វិធីកម្ចាត់កំណកកំបោរជាប់ធ្មេញដែលមានប្រសិទ្ធភាពមិនគួរឱ្យជឿ

2018-05-23 03:11:10
ចំនួនមតិ 0 | ចំនួនចែករំលែក 0

ស្នាមញញឹមគឺជាភាពទាក់ទាញបំផុតរបស់មនុស្សម្នាក់ៗ។ ប៉ុន្តែស្នាមញញឹមទាំងអស់នោះនឹងរលាយអស់ដោយសារតែកំណកកំបោរដែលកើតឡើងពីការជក់បារី ការផឹកកាហ្វេ និងការមិនបានថែទាំឱ្យបានត្រឹមត្រូវ។ ប្រសិនបើអ្នកខ្ជិលទៅពេទ្យធ្មេញ ឬចូលចិត្តការសម្អាតតាមបែបធម្មជាតិ វិធីទាំងនេះអាចជួយអ្នកបាន៖

១. ប្រើម្សៅសូដា

ម្សៅសូដាគឺជួយដល់ការសម្អាតយ៉ាងមានប្រសិទ្ធភាព។ លាយម្សៅសូដា១ស្លាបព្រាបាយជាមួយនឹងអំបិលបន្តិច រួចយកច្រាសដុសធ្មេញរបស់អ្នកមកផ្តិតហើយដុសតាមធម្មតា។

២. សំបកក្រូច

ក្រោយពេលដែលអ្នកញាំក្រូចរួច សូមកុំចោលសំបកវាព្រោះថាសំបកក្រូចពិតជាមានប្រយោជន៍ណាស់សម្រាប់សម្អាតធ្មេញ។ វាជួយឱ្យធ្មេញរបស់អ្នកកាន់តែស ភ្លឺចែងចាំង និងកម្ចាត់បាក់តេរីនៅក្នុងមាត់បានថែមទៀតផង។ អ្នកគ្រាន់តែយកសំបកក្រូចមកដុសខាត់លើធ្មេញជាការស្រេច។

៣. គ្រាប់ល្ង

អ្នកអាចយកល្ងមួយក្តាប់មកទំពារក្នុងមាត់២ឬ៣នាទី រួចយកច្រាសដុសធ្មេញមកដុសដើម្បីសម្អាតល្ងដែលមាននៅជាប់ធ្មេញ។ ល្ងជួយបំបាត់កំណកកំបោរទាំងឡាយបានល្អ។

៤. វីតាមីនកិន

កិនផ្លែឈើ និងបន្លែដែលមានជាតិវីតាមីនC គឺពិតជាអាចជួយកម្ចាត់ធាតុកខ្វក់ និងបាក់តេរីបានឆាប់រហ័សបំផុត។ អ្នកអាចកិនប៉េងប៉ោះ ស្ត្រប៊ែរី និងផ្លែក្រូច ហើយដាក់នៅលើធ្មេញ៥ទៅ៦នាទីចាំខ្ពុលទឹកចេញ។

៥. ទឹកខ្មេះ

ទឹកខ្មេះមានក្លិននិងរសជាតិមិនសូវល្អប៉ុន្មានទេ ប៉ុន្តែវាសម្អាតធ្មេញបានស្អាតហើយគ្មានប៉ះពាល់អ្វីទាំងអស់

វិធីប្រើ៖ លាយទឹកខ្មេះ២ស្លាបព្រាបាយជាមួយនឹងអំបិល១ស្លាបព្រាបាយនិងទឹកបន្តិច។ លាបល្បាយនោះទៅលើកំណកកំបោរ៣ទៅ៤ថ្ងៃជាប់គ្នា៕

ប្រភព៖ Brightside ប្រែសម្រួល៖ តាន់ ច័ន្ទលក្ខិណា