ស្រីៗឆ្ងល់ថា ខ្លួនស្អាតបាតប៉ុណ្ណឹងដែរហេតុអ្វីស្នេហាបរាជ័យម្ដងហើយម្ដងទៀត? ៧ យ៉ាងនេះជាមូលហេតុ
- 2018-05-21 07:00:00
- ចំនួនមតិ 0 | ចំនួនចែករំលែក 0
ស្រីៗឆ្ងល់ថា ខ្លួនស្អាតបាតប៉ុណ្ណឹងដែរហេតុអ្វីស្នេហាបរាជ័យម្ដងហើយម្ដងទៀត? ៧ យ៉ាងនេះជាមូលហេតុ
អ្នកប្រហែលជាកំពុងឆ្ងល់ថា ខ្លួនមានអ្វីល្អសព្វគ្រប់ដែរ តែបែរជាបរាជ័យរឿងស្នេហាម្ដងហើយម្ដងទៀតមិនឈប់? នោះក៏ព្រោះតែអ្នកចូលចិត្តធ្វើរឿង ៧ យ៉ាងខាងក្រោមនេះដដែលៗពេក៖
១.យល់ច្រឡំអារម្មណ៍ជាមួយមនុស្សថ្មី
មានមនុស្សជាច្រើនដែលងប់ងុលនឹងមនុស្សចម្លែកទើបតែបានស្គាល់ ព្រោះគេមានចរិតក្លាហាន និងសម្ដីផ្អែម រហូតភ្លេចអ្នកនៅក្បែរស្រលាញ់បារម្ភ និងគាំទ្រខ្លួនដោយស្ងៀមស្ងាត់។ អ្នកមិនដឹងទេថា នោះវាគ្រាន់តែជាអារម្មណ៍មួយឆាវប៉ុណ្ណោះ។
**២.មានទំនុកចិត្តលើខ្លួនឯងពេក**
នៅពេលអ្នកមានស្នេហា អ្នកនឹងមានភាពជឿជាក់លើខ្លួនឯងដោយគិតថា ដៃគូមិនអាចអត់ពីអ្នកបាន។ ចំណែកម្ខាងទៀតមិនមានអារម្មណ៍ថា ខ្លួនត្រូវបានដៃគូថែទាំដូចគ្នា ក៏ធ្វើឲ្យចំណងស្នេហ៏ចាប់ផ្ដើមដាច់ដោចម្ដងបន្តិចៗ។
៣.អ្នកមិនចេះស្រលាញ់ត្រឹមត្រូវ
អ្នកចូលចិត្តការនិយាយកុហក ជាជាងការពិត។ អ្នកចូលចិត្តតែបង្ខិតបង្ខំដៃគូ ហើយនោះជាមូលហេតុដែលគាត់មានអារម្មណ៍ថា ជីវិតគេមិនឲ្យតម្លៃ បន្ទាប់មកក៏បោះបង់អ្នកចោល និងស្វែងរកអ្វីដែលគួរឲ្យចាប់អារម្មណ៍បន្ថែមពីមនុស្សថ្មី។
៤.ខ្វះការទុកចិត្ត
អ្នកខ្វះសន្តិភាពផ្លូវចិត្ត ដូចនេះហើយតែងតែសង្ស័យដៃគូគ្រប់ពេល។ ជឿថា ប្រសិនបើរឿងមិនទុកចិត្តកើតឡើងជាញឹកញាប់ នោះទំនាក់ទំនងរវាងមនុស្សពីរនាក់នឹងកាន់តែអាក្រក់ទៅៗ។
៥.ស្រមើស្រមៃពីក្ដីស្រលាញ់របស់មិត្តភ័ក្ដិ និងមនុស្សនៅជុំវិញ
អ្នកតែងតែប្រៀបធៀបសេចក្ដីស្រលាញ់របស់អ្នកទៅអ្នកដទៃ ហើយបង្កើតស្នេហាតាមរបៀបដែលអ្នកចង់បាន។
៦.ពឹងពាក់លើដៃគូខ្លាំងពេក
រឿងខ្លួនឯងតូចតាច ក៏ពឹង រឿងលុយកាក់ក៏ពឹង ហើយរឿងការងារក៏ពឹង។ បើអ្នកផ្អែកលើមនុស្សប្រុសទាំងស្រុងបែបនេះ ច្បាស់ណាស់ថាគ្មាននរណាទ្រាំទ្របានទេ គេក៏ចេះធុញទ្រាន់ដែរ។
៧.ទាមទារពេក
អ្នកតែងតែទាមទារចង់ដូរទូរសព្ទឲ្យទាន់សម័យកាល ចង់បានខោអាវ ស្បែកជើង កាបូប ជារបស់ប្រេនៗ ដោយសុំដៃគូរហូត។ អាកប្បកិរិយាបែបនេះបង្ហាញថា អ្នកស្រលាញ់វត្ថុជាងមនុស្ស៕
ចុចអាន៖ពិភពលោកមនុស្ស៧ពាន់លាននាក់ ហេតុអ្វីត្រូវនៅរង់ចាំគេតែម្នាក់?