ជីវិតស្រីៗរស់នៅប្រទេសអារ៉ាប៊ីសាអូឌីត ត្រូវហាមមិនឲ្យធ្វើរឿងច្រើនណាស់

2018-05-25 05:00:00
ចំនួនមតិ 0 | ចំនួនចែករំលែក 0

មនុស្សស្រីដែលរស់នៅក្នុងប្រទេសអារ៉ាប៊ីសាអូឌីត គឺពុំមានសិទ្ធពេញលេញក្នុងការធ្វើអ្វីៗ ដូចបុរសឡើយ។ បើជាប្រពន្ធ រាល់ពេលចេញទៅទីសាធារណៈម្តងៗ ប្តីត្រូវទៅតាមជានិច្ច មិនត្រឹមតែប៉ុណ្ណោះ មានរឿងជាច្រើនទៀតដែលហាមប្រាម ស្រីៗមិនឲ្យធ្វើនៅក្នុងប្រទេសនោះ។ បើមាននរណាមួយ មិនអាចគោរពច្បាប់ដែលបានហាម ពួកគេនឹងត្រូវពិន័យ ឬដាក់ទោសទៀតផង។

១. មិនអាចចេញទៅក្រៅម្នាក់ឯង ដោយគ្មានមនុស្សប្រុសទៅជាមួយ

មនុស្សស្រីនៅអារ៉ាប់ គ្មានសិទ្ធិចេញក្រៅដោយគ្មានប្តី ឬសាច់ញាតិជាមនុស្សប្រុសទៅអមជាមួយនោះទេ។ ស្រ្តីក៏មិនអាចចាកចេញពីប្រទេស ស្វែងរកការងារធ្វើ រៀបការ ចូលរៀននៅសាកលវិទ្យាល័យ ឬសូម្បីតែវះកាត់ក៏ដោយ ក៏ត្រូវឆ្លងកាត់ការអនុញ្ញាតពីខាងប្រុសសិនដែរ។ បើមានការត្រូវទៅប៉ុស្តិ៍ប៉ូលីល បុរសដែលតែងតែតាមការពារនោះ គឺត្រូវនិយាយជំនួស ព្រោះនាងមិនអាចដោះក្រណាត់ដែលគ្របមុខនោះចេញបានទេ ហើយក៏គ្មានសិទ្ធិតវ៉ា ត្អូញត្អែរដាក់បុរសនោះដែរ។

២. គ្មានសិទ្ធិបើកបរ

កាលពីមុនស្រ្តីគ្មានសិទ្ធិទាល់តែសោះក្នុងការបើកបរ ប៉ុន្តែនៅក្នុងឆ្នាំ ២០១៧ ស្តេចនៃប្រទេសអារ៉ាប់ ក៏បានផ្លាស់ប្តូរឲ្យស្រ្តី អាចមានសិទ្ធិបើកបរធម្មតា ប៉ុន្តែលុះត្រាតែមានការអនុញ្ញាតពីខាងប្រុសសិន បើពុំដូច្នោះទេ គឺខុសច្បាប់ដដែល។

៣. មិនឲ្យប្រើសេវាដឹកជញ្ជូនសាធារណៈ

មិនឲ្យជិះឡានក្រុង ហើយបើជិះរថភ្លើងវិញ ត្រូវជិះនៅកន្ទុយរថភ្លើង ដាក់ដោយឡែកពីបុរស ដូច្នេះហើយបានជានារីនៅប្រទេសនោះ ត្រូវដើរដោយខ្លួនឯង ជិះតាក់ស៊ី ឬមានអ្នកបើកបរផ្ទាល់ខ្លួន។

៤. ត្រូវស្លៀកខ្មៅសុទ្ធ ហើយធំ

ពេលដើរនៅតាមដងផ្លូវ ស្រីៗតម្រូវស្លៀកគ្របឲ្យជិត សល់តែភ្នែកដៃ និងជើង ហើយសាច់ក្រណាត់ត្រូវឲ្យក្រាស់ មិនលេចចេញរាង។ យ៉ាងណាមិញ តាមតំបន់ខ្លះ ការស្លៀកពាក់ គឺមិនតឹងតែងដាក់កំហិតខ្លាំងពេកទេ ប៉ុន្តែបើមិនគោរពតាមច្បាប់នោះ ក្នុងករណីមានជនខិលខូចចាប់រំលោភ ស្រ្តីនឹងត្រូវបានគេចោទថាមកពីស្លៀកធូររលុងពេក។

៥. មិនលើកទឹកចិត្តស្រ្តីឲ្យទៅរៀននៅសាកលវិទ្យាល័យ

ទៅរៀនបាន ប៉ុន្តែមិនចាំបាច់រៀនខ្ពស់ពេកទេ ហើយបើចង់ទៅរៀននៅក្រៅប្រទេស គឺត្រូវមានការអនុញ្ញាតិពីបុរសសិន ហើយនារីក៏មិនសូវមានឱកាសជាប់អាហារូបករណ៍ដែរ។ ទោះបីជារៀនចប់មហាវិទ្យាល័យ ក៏ពួកគេមិនសូវបានធ្វើការងារដែរ។

៦. ពួកគេមិនធ្វើការងារអ្វីច្រើនទេ

នារីដែលមានការងារធ្វើគឺមានតែ ១៧% ប៉ុណ្ណោះ ក្រៅពីហ្នឹងភាគច្រើនពួកគេ នៅផ្ទះមើលកូន។ នារីដែលមិនត្រូវបានហាមឃាត់ធ្វើការងារ លុះត្រាតែគេចេះទុកដាក់ចាត់ចែង ក្នុងក្រុមគ្រួសារឲ្យបានល្អ និងមានការអនុញ្ញាតពីខាងប្តី។

ភាគច្រើនស្រ្តីនៅទីនោះមានសិទ្ធធ្វើការងារណា ដែលមិនតម្រូវឲ្យជួបប្រុសៗ ដូចជាធ្វើឆ្មបជាដើម។ ស្រីៗមិនសូវជាមានគេ ស្វាគមន៍ឲ្យចូលក្នុងនយោបាយ ឬធ្វើជាមេធាវីឡើយ។ ឯប្រាក់ខែវិញគឺទាប ក្រុមហ៊ុនផ្សេងៗមិនចង់បានបុគ្គលិកជាមនុស្សស្រី ព្រោះគេត្រូវបែងចែក ទាំងកន្លែងធ្វើការ បន្ទប់ទឺក រួមទាំងច្រកចូល ត្រូវដាក់ឲ្យដាច់ដោយឡែកពីបុរស។

៧. តើពួកគេរៀបការយ៉ាងណាដែរទៅ?

មនុស្សស្រីនៅអារ៉ាប់រៀបការនៅវ័យក្មេងណាស់ ពេលខ្លះមិនទាន់ពេញវ័យស្រួលបួលក៏មាន បែបនេះហើយបានពួកគេភាគច្រើនត្រូវឈប់រៀន។ ម្យ៉ាងទៀតការប្រញាប់មានផ្ទៃពោះ ធ្វើឲ្យសុខភាពឆាប់ទ្រុឌទ្រោម រហូតដល់ស្លាប់ផងដែរ។ មិនមានការបង្ខំឲ្យរៀបការទេ ប៉ុន្តែឪពុកខាងស្រីចាំបាច់ត្រូវ ធ្វើកុងត្រាជាមួយអនាគតកូនប្រសាប្រុស។

៨. មិនឲ្យចេញទៅស្វាគមន៍ភ្ញៀវនៅមាត់ទ្វារ

ស្រីៗមិនអាចអញ្ជើញភ្ញៀវ មកលេងនៅផ្ទះបានទេ បើមានភ្ញៀវមកលេង អាចនិយាយគ្នាបាន ប៉ុន្តែត្រូវមានគម្លាតឲ្យឆ្ងាយ មិនត្រូវនៅជិតគ្នា ហើយភាគច្រើនច្រកទ្វារផ្ទះមានពីរមួយសម្រាប់ប្រុស មួយសម្រាប់ស្រី។

៩. ច្រកចូលហាងកាហ្វេ មានពីរផ្សេងគ្នា

ការបែងចែកភេទ គឺជាគោលការណ៍ដ៏ចម្បងនៅក្នុងប្រទេសនោះ ដែលមិនឲ្យស្រ្តី ទាក់ទងជាមួយមនុស្សប្រុសដែលមិនធ្លាប់ស្គាល់គ្នាពីមុនមក ជាពិសេសនៅទីសាធារណៈ ដូចជាឆ្នេរខ្សាច់ និងភោជនីយដ្ឋាន។ ដូច្នេះហើយទោះបីជា ហាងល្បីៗជាច្រើនមកពីប្រទេសសេរីក៏ដោយ ត្រូវតែគោពតាមច្បាប់មួយនេះ។

១០. គ្មានសិទ្ធិស្មើគ្នា

កូនដែលមានឪពុកជាជនបរទេស មិនអាចមានសិទ្ធិចូលជាសញ្ជាតិអារ៉ាប់។ ចំពោះកេរ្តិ៍មរតកវិញ បុរសតែងទទួលបានច្រើនជានារីទ្វេដង។ បើនៅតាមជនបទវិញ គឺមិនត្រូវបានទទួលមរតកសោះតែម្តង។

១១. ហាមឃាត់ការលេងកីឡា

សូម្បីតែការការប្រកួតផ្នែកកីឡា ក៏ត្រូវបានហាមឃាត់ដែរ ចំណែកឯការហាត់ប្រាណវិញ មិនមែនអាចហាត់បានគ្រប់ ឧបករណ៍នោះទេ៕