងការរៀនពីសហគ្រិន public speaker ឬអ្នកដ៏ជោគជ័យ និងអ្នកដឹកនាំផ្សេងៗ។ រៀនពីចំណុចសំខាន់ជំរុញឲ្យពួកគេទទួលបានភាពប៉ិនប្រសព្វ ដែលផ្ដល់ពួកគេនូវទំនុកចិត្ត ក្នុងពេលបំពេញការងារ។

៣.ទទួលយកភាពបរាជ័យ

ពិតណាស់គ្មាននរណាម្នាក់ចង់បរាជ័យទេ ប៉ុន្តែប្រសិនបើអ្នកចង់ទទួលបានជោគជ័យនោះ ត្រូវរៀនពីចំណុចនេះសិន។ អ្នកកាន់តែបរាជ័យញឹកញាប់ប៉ុណ្ណា ចំណេះដឹងកាន់តែច្រើនប៉ុណ្ណឹងដែរ។ អ្នកត្រូវតែចាំទុកថា ការបរាជ័យនឹងនាំអ្នកទៅរកចំណេះដឹងថ្មីមួយបែបផ្សេងទៀត ដូចនេះកុំខ្លាចវាធ្វើអ្វី ព្រោះជាផ្លូវនាំអ្នកទៅកាន់ភាពជោគជ័យបាន៕

ចុចអាន៖ពេលស្ថិតនៅវ័យ ២០ ឆ្នាំ អ្នកគួរធ្វើរឿង ៧ យ៉ាងនេះ ដើម្បីជោគជ័យ ១០ ឆ្នាំក្រោយ

ប្រភព៖ success ប្រែសម្រួល៖ ទ្រី រ៉ាវី